နောက်ခံအကြောင်းအရာ
2007 ခုနှစ်တွင် အမေရိကန်ပြည်ထောင်စု၊ ကယ်လီဖိုးနီးယားပြည်နယ်ရှိ ပုဂ္ဂလိကပိုင် အများသုံး ရေမီးဖြန့်ဖြူးရေးလုပ်ငန်းများ (POUs) ကို စည်းကမ်းထိန်းသိမ်းရာတွင် တာဝန်ရှိသည့် ကယ်လီဖိုးနီးယားပြည်နယ် ရေမီးဖြန့်ဖြူးရေးလုပ်ငန်း ကော်မရှင် (CPUC) က ပြည်နယ်အား ၎င်း၏ စွမ်းအင်ထိရောက်ရေးပန်းတိုင် ပြည့်မီအောင် ကူညီရန် ငွေတောင်းခံလွှာမှတစ်ဆင့် ဘဏ္ဍာငွေရှာဖွေခြင်း (OBF) အစီအစဉ်ကို အစပျိုးခဲ့သည်။
ချဉ်းကပ်ပုံ
ကယ်လီဖိုးနီးယားပြည်နယ် အများသုံး ရေမီးဖြန့်ဖြူးရေးလုပ်ငန်းကော်မရှင်က ပြည်နယ်တွင်း နေထိုင်သူမဟုတ်သည့် အသုံးပြုသူများ (ဥပမာ – စီးပွားရေးလုပ်ငန်း၊ အစိုးရ အဖွဲ့အစည်းများ၊ စသဖြင့်) အတွက် အတိုးနှုန်းလုံးဝမရှိသည့် OBF အစီအစဉ်တစ်ခုကို အကောင်အထည်ဖော်ရန်နှင့် စီမံခန့်ခွဲရန် POU သုံးခုကို ညွှန်ကြားခဲ့သည်။ အစီအစဉ်၏ အဓိကရည်ရွယ်ချက်မှာ စွမ်းအင် ထိရောက်မှုရှိသော ရင်းနှီးမြှုပ်နှံမှုများအတွက် ရှေးဦးကုန်ကျစရိတ်ဆိုင်ရာ အတားအဆီးများကို ဖယ်ရှားပြီး အသုံးပြုသူများအတွက် ပြန်လည်ပေးဆပ်မှုများ အဆင်ပြေစေခြင်းဖြင့် လိုက်လျောညီထွေဖြစ်အောင် တွန်းအားပေးရန်ဖြစ်သည်။
OBF ချေးငွေများကို အသုံးပြုသူ၏ လစဉ်ရေမီးသုံးစွဲမှု ငွေတောင်းခံလွှာမှတစ်ဆင့် ပြန်လည်ပေးဆပ်ခြင်းဖြင့် အတိုးလုံးဝမရှိအောင် ဒီဇိုင်းပြုလုပ်ထားပါသည်။ အသုံးပြုသူအမျိုးအစားနှင့် POU အပေါ်မူတည်၍ ချေးငွေပမာဏသည် USD 5,000 မှ USD 250,000 ကြားအထိ ကွဲပြားနိုင်သည်။ OBF ချေးငွေများကို လစဉ်ပေးချေမှုများသည် ခန့်မှန်းထားသည့် လစဉ်စွမ်းအင်ချွေတာမှုထက် ကျော်လွန်ခြင်း မရှိသည့် ငွေတောင်းခံလွှာကြားနေပုံစံဖြစ်အောင် ဒီဇိုင်းထုတ်ထားသည်မှာ ထင်ရှားပါသည်။ ချေးငွေသက်တမ်းကို စုစုပေါင်း စီမံကိန်း ကုန်ကျစရိတ်နှင့် မျှော်မှန်းထားသော လစဉ်စွမ်းအင်ချွေတာမှုများပေါ် အခြေခံ၍ တွက်ချက်ပြီး ကုန်သွယ်မှုလုပ်ငန်း၊ စက်မှုလုပ်ငန်းနှင့် စိုက်ပျိုးရေးလုပ်ငန်းဆိုင်ရာ အသုံးပြုသူများအတွက် ငါးနှစ်မှ အခွန်ထမ်းသူမှ ရန်ပုံငွေထောက်ပံ့သည့် အဖွဲ့အစည်းများအတွက် ဆယ်နှစ်အထိ ဖြစ်ပါသည်။
ရလဒ်များ
CPUC က ပထမဆုံး OBF အစီအစဉ်စက်ဝန်းကို 2010-2012 မှစတင်၍ သုံးနှစ်စာ အတည်ပြုခဲ့ပြီး ယင်းနောက်ပိုင်းမှစတင်၍ POU များက OBF အစီအစဉ်များကို လည်ပတ်နေပါသည်။ 2015 ခုနှစ်၊ ဒီဇင်ဘာလမှ စတင်ပြီး ပျမ်းမျှအရွယ်အစား USD 38,400 ချေးငွေများအတွက် USD 157 သန်း တန်ဖိုးရှိသော ချေးငွေများကို ထုတ်ချေးခဲ့ပါသည်။ ချေးငွေပြန်မဆပ်နိုင်သည့် နှုန်း 0.06% ရှိပါသည်။
OBF အစီအစဉ်၏ ထိရောက်မှုအပေါ် လေ့လာခဲ့သည့် 2011 လေ့လာချက်အရ စစ်တမ်းတွင် ပါဝင်ခဲ့သည့် အသုံးပြုသူများ၏ လေးပုံ သုံးပုံနီးပါးက OBF အစီအစဉ်မရှိပါက စွမ်းအင်ထိရောက်မှု စီမံကိန်းများကို ရှေ့ဆက်လုပ်နိုင်စွမ်းမရှိနိုင်ဟု ဖြေဆိုခဲ့ကြောင်း တွေ့ရှိရပါသည်
အဓိက လေ့လာတွေ့ရှိချက်များ
အစိုးရထံမှ ရေရှည် ကတိကဝတ်
အစီအစဉ် အောင်မြင်မှုအတွက် အဓိကအချက်သည် OBF ချေးငွေများ၏ ဒီဇိုင်းပုံစံအပြင် ၎င်းအပေါ် CPUC ၏ ရေရှည် ကတိကဝတ်ဖြစ်သည်။ CPUC က ငွေတောင်းခံလွှာမှတစ်ဆင့် ဘဏ္ဍာငွေရှာဖွေခြင်းကို ဆောင်ရွက်ရန် 10 နှစ်နီးပါးကြာ ကတိပြုထားပြီး ထိုအရာက အဆိုပါအစီအစဉ်ကို ထိထိရောက်ရောက်စီမံခန့်ခွဲရန် ရေမီး ဖြန့်ဖြူးသည့် လုပ်ငန်းများအား ကျွမ်းကျင်ပိုင်နိုင်စွာ ဖွံ့ဖြိုးတိုးတက်လာစေရန် ခွင့်ပြုပေးခဲ့ပါသည်
ပါဝင်ဆောင်ရွက်ရန် အဓိက ဆွဲဆောင်မှုများ
OBF အစီအစဉ်အတွက် CPUC မှလုပ်ခဲ့သည့် 2011 ခုနှစ် လေ့လာမှုအရ အတိုးနှုန်း လုံးဝမရှိခြင်း၊ ရိုးရှင်းတည့်မတ်သည့် ကမ်းလှမ်းချက်နှင့် ပြန်လည်ပေးဆပ်ရေးလုပ်ငန်းစဉ်နှင့် ချွေတာမှုထက် မပိုဘဲ ပြန်လည်ပေးဆပ်ရသည့် ငွေတောင်းခံလွှာ ကြားနေဖြစ်နိုင်စွမ်းတို့က OBF အစီအစဉ်တွင်း ပါဝင်နိုင်မှု အတွက် အဓိက တွန်းအားဖြစ်ကြောင်း တွေ့ရှိခဲ့သည်
ဘဏ္ဍာငွေ ရှာဖွေခြင်းဖြစ်နိုင်ခြေကို တိုးချဲ့ရန် လှည့်ပတ် ရန်ပုံငွေများကို အသုံးပြုခြင်း
OBF အစီအစဉ်ကို ထောက်ပံ့ရန် ခွဲဝေထားသည့် ရန်ပုံငွေများကို သုံးနှစ်တာ ရန်ပုံငွေ စက်ဝန်းအတွင်း ပြန်လှည့်ပတ်သည့် ချေးငွေ ရန်ပုံငွေတစ်ခုအဖြစ် ဖွဲ့စည်းတည်ဆောက်ထားပြီး ချေးငွေများ ပြန်ဆပ်သည့်အခါတွင် ရေမီးဖြန့်ဖြူးရေးလုပ်ငန်းများအနေဖြင့် ငွေထုတ်ချေးခြင်းကို တိုးမြှင့်နိုင်ပြီး ရန်ပုံငွေများကို အခွင့်အလမ်းသစ်များနှင့် ၎င်းတို့ သက်ရောက်မှုရှိသော အတိုင်းအတာ တစ်ခုလုံးအပေါ်တွင် အသုံးချနိုင်စေမည်ဖြစ်သည်
သင့်လျော်သည့် ချေးငွေအရွယ်အစား သတ်မှတ်ခြင်းနှင့် အခြား ရေမီးသုံးစွဲမှု အစီအစဉ်များကို အသုံးချခြင်း
ချေးငွေပမာဏအတွက် အမြင့်ဆုံးနှုန်းများနှင့် မျှော်မှန်းထားသည့် စွမ်းအင်ချွေတာမှုများနှင့် လျော်ညီမှုရှိသည့်ပုံစံဖြင့် ချေးငွေပမာဏ သတ်မှတ်ခြင်းအပေါ် အာရုံစိုက်ခြင်းက ချေးငွေပြန်ဆပ်မှုများကို စီမံခန့်ခွဲနိုင်စေသည့်အပြင် ချေးငွေပြန်မဆပ်သည့်နှုန်း အလွန်နည်းပါးခြင်းသို့ ဦးတည်စေသည်
ရင်းမြစ်များ/ထပ်ဆောင်း အချက်အလက်များ
- CADMUS (n.a.). ကယ်လီဖိုးနီးယားပြည်နယ် ရင်းနှီးမြှုပ်နှံသူပိုင် ရေမီးဖြန့်ဖြူးရေး လုပ်ငန်းများ – ငွေတောင်းခံလွှာမှတစ်ဆင့် ဘဏ္ဍာငွေရှာဖွေခြင်း ဆိုင်ရာ အကဲဖြတ်မှု။ ဤဝက်ဘ်ဆိုက်စာမျက်နှာတွင်ဖတ်ရှုနိုင်သည်- https://cadmusgroup.com/case-studies/california-investor-owned-utilities-bill-financing-evaluation/
- မြို့တော် စွမ်းအင်စီမံကိန်း (City Energy Project) (2019)။ ကယ်လီဖိုးနီးယားပြည်နယ် ရင်းနှီးမြှုပ်နှံသူပိုင် ရေမီးဖြန့်ဖြူးရေးလုပ်ငန်း ငွေတောင်းခံလွှာမှတစ်ဆင့် ဘဏ္ဍာငွေရှာဖွေခြင်း အစီအစဉ်။ ဤဝက်ဘ်ဆိုက်စာမျက်နှာတွင်ဖတ်ရှုနိုင်သည်- https://www.cityenergyproject.org/wp-content/uploads/2019/01/City_Energy_Project_Resource_Library_Case_Study_California_Investor_Owned_Utility_On-Bill_Program.pdf
- ကယ်လီဖိုးနီးယားပြည်နယ် အများသုံး ရေမီးဖြန့်ဖြူးရေးလုပ်ငန်း ကော်မရှင် (California Public Utilities Commission)။ ဤဝက်ဘ်ဆိုက်စာမျက်နှာတွင်ဖတ်ရှုနိုင်သည်- https://www.cpuc.ca.gov/
