ເງິນກູ້ໄລຍະຍາວ

ຄຳອະທິບາຍ

ສິນເຊື່ອມີໄລຍະແມ່ນການຈັດການທາງການເງິນທົ່ວໄປ ໜີ້ສິນ ໂດຍທີ່ຜູ້ກູ້ຢືມໄດ້ຮັບເງິນເປັນກ້ອນຈາກສະຖາບັນການເງິນເຊັ່ນ: ທະນາ ຄານ ແລະ ຕົກລົງທີ່ຈະຊຳລະຄືນເງິນກູ້ໃນໄລຍະເວລາທີ່ກຳນົດເຊິ່ງເອີ້ນວ່າ: ສິນເຊື່ອມີໄລຍະ. ຕ່າງຈາກສິນເຊື່ອແບບໝຽນວຽນສິນເຊື່ອມີ ໄລຍະມີກຳນົດ ການຊຳລະຄືນທີ່ແນ່ນອນ, ໂດຍປົກກະຕິຈະປະກອບດ້ວຍການຜ່ອນຊຳລະເປັນລາຍເດືອນເຮັດໃຫ້ເປັນຮູບແບບໜີ້ສິນ ທີ່ມີໂຄງສ້າງທີ່ຊັດເຈນ. ສິນເຊື່ອມີໄລຍະສາມາດໃຊ້ໄດ້ຫຼາຍຈຸດປະສົງເຊັ່ນ: ການໃຊ້ຈ່າຍລົງທຶນໃນຊັບສິນ, ການຂະຫຍາຍໂຄງການ, ການຊື້ອຸປະກອນ ຫຼື ສະໜອງຄວາມຕ້ອງທາງການເງິນທຶນໝຽນວຽນໄລຍະຍາວ. ອັດຕາດອກເບ້ຍຂອງສິນເຊື້ອເຫຼົ່ານີ້ອາດເປັນແບບຄົງທີ່ ຫຼື ຜັນປ່ຽນໄດ້ ແລະ ໄລຍະເວລາຊຳລະໜີ້ສາມາດເປັນໄລຍະສັ້ນ ຫຼື ໄລຍະຍາວ ຂຶ້ນກັບລັກສະນະ ແລະ ວັດຖຸປະສົງຂອງສິນເຊື່ອ.

ສິນເຊື່ອມີໄລຍະ ສາມາດເປັນຫຼັກຊັບຄ້ຳປະກັນ ເຊິ່ງເປັນຊັບສິນທີ່ຖືກຈຳນຳເປັນຫຼັກຄໍ້າປະກັນ ຫຼື ບໍ່ປອດໄພໂດຍຂື້ນຢູ່ກັບ ຄວາມໜ້າເຊື່ອຖືທາງຊັບສິນຂອງຜູ້ກູ້ພຽງຢ່າງດຽວ. ໂດຍທົ່ວໄປຂໍ້ກຳນັດ ແລະ ເງື່ອນໄຂຂອງສິນເຊື່ອມີໄລຍະຈະ ລະບຸໄວ້ໃນຂໍ້ຕົກລົງຢ່າງເປັນ ທາງການລວມເຖິງລາຍລະອຽດຕ່າງໆ ເຊັ່ນ: ອັດຕາດອກເບ້ຍ, ກຳນັດເວລາການຊຳລະຄືນ, ຄ່າທຳນຽມທີ່ກ່ຽວຂ້ອງ ແລະ ຕົວເລືອກການ ຊຳລະຄືນກ່ອນກຳນົດ.

ເງື່ອນໄຂການເປີດໃຊ້ງານ ແລະ ການພິຈາລະນາທີ່ສຳຄັນ

• ຄວາມໜ້າເຊື່ອຖືທາງການເງິນຂອງເມືອງ. ການຈັດອັນດັບສິນເຊື່ອຂອງເມືອງທີ່ມີອິດທິພົນຫຼາຍຕໍ່ການກຳນົດ ແລະ ເງື່ອນໄຂທີ່ປອດ ໄພໃນ ການເງິນກູ້ຢືມມີໄລຍະ. ບັນດາເມືອງທີ່ມີຄວາມໜ້າເຊື່ອຖືທາງການເງິນສູງມັກຈະມີຄຸນສົມບັດໄດ້ຮັບອັດຕາດອກເບ້ຍ ແລະ ເງື່ອນໄຂການຊຳລະຄືນທີ່ດີຂຶ້ນ. ການປະເມີນຄວາມໜ້າເຊື່ອຖືທາງການເງິນຂອງເມືອງທີ່ຂຶ້ນຢູ່ກັບງົບການເງິນຂອງເມືອງ ເຊັ່ນ: ໃບລາຍງານກະແສກຳໄລຂາດທຶນ, ໃບດູ່ນດຽງ ແລະ ໃບລາຍງານກະແສເງິນສົດ. ໃນການປະເມີນສຸຂະພາບທາງການເງິນຂອງເມືອງ, ທະນາຄານຈະພິຈາລະນາຕົວຊີ້ບອກ ເຊັ່ນ: ກະແສລາຍໄດ້ທີ່ໝັ້ນຄົງ, ລະດັບໜີ້ທີ່ສາມາດຈັດການໄດ້ ແລະ ກະແສເງິນສົດທີ່ເປັນບວກ.
• ຄວາມສາມາດໃນການຊຳລະຄືນເງິນກູ້. ປັດໃຈທີ່ສຳຄັນຂອງທະນາຄານໃນການຕັດສິນໃຈໃຫ້ເງິນກູ້ມີໄລຍະ ແມ່ນຂື້ນຢູ່ກັບຄວາມ ສາມາດຂອງເມືອງ ຫຼື ໂຄງການໃນການຊຳລະຄືນເງິນຕົ້ນ ແລະ ດອກເບ້ຍ. ໂດຍທົ່ວໄປຈະຕ້ອງມີການກວດສອບຢ່າງລະອຽດ ເຖິງກະແສລາຍໄດ້ຂອງເມືອງ ຫຼື ໂຄງການການ, ການຈັດສັນງົບປະມານ ແລະ ແນວທາງການຈັດການທາງການເງິນຂອງທະນາຄານ ຢ່າງລະອຽດ. ຄວາມສາມາດໃນການຊຳລະຄືນທີ່ແຂງແຮງຊ່ວຍເພີ່ມຄວາມໝັ້ນໃຈໃຫ້ທະນາຄານເຮັດໃຫ້ພວກເຂົາໝັ້ນໃຈວ່າ ເມືອງຈະສາມາດປະຕິບັດຕາມພັນທະການຊຳລະໜີ້ໄດ້.
• ຄວາມສາມາດໃນການບັງຄັບໃຊ້ເງື່ອນໄຂເງິນກູ້.ທະນາຄານຕ້ອງການຄວາມໝັ້ນໃຈວ່າເມືອງຈະປະຕິບັດຕາມຂໍ້ກຳນົດທາງກົດໝາຍ ແລະ ລະບຽບຂໍ້ບັງຄັບທັງໝົດໃນການຂໍເງິນກູ້ມີໄລຍະ. ຄວາມໝັ້ນໃຈນີ້ຄອບຄຸມຕັ້ງແຕ່ການສ້າງຄວາມເຂົ້າໃຈອຳນາດຂອງເມືອງ ໃນການກູ້ຢືມ ແລະ ລະດົມທຶນ, ການກວດສອບຄວາມຖືກຕ້ອງຕາມກົດໝາຍຂອງການໃຊ້ເງິນ ແລະ ການປະກັນຄວາມສາມາດ ຂອງທະນາຄານໃນການບັງຄັບໃຊ້ເງື່ອນໄຂການຊຳລະເງິນ. ສະພາບແວດລ້ອມທາງກົດໝາຍທີ່ໝັ້ນຄົງເປັນພື້ນຖານສຳລັບການດຳ ເນີນການ ແລະ ການບັງຄັບໃຊ້ເງິນກູ້ມີໄລຍະທີ່ປະສົບຜົນສຳເລັດ.

ສິ່ງທ້າທາຍທີ່ອາດຈະເກີດຂຶ້ນ

• ເມືອງຕ່າງໆອາດຈະປະເຊີນກັບຄວາມທ້າທາຍໃນການໃນການຮັກສາອັດຕາທີ່ເໝາະສົມ. ເມືອງທີ່ມີອັນດັບສິນເຊື່ອຕ່ຳ ຫຼື ປະຫວັດ ທາງການເງິນທີ່ບໍ່ໝັ້ນຄົງອາດຈະພົບກັບຄວາມທ້າທາຍໃນການໄດ້ຮັບເງື່ອນໄຂທີ່ເອື້ອອຳນວຍສຳລັບເງິນກູ້ມີໄລຍະ. ຄວາມໜ້າເຊື່ອ ຖືທາງການເງິນທີ່ຈຳກັດອາດສົ່ງຜົນໃຫ້ອັດຕາດອກເບ້ຍສູງຂຶ້ນ, ເງື່ອນໄຂການຊຳລະຄືນທີ່ເຂັ້ມງວດຂຶ້ນ ຫຼື ລວມທັງຄວາມຫຍຸ້ງຍາກ ໃນການໄດ້ຮັບເງິນກູ້. ການປັບປຸງຄວາມນ່າເຊື່ອຖືທາງການເງິນຂອງເມືອງດ້ວຍຜ່ານການປະຕິບັດການຈັດການທາງການເງິນທີ່ດີ ກາຍເປັນສິ່ງສຳຄັນໃນການເອົາຊະນະຄວາມທ້ທາຍນີ້.
• ຄວາມກັງວົນ ກ່ຽວກັບ ຄວາມເປັນໄປໄດ້ຂອງໂຄງການອາດເປັນອຸປະສັກກີດຂວາງການຂໍເງິນກູ້. ຖ້າຫາກເງິນກູ້ມີໄລຍະຖືກຕັ້ງໃຈ ໃຫ້ໃຊ້ເພື່ອເເປັນເງິນທຶນໂຄງການສະເພາະ, ຄວາມກັງວົນກ່ຽວກັບຄວາມເປັນໄປໄດ້ ແລະ ຄວາມສຳເລັດຂອງໂຄງການອາດຈະ ເປັນອຸປະສັກຕໍ່ການອະນຸມັດເງິນກູ້. ຜູ້ໃຫ້ກູ້ອາດຈະພິຈາລະນາແຜນທຸລະກິດຂອງໂຄງການ, ການໃຊ້ເງິນທືນຕາມຈຸດປະສົ່ງ, ຄວາມ ສາມາດຂອງເມືອງໃນການດຳເນີນໂຄງການໃຫ້ສຳເລັດ ແລະ ລວມທັງຜົນກະທົບທາງເສດຖະກິດ, ສິ່ງແວດລ້ອມ ຫຼື ຜົນກະທົບທາງ ສັງຄົມທີ່ອາດເກີດຂຶ້ນຈາກໂຄງການນັ້ນ. ການສື່ສານຢ່າງຊັດເຈນ ແລະ ແຜນໂຄງການທີ່ລະອຽດສາມາດຊ່ວຍແກ້ໄຂບັນຫານີ້ໄດ້.
• ສະພາບເສດຖະກິດມະຫາພາກອາດຈະສົ່ງຜົນກະທົບຫຼາຍຕໍ່ອັດຕາດອກເບ້ຍເງິນກູ້ຢ່າງມີວິໄນສຳຄັນ. ສະພາບເສດຖະກິດທີ່ບໍ່ແນ່ນອນ ເຊິ່ງເກີດຈາກປັດໃຈທີ່ຢູ່ນອກເໜືອການຄວບຄຸມຂອງເມືອງ ເຊັ່ນ: ຄວາມບໍ່ໝັ້ນຄົງທາງການເມືອງ, ສະພາບເສດຖະກິດຖົດຖອຍ, ການແຜ່ລະບາດຂອງເຊື້ອໂລກ ແລະ ອື່ນໆ ເປັນອຸປະສັກຕໍ່ເມືອງທີ່ຕ້ອງການເງິນກູ້ມີໄລຍະ. ຜູ້ໃຫ້ກູ້ອາດເພີ່ມຄວາມລະມັດລະວັງ ໃນຊ່ວງເວລາທີ່ເສດຖະກິດບໍ່ແນ່ນອນ. ສິ່ງນີ້ອາດຈະສົ່ງຜົນກະທົບຢ່າງສຳຄັນຕໍ່ການອະນຸມັດເງິນກູ້ ແລະ ອັດຕາດອກເບ້ຍ. 

ຜົນປະໂຫຍດທີ່ອາດເກີດຂຶ້ນ

• ການຈັດການການຊຳລະໜີ້ຄືນມີໂຄງສ້າງ ແລະ ສາມາດຄາດການໄດ້.ເງິນກູ້ມີໄລຍະສະເໜີການຈັດການຊຳລະຄືນທີ່ເປັນໂຄງສ້າງ ແລະ ສາມາດຄາດການໄດ້ ເຮັດໃຫ້ເມືອງມີຄວາມຊັດເຈນ ແລະ ສະຖຽນລະພາບໃນການວາງແຜນ ແລະ ຈັດການທາງການເງິນ. ແຕກຕ່າງຈາກເງິນກູ້ແບບສິນເຊື່ອ ຫຼື ກອງທຶນໝູນວຽນ, ເງິນກູ້ມີໄລຍະມີອັດຕາດອກເບ້ຍຄົງທີ່ ແລະ ໄລຍະເວລາການຊຳລະຄືນ ທີ່ກຳນົດໄວ້ລ່ວງໜ້າ, ຊ່ວຍຫຼຸດຄວາມບໍ່ແນ່ນອນທີ່ກ່ຽວຂ້ອງກັບອັດຕາດອກເບ້ຍທີ່ຜັນຜ່ວນ. ກຳນົດການຊຳລະຄືນທີ່ຄາດຄະເນ ໄດ້ຍັງຊ່ວຍໃຫ້ສາມາດການຈັດງົບປະມານ ແລະ ການຈັດສັນຊັບພະຍາກອນ ຕະຫຼອດໄລຍະເວລາຂອງເງິນກູ້.
• ຕົວເລືອກທາງການເງິນທີ່ບໍ່ສັບຊ້ອນ ແລະ ກົງໄປກົງມາ ຕ່າງຈາກການຈັດການທາງການເງິນທີ່ສັບຊ້ອນເຊັ່ນ: ພັນທະບັດເທດສະບານ ຫຼື ແຜນການຈັດຫາທຶນແບບຮຽກເກັບເງິນທີ່ອາດຈະຕ້ອງການການມີສ່ວນຮ່ວມຂອງຕະຫຼາດທຶນທີ່ສັບຊ້ອນຂຶ້້ນ, ເງິນກູ້ມີໄລຍະ ມີຄວາມລຽບງ່າຍ ແລະ ເຂົ້າເຖິງໄດ້ສຳລັບເມືອງ. ບັນດາເມືອງສາມາດຳເນີນຂະບວນການຂໍເງິນກູ້ໄດ້ຢ່າງງ່າຍດາຍເຮັດໃຫ້ເມືອງ ຕ່າງໆສາມາດລະດົມທຶນໄດ້ໂດຍບໍ່ຈຳເປັນຕ້ອງມີໂຄງສ້າງທາງການເງິນທີ່ສັບຊ້ອນ ຫຼື ຄວາມເຂົ້າໃຈລະອຽດກ່ຽວກັບຕະຫຼາດທຶນ ເຮັດໃຫ້ເມືອງເຫຼົ່ານີ້ເປັນຕົວເລືອກທາງການລະດົມທຶນທີ່ໃຊ້ໄດ້ຈິງ ແລະ ກົງໄປກົງມາໃນການລະດົມທຶນສຳລັບໂຄງການພັດທະນາ ທີ່ສຳຄັນ.

ແຫຼ່ງຂໍ້ມູນ/ຂໍ້ມູນຂ່າວສານເພີ່ມເຕີມ

• Standard Chartered (n.a.). ເງິນກູ້ໄລຍະຍາວ. ສາມາດເຂົ້າເບິ່ງຂໍ້ມູນໄດ້ທີ່: https://www.sc.com/gh/business/working-capital/term-loans/
• Globalwaters (2011). ການພັດທະນາບໍລິການໂຄງສ້າງພື້ນຖານເມືອງທີ່ຍືນຍົງ ແລະ ລວມກັບ ຄູ່ມືສຳລັບຜູ້ດຳເນີນໂຄງການ ແລະ ຜູ້ກຳນົດນະໂຍບາຍນຳໃຊ້ໃນອິນເດຍ, ບົດທີ່ 6 ການເງິນໂຄງສ້າງພື້ນຖານໂຄງລ່າງເມືອງ ສາມາດເຂົ້າເບິ່ງຂໍ້ມູນໄດ້ທີ່: https://www.globalwaters.org/sites/default/files/6-Chapter%206.pdf
• ທະນາຄານໂລກ (n.a.). ໂຄງການສົ່ງເສີມຄວາມໜ້າເຊື່ອຖືທາງການເງິນຂອງເມືອງ, ເຊິ່ງເປັນການຮ່ວມມືເພື່ອການຈັດຫາ ເງິນທຶນແກ່ເທດສະບານ ສາມາດເຂົ້າເບິ່ງຂໍ້ມູນໄດ້ທີ່: https://www.worldbank.org/en/topic/urbandevelopment/brief/city-creditworthiness-initiative