Sukuk (ພັນທະບັດທີ່ບໍ່ມີດອກເບ້ຍ)

Sukuk ແມ່ນພັນທະບັດທີ່ບໍ່ມີດອກເບ້ຍທີ່ຖືກອອກແບບມາເພື່ອໃຫ້ຜົນຕອບແທນກັບນັກລົງທຶນຕາມຫຼັກການ Shari'ah (ກົດຫມາຍອິດສະລາມ) ເຊິ່ງນັກລົງທຶນຈະໄດ້ຮັບສ່ວນແບ່ງຜົນກໍາໄລທີ່ຕົກລົງຮ່ວມກັນທີ່ສ້າງຂຶ້ນໂດຍກຸ່ມຊັບສິນພື້ນຖານ ເຊິ່ງວ່າບາງສ່ວນເປັນເຈົ້າຂອງໂດຍນັກລົງທຶນເອງແທນທີ່ຈະເປັນດອກເບ້ຍ.
Download

Instrument Category

  • ການອອກພັນທະບັດ

Other ınstruments ın the same Category

ພັນທະບັດເທດສະບານ
ພັນທະພັນສີຂຽວ, ສັງຄົມ, ຄວາມຍືນຍົງ ແລະ ພັນທະບັດທີ່ເຊື່ອມໂຍງກັບຄວາມຍືນຍົງ (GSSS bonds)
ພັນທະບັດໂຄງການ

Relevant case study

Video produced by CIMB explaining Sukuk bonds. Available at: https://www.youtube.com/watch?v=_mPgAtnDlw4

ຄຳອະທິບາຍ

Sukuk ແມ່ນພັນທະບັດທີ່ບໍ່ມີດອກເບ້ຍ ເຊິ່ງອອກແບບມາເພື່ອສ້າງຜົນຕອບແທນໃຫ້ກັບນັກລົງທຶນຕາມຫຼັກການ Sharia (ກົດໝາຍ ອິດສະລາມ). ແທນທີ່ຈະໄດ້ຮັບດອກເບ້ຍ, ນັກລົງທຶນຈະໄດ້ຮັບສ່ວນແບ່ງກຳໄລທີ່ຕົກລົງກັນຈາກການໃຊ້ຊັບສິນພື້ນຖານທີ່ນັກລົງທຶນ ເປັນເຈົ້າຂອງຮ່ວມກັນ.

ມີຫຼາຍມູນມອງຂອງການອອກ Sukuk ທີ່ເຮັດໃຫ້ເປັນທາງເລືອກທີ່ໜ້າສົນໃຈໃນການລະດົມທຶນຈາກພາກເອກະຊົນສຳລັບໂຄງການຕົວ ເມືອງອັດສະລິຍະ ທີ່ສົ່ງເສີມຜົນໄດ້ຮັບດ້ານສິ່ງແວດລ້ອມ ຫຼື ຄວາມຍືນຍົງ. ຕົວຢ່າງ: ເຊັ່ນດຽວກັບພັນທະບັດສີຂຽວ, ສັງຄົມ, ຍືນຍົງ ແລະ ເຊື່ອມໂຍງກັບຄວາມຍືນຍົງ (GSSS), ເງິນທຶນທີ່ໄດ້ຈາກ Sukuk ຈະຖືກຈັດສັນເພື່ອຈຸດປະສົງສະເພາະທີ່ມີມາດຕະຖານຈາກຫຼັກການ ທີ່ຮັບຜິດຊອບຕໍ່ສັງຄົມ ແລະ ຈາລິຍະທຳ. ໂຄງສ້າງທີ່ໃຊ້ຊັບສິນເປັນຫຼັກຂອງ Sukuk ຍັງຊ່ວຍໃຫ້ຄວາມໝັ້ນໃຈກັບນັກລົງທຶນຫຼາຍຂື້ນ ວ່າກອງທຶນທີ່ໄດ້ຮັບຈະຖືກໃຊ້ໄປຕາມຈຸດປະສົງທີ່ກຳນົດໄວ້.

ເງື່ອນໄຂການເປີດໃຊ້ງານ ແລະ ການພິຈາລະນາທີ່ສຳຄັນ

  • ສ້າງຄູ່ມືລະດັບຊາດ ສຳລັບການອອກ Sukuk ສີຂຽວ ຫຼື ຄວາມຍືນຍົງ. ກອບການເຮັດວຽກລະດັບຊາດສຳລັບການອອກ Sukuk ສີຂຽວ ຫຼື ຍືນຍົງ ມີບົດບາດສຳຄັນໃນການສົ່ງເສີມການໃຊ້ Sukuk ເປັນທາງເລືອກທີ່ເປັນໄປໄດ້ສຳລັບອຳນາດການ ປົກຄອງທ້ອງຖິ່ນໃນການລະດົມທຶນຈາກພາກເອກະຊົນເພື່ອສະໜັບສະໜູນໂຄງການຕົວເມືອງອັດສະລິຍະ. ຄູ່ມືເຫຼົ່ານີ້ບໍ່ພຽງແຕ່ ຊ່ວຍອຳນວຍຄວາມສະດວກໃນຂະບວນການອອກ ແລະ ປ້ອງກັນໂຄງການສີຂຽວປອມ, ແຕ່ຍັງສົ່ງສັນຍານທີ່ຊັດເຈນ ເຖິງການສະໜັບສະໜູນຂອງລັດຖະບານຕໍ່ການລົງທຶນທີ່ຍືນຍົງ. ທັງມາເລເຊຍ ແລະ ອິນໂດນີເຊຍໄດ້ນຳສະເໜີມາດຕະຖານ Sukuk ສີຂຽວລະດັບຊາດເຊັ່ນ: ກອບວຽກ Sukuk ການລົງທຶນທີ່ຍືນຍົງ ແລະ ມີຄວາມຮັບຜິດຊອບ (SRI) ຂອງມາເລເຊຍ (2014) ແລະ ກອບວຽກພັນທະບັດສີຂຽວ ແລະ Sukuk ສີຂຽວຂອງອິນໂດນີເຊຍ (2017).
  • ປະຕິບັດຕາມແນວທາງທີ່ດີທີ່ສຸດໃນລະດັບສາກົນ. Sukuk ທີ່ອອກເພື່ອສະໜັບສະໜູນໂຄງການທີ່ເຊື່ອມໂຍງກັບຄວາມຍືນຍົງ ຫຼື ສີຂຽວ ຄວນປະຕິບັດຕາມແນວທາງປະຕິບັດທີ່ດີທີ່ສຸດໃນລະດັບສາກົນ, ເຊັ່ນ: ຫຼັກການ GSSS ທີ່ພັດທະນາ ໂດຍທະນາຄານພັດທະນາອິດສະລາມ ໃນການຮ່ວມມືກັບສະມາຄົມຕະຫຼາດທືນສາກົນ ແລະ ຕະຫຼາດຫຼັກຊັບ ລອນດອນ (International Capital Markets Association and the London Stock Exchange Group). ການດຳເນີນການນີ້ອາດຊ່ວຍດຶງດູດຄວາມຕ້ອງການຈາກນັກລົງທຶນຕ່າງຊາດ ແລະ ຫຼຸດຄວາມບໍ່ແນ່ນອນຂອງ ນັກລົງ ທຶນໃນປະເທດ.
  • ກອບວຽກກົດໝາຍທີ່ມີຢູ່ຕ້ອງປັບໃຫ້ສອດຄ່ອງກັບຫຼັກການຂອງການເງິນອິດສະລາມ. ກອບກົດໝາຍທີ່ມີຢູ່ ແລະ ສອດຄ່ອງ ກັບຫຼັກການຂອງການເງິນອິດສະລາມເປັນຂໍ້ກຳນົດທີ່ຈຳເປັນເບື້ອງຕົ້າໃນການອອກ Sukuk (ຫຼື Sukuk ສີຂຽວ) ເນື່ອງຈາກ ທຳມະຊາດຂອງການເຮັດທຸລະກຳທາງການເງິນອິດສະລາມນັ້ນ ມີລັກສະນະສະເພາະ ແລະ ສະເພາະເຈາະຈົງ.  ສິ່ງນີ້ມີຄວາມຈຳ ເປັນເພື່ອຈັດການກັບອົງປະກອບຫຼັກຂອງການເງິນອິດສະລາມ ເຊັ່ນ: ການຫ້າມຮັບອັດຕາດອກເບ້ຍ (ຣິບາ), ການປະຕິບັດຕາມ ຫຼັກການທາງຈາລິຍະທຳ ແລະ ຄວາມຮັບຜິດຊອບຕໍ່ສັງຄົມ ແລະ ການຈັດໂຄງສ້າງ Sukuk ເປັນພື້ນຖານຂອງຂໍ້ຕົກລົງ ແບ່ງປັນກຳໄລ ແລະ ຂາດທຶນ.
  • ແຮງຈູງໃຈໃນການສົ່ງເສີມຜົນປະໂຫຍດ.ການໃຊ້ແຮງຈູງໃຈເຊັ່ນ: ການຫຼຸດພາສີ ຫຼື ເງິນອຸດໜູນເພື່ອຫຼຸດຕົ້ນທຶນການລົງທຶນ ແລະ ການອອກ Sukuk ສີຂຽວສາມາດກະຕຸ້ນການມີສ່ວນຮ່ວມຂອງພາກເອກະຊົນໄດ້. ຕົວຢ່າງເຊັ່ນ: ໃນມາເລເຊຍຜູ້ອອກ Sukuk ສີຂຽວທີ່ປະຕິບັດຕາມກອບວຽກ SRI ຂອງປະເທດມີສິດໄດ້ຮັບການຫຼຸດພາສີ ແລະ ເງິນອຸດໜູນ.

ສິ່ງທ້າທາຍທີ່ອາດຈະເກີດຂຶ້ນ

  • ເງື່ອນໄຂການອອກ ທີ່ເຂັ້ມງວດ ອາດຈະເຮັດໃຫ້ເກີດຄວາມທ້າທາຍ.ການປະຕິບັດຕາມຫຼັກການ Sharia ເມື່ອອອກ Sukuk ອາດເປັນການຮຽນຮູ້ທີ່ຍາກສຳລັບຜູ້ອອກໃຫມ່. ເງື່ອນໄຂສະເພາະ ແລະ ໂຄງສ້າງຂອງ Sukuk ອາດຈະເຮັດໃຫ້ມີຕົ້ນທຶນທີ່ ສູງຂຶ້ນເລັກໜ້ອຍເນື່ອງຈາກຄ່າໃຊ້ຈ່າຍໃນການທົບທວນ ແລະ ລາຍງານ.
  • ຕະຫຼາດສຳຮອງຂະໜາດນ້ອຍ ສຳລັບນັກລົງທຶນ Sukuk. ຕະຫຼາດສຳຮອງສຳລັບ Sukuk ສີຂຽວຍັງມີຂະໜາດນ້ອຍເນື່ອງ ຈາກຈຳນວນນັກລົງທຶນ Sukuk ທີ່ຈຳກັດ. ເປັນຜົນໃຫ້ສະຖາບັນການລົງທຶນອື່ນໆສະແດງຄວາມເຊື່ອໝັ້ນ ແລະ ຄວາມສົນໃຈທີ່ຈຳກັດໃນ Sukuk ເນື່ອງຈາກໂດຍທົ່ວໄປແລ້ວພວກເຂົາຊອກຫາຕະຫຼາດສຳຮອງທີ່ແຂງແຮງເພື່ອໃຫ້ສອດ ຄ່ອງກັບຄວາມຄາດຫວັງດ້ານສະພາບຄ່ອງ. ຄວາມຮັບຮູ້ທີ່ຈຳກັດກ່ຽວກັບຄວາມເຂົ້າໃຈເລື່ອງ Sukuk ສີຂຽວນອກເໜືອຈາກ ນັກລົງທຶນແບບດັ່ງເດີມ ຍັງກໍ່ໃຫ້ເກີດມີອຸປະສັກຕໍ່ການເສີມສະພາບຄ່ອງຂອງຕະຫຼາດໃຫ້ຫຼາຍຂື້ນ.
  • ການຂາດແຄນໂຄງການທີ່ມີຄຸນສົມບັດເໝາະສົມ ສຳລັບການອອກ Sukuk. ການດຳເນີນທຸລະກິດ Sukuk ຈະຕ້ອງອີງຕາມ ຊັບສິນເພື່ອໃຫ້ສອດຄ່ອງກັບຫຼັການ Sharia. ເພື່ອໃຫ້ໄດ້ປະສິດທິພາບ, ຜູ້ອອກອາດເລືອກໃຊ້ຊັບສິນສີຂຽວ ຫຼື ຊັບສິນທີ່ ເຊື່ອມໂຍງກັບຄວາມຍືນຍົງໃນການຈັດໂຄງສ້າງ Sukuk. ເຖິງຢ່າງໃດກໍ່ຕາມ, ການລະບຸຊັບສິນເພື່ອຈຸດປະສົງນີ້ອາດເປັນ ອຸປະສັກຫຼາຍເນື່ອງຈາກຂາດແຄນໂຄງການທີ່ມີຄຸນສົມບັດທີ່ເໝາະສົມ. ການອອກ Sukuk ສີຂຽວ ທີ່ອີງຕາມໂຄງການທີ່ມີຢູ່ ມີແນວໂນ້ມທີ່ຈະເນັ້ນໄປທີ່ພະລັງງານໝູນວຽນ ແລະ ໂຄງການອະສັງຫາລິມະຊັບສີຂຽວ, ເມື່ອໂຄງການເຫຼົ່ານີ້ ມີປະສິດທິ ພາບໃນການສະໜັບສະໜູນການເງິນສຳລັບໂຄງການທີ່ຫຼາກຫຼາຍກວ່າ ເຊັ່ນ: ການຈັດການຂີ້ເຫຍື້ອ ແລະ ການໃຊ້ທີ່ດິນທີ່ ຍືນຍົງເພື່ອອະນຸລັກຄວາມຫຼາກຫຼາຍທາງຊີວະພາບ.
  • ການຂາດການຈັດປະເພດ ແລະ ການວັດຜົນການດຳເນີນງານທີ່ໄດ້ມາດຕະຖານ.ການຂາດການຈັດປະເພດຂອງຊັບສິນ ແລະ ໂຄງການສີຂຽວສາມາດປ້ອງກັນການລວມກຸ່ມຊັບສິນສີຂຽວສຳລັບການອອກ Sukuk ສີຂຽວ. ເຊັ່ນດຽວກັນ, ການຂາດມາດ ຕະການວັດຜົນການດຳເນີນງານທີ່ໄດ້ມາດຕະຖານ ສຳລັບ Sukuk ສີຂຽວ ເຮັດໃຫ້ມີຄວາມຍາກລຳບາກສຳລັບນັກລົງທຶນໃນ ການປະເມີນ ແລະ ປຽບທຽບຜົນກະທົບຕໍ່ສິ່ງແວດລ້ອມ ແລະ ຜົນຕອບແທນທາງການເງິນຂອງເຄື່ອງມືເຫຼົ່ານີ້. ຄວາມທ້າທາຍ ນີ້ອາດສົ່ງຜົນທາງລົບຕໍ່ຄວາມເຊື່ອໝັ້ນໃນເຄື່ອງມືດັ່ງກ່າວ ແລະ ຈຳກັດການໃຊ້ເຜີຍແຜ່ຂອງ Sukuk.

ຜົນປະໂຫຍດທີ່ອາດເກີດຂຶ້ນ

  • ທາງເລືອກໃນການລະດົມທຶນ ສຳລັບໂຄງການສີຂຽວ ຫຼື ຍືນຍົງ.Sukuk ສີຂຽວ ຫຼື ທີ່ເຊື່ອມໂຍງກັບຄວາມຍືນຍົງ ສາມາດໃຫ້ເມືອງຕ່າງໆມີແຫຼ່ງເງິນທຶນທາງເລືອກສະເພາະສຳລັບໂຄງການທີ່ເປັນມິດຕໍ່ສິ່ງແວດລ້ອມ ແລະ ຄວາມຮັບຜິດຊອບ ຕໍ່ສັງຄົມ. ໂດຍການເຂົ້າເຖິງທຶນຜ່ານພັນທະບັດເຫຼົ່ານີ້, ເມືອງຕ່າງໆສາມາດກ້າວໜ້າໄປສູ່ເປົ້າໝາຍຄວາມຍືນຍົງໂດຍບໍ່ຕ້ອງ ເພິ່ງພາວິທີການຈັດຫາເງິນທຶນແບບດັ້ງເດີມ ເຊັ່ນ: ການກູ້ຢືມເງິນກັບທະນາຄານ.
  • ຕົວເລືອກການລະດົມທຶນໄລຍະຍາວ. Sukuk ສາມາດລະດົມທຶນໄລຍະຍາວເນື່ອງຈາກກະແສເງິນສົດຂອງໂຄງການ, ໂຄງສ້າງພື້ນຖານສີຂຽວແມ່ນຈະເຂົ້າກັນກັບການຊຳລະຄືນພັນທະບັດໄລຍະກາງ ແລະ ໄລຍະຍາວ.
  • ທາງເລືອກການລົງທຶນທີ່ໜ້າສົນໃຈສຳລັບນັກລົງທຶນທີ່ຕ້ອງການກະຈາຍພອດການລົງທຶນ.Sukuk ສີຂຽວ ຫຼື ເພື່ອຄວາມຍືນຍົງທີ່ມີອັນດັບເຄຣດິດສາມາດເປັນຊັບສິນທີ່ມີຄຸນຄ່າສຳລັບນັກລົງທຶນທີ່ຕ້ອງການກະຈາຍພອດການລົງທຶນ ຂອງຕົນ. 

ແຫຼ່ງຂໍ້ມູນ/ຂໍ້ມູນຂ່າວສານເພີ່ມເຕີມ

Case Study

Scroll to Top