Konsesyonal na Loan

Ang mga konsesyonal na loan ay mga loan na iniaalok na may mga tuntuning mas paborable kaysa sa mga tuntunin sa merkado para sa nanghihiram.
Download

Instrument Category

  • Pagpopondo na Nakabatay sa Pautang

Other ınstruments ın the same Category

Term Loan
Syndicated Loan

Relevant case study

Deskripsiyon

Ang mga konsesyonal na loan ay mga loan na iniaalok na may mga tuntunin na mas paborable kaysa sa makukuha ng isang humihiram sa pamilihan. Ang mga naturang tuntunin ay karaniwang may kasamang mas mababang rate ng interest sa pamilihan, mga palugit kung kailan hindi kinakailangan ng tatanggap na magbigay ng mga pagbabayad, o kumbinasyon ng dalawa. Madalas na ibinibigay ng mga internasyonal na ahensya ng pagpapaunlad ang mga loan na ito, kagaya ng mga pinansyal na institusyon sa pagpapaunlad (development financial institutions, DFIs), mga donor agency, o pamahalaan (sa pamamagitan ng opisyal na tulong sa pagpapaunlad (official development assistance, ODA), taglay ang pangunahing layunin na suportahan ang mga inisyatibong sosyo-ekonomiko na pagpapaunlad sa mga bansang tatanggap. Pinapababa ng konsesyonal na katangian ng mga loan na ito, ang gastos sa kapital para sa humihiram, kaya nagbibigay-daan sa kinakailangang kapital para pondohan ang isang proyekto.  Gamit ang wastong istraktura, nagsisilbi ang mga konsesyonal na loan bilang importanteng gamit na pang-ugnay para maakit ang mas malalaking pagpopondo mula sa pribadong sektor, sa sandaling nagsimula na ang proyekto.

Mga Kondisyon sa Pagpapagana at Pangunahing Pagsasaalang-alang

  • Pagkakarapat-dapat sa pautang ng isang lungsod. Importante ang pagpapanatili ng mataas na antas ng pagkakarapat-dapat sa pautang para sa anumang lungsod na naghahangad ng konsesyonal na pananalapi. Ipinapahiwatig ng pagkakarapat-dapat sa pautang ang abilidad ng isang lungsod na bayaran ang mga pagkakautang nito nang nasa oras. Kabilang sa mga salik na nakadaragdag sa pagkakarapat-dapat sa pautang ang mabisang pamamahala sa pagbubuwis, malinaw na pamamahala, at subok-nang track record ng muling pagbabayad ng mga loan. Mapapaganda ng isang lungsod na tumutupad sa mga prinsipyong ito ang reputasyon nito sa mga pinansyal na institusyon sa pagpapaunlad o sa mga donor agency, kaya napapalakas ang pagkakarapat-dapat nito para sa mga konsesyonal na loan.
  • Direktang access sa DFI o ODA. Makapagbibigay-lakas ang pangangalaga ng direktang ugnayan sa pagitan ng lungsod at DFI o donor agency na lumahok sa mas makabuluhang talakayan at makabuo ng mga plano na kahanay ng kani-kanilang mga mithiin sa pagpapaunlad. Mabibigyang-kakayahan nito ang mga lungsod na direktang pakinabangan ang kadalubhasaan at pinagkukunan ng mga  organisasyon na ito, at posibleng pabibilisin ang proseso ng pagkuha ng pananalaping konsesyonal para sa mga proyekto ng imprastraktura. Sa ilang pagkakataon, maaaring nangangahulugan ito ng pagtatag, paglilinaw, o pagtaguyod sa mga legal o pangregulasyon na balangkas na nagpapahintulot sa mga lokal na pamahalaan na mapakilos ang puhunan sa pamamagitan ng mga pinapahintulutang anyo ng pag-utang. 

Mga Potensyal na Hamon

  • Kakulangan ng malinaw na legal o pangregulasyon na balangkas pagdating sa pag-utang. Maaaring makahadlang ang mga hindi malinaw na legal o pangregulasyon na balangkas sa kakayahan ng isang lungsod na umutang. Halimbawa, habang legal na pinapayagan ang mga lokal na pamahalaan na lumikom ng kapital sa pamamagitan ng mga bono o iba pang lehitimong anyo ng paghiram, sa kagawian, ang hindi malinaw na gawi na pag-decentralize mula sa pangunahing pamahalaan o mga regulasyon na walang detalye sa kung paano dapat pamahalaan ng mga lungsod ang lokal na kakulangan o kung ano-ano ang magagamit nito bilang kolateral sa mga loan ang makahahadlang sa mga lungsod na ma-access ang kapital sa pamamagitan ng konsesyonal na pananalapi.
  • Limitadong kakayahang administratibo ng mga opisyal ng pamahalaan. Maaaring maging masalimuot ang proseso ng aplikasyon para sa mga konsesyonal na loan, partikular na para sa mga lokal na opisyal ng pamahalaan na maaaring hindi sanay sa mga kinakailangan kagaya ng pagbuo ng detalyadong panukalang proyekto, pagpaplano sa pananalapi, at iba pang kinakailangan sa pamamaraan. Maaaring maging isang hamon sa mga lungsod na limitado ang kakayahang administratibo na maghanda at magsumite ng kinakailangang dokumentasyon.
  • Mga hamon sa pamamahala ng buwis sa pampublikong sektor. Maaaring mahirapan ang mga lungsod na mataas ang antas ng mga dati nang utang o hindi malinaw ang pamamahala sa buwis, na masapatanan ang pamantayan na itinakda ng international DFI o donor agency na sinisikap nilang mapagkunan ng konsesyonal na pananalapi. Ang mga dati nang salik katulad ng kondisyon sa pulitika, implasyon, at pagtaas-baba ng palitan ng pera ay makahahadlang din sa mabisang pamamahala ng isang lungsod sa pagkakautang, na tumatayo bilang mga balakid sa pag-access ng mga konsesyonal na loan.

Mga Potensyal na Benepisyo

  • Nagbibigay ang mga konsesyon na loan ng abot-kayang pagpopondo. Nag-aalok ang mga konsesyon na loan sa mga lungsod ng mas murang paraan ng pagpopondo sa mga proyekto ng smart city. Mas simple ang istraktura ng mga konsesyonal na loan at mabilis na maipapatupad para sa anumang yugto ng isang proyekto. Dahil sa mas mababang mga rate ng interes, mas mahahaba ang panahon ng pagbabayad, o pareho, nababawasan ng mga loan na ito ang gastos sa paghiram para sa mga lungsod at nagbibigay-daan sa mga lungsod na magpatupad ng mga proyekto na may malaking potensiyal pero maaaring hindi kasing-laki ang pagkakakitaan.
  • Posibleng mag-catalyze ang mga loan o suportahan ang pamumuhunan ng pribadong sektor sa kalaunan. Maaaring magdalawang-isip ang mga pribadong mamumuhunan na pondohan ang ilang inisyatibo dahil sa nakikinitang mga antas o panganib, kahit na malaki ang potensiyal ng inisyatibo. Importante ang ginagampanang papel ng mga konsesyonal na loan sa pagtulong sa inisyatibo na makapagsimula at maipakita ang kahalagahan nito. Habang nakapagtatatag ng subok-nang track record ang inisyatibo, maaaring maging mas kaakit-akit ito na salihan ng mga pribadong mamumuhunan.
  • Magbigay-daan sa paglago ng pamilihan at suportahan ang inobasyon. Mapapangalagaan ng mga konsesyonal na loan ang inobasyon at paglago ng pamilihan sa pamamagitan ng pagbigay ng pinansyal na tulong para sa mga proyektong malaki ang epekto na tila nagsisimula pa lang o mapanganib para sa mga karaniwang nagpopondo. Halimbawa, makatutulong ang mga konsesyonal na loan na pondohan ang mga proyekto ng nababagong enerhiya, na nagpapakita na may buhay ito at ang potensiyal na magkaroon ng renewable sector sa isang bansa. Hinihimok ng pagpopondo ang pagtuklas sa mga inisyatibo ng pagiging una, na nakadaragdag sa paglaki at paglago ng umuusbong na pamilihan. 

Mga Pinagmulan/Karagdagang Impormasyon

Case Study

Scroll to Top