Instrumento at halaga ng pagpopondo

On-Bill na pananalapi para sa mga de-kuryenteng pampublikong bus

Background

Noong 2017, ipinakilala ng Santiago, Chile ang proyekto sa pagsasa-kuryente ng pampublikong transportasyon na layuning isa-kuryente ang 25% ng mga pampublikong bus pagsapit ng 2025. Isang makabagong on-bill na pananalapi ang ipinakilala para pondohan ang mga bagong de-kuryenteng bus. Ang Metbus, isa sa mga pribadong bus operator sa Santiago, ay nakipagtulungan sa Enel, isang Italian na utility company, at BYD, isang Chinese na manufacturer ng sasakyan sa isang pilot project para ipakilala ang mga de-kuryenteng bus. Napatunayang tagumpay ang pilot at pinalawig ito para gawin ang Metbus bilang pinakamalaking tagapagpalabas ng mga de-kuryenteng bus sa Santiago.

Diskarte

Ang Metbus, isa sa mga pribadong bus operator sa Santiago, ay nakipagtulungan sa Enel, isang Italian na kumpanya ng utilidad, at BYD, isang Chinese na manufacturer ng sasakyan. Kumilos ang Enel bilang ahente sa pananalapi at tagapagbigay ng enerhiya, at inarkila ang mga de-kuryenteng bus ng BYD sa Metbus para sa haba ng panahon na 10 taon. Responsibilidad ng Metbus ang pagpapatakbo sa mga bus at pagbigay ng mga basic na pagmamantini, habang BYD ang namamahala sa mga mas sopistikadong pagmamantini, kabilang ang mga battery pack. Mayroon din kasunduan ang Metbus sa BYD kung saan ang manufacturer ang magiging responsable para sa anumang multa na matatanggap kung hindi makasasapat sa pagganap ang mga bus.

Isang makabagong on-bill na pananalapi ang ipinakilala para pondohan ang mga bagong bus. Sasagutin ng utilidad (Enel) ang mga panimulang gastos ng pagbili ng mga de-kuryenteng bus mula sa BYD gamit ang mga panloob na pondo o pagpopondo sa utang. Aarkilahin ng bus service operator (Metbus) ang mga bus mula sa utilidad nang walang karagdagang panimulang gastos kaysa bumili ng isang diesel na bus. Sa halip, mababawi ang ginastos sa pamamagitan ng nakatakdang taripa sa buwanang bayarin sa kuryente ng operator sa mga pagbabayad sa Enel na inilalapat sa pamamagitan ng isang Ahensya ng Pamamahala sa Pananalapi na bahagi ng mas malawak na system ng Santiago sa pampublikong transportasyon at siyang may responsibilidad sa pag-distribute ng pondo sa sistema. Kina-calibrate ang taripa para matiyak na ang tinatayang gastos sa pagpapatakbo ng isang de-kuryenteng bus ay kahambing o mas mababa pa kaysa sa isang diesel na bus. Sa sandaling ganap nang mabawi ang mga ginastos ng utilidad, magiging pag-aari na ng Metbus ang bus at mga charger.

Mga Resulta

Nagsimula ang pilot project gamit ang dalawang BYD bus at isa itong tagumpay, kung saan ang gastos sa pagpapatakbo ng isang de-kuryenteng bus ay nakalkula sa USD 0.10/KM, kung ihahambing sa gastos sa isang diesel na bus, na nasa USD 0.43/KM. Sa pagpapatuloy sa tagumpay ng mga pilot, nakipagtulungan ang Metbus sa Enel at BYD para magdagdag ng karagdagang 100 bus sa fleet nito noong 2018. Nadagdagan pa ito lalo sa 183 bus noong 2019 at dagdag pang 150 bus noong 2020, na gumawa rito bilang pinakamalaking tagapagpalabas ng mga de-kuryenteng bus sa Santiago, Chile.

Gamit ang fleet na 400 bus, nakatulong ang Metbus sa pagbawas ng malapit sa 20,630 tonelada ng CO2, na nagmarka ng humigit-kumulang sa 5% na pagbaba kung ihahambing sa mga level noong 2018. Bukod pa rito, nag-ulat ang mga operator sa dalas at pagkamaaasahan ng mga de-kuryenteng bus na katumbas o higit pa sa mga karaniwang bus, na nagha-highlight sa mga benepisyo ng isang fleet ng mga de-kuryenteng bus. Mas mababa rin ang gastos sa pagmamantini at pagpapatakbo para sa mga de-kuryenteng bus kung ihahambing sa mga diesel na bus.