ກອງທຶນໝູນວຽນ

ເງິນທຶນໝູນວຽນ ແມ່ນມາດຕະການຂອງການຈັດຫາເງິນທຶນແບບຊ່ອງຫວ່າງທາງການເງິນທີ່ກ່ຽວຂ້ອງກັບການສ້າງແຫຼ່ງເງິນ ທີ່ເຕີມເງິນດ້ວຍຕົນເອງ ໂດຍນຳໃຊ້ຜົນຕອບແທນ ຫຼື ການຊໍາລະຄືນເງິນກູ້ຈາກໂຄງການທີ່ໄດ້ຮັບການສະໜັບສະໜູນທຶນກ່ອນໜ້ານີ້ ເພື່ອສະໜັບສະໜູນໂຄງການຄວາມຄິດລິເລີ່ມໃໝ່ດ້ວຍຈຳນວນເງິນທຶນທີ່ທຽບເທົ່າກັນ.
Download

Instrument Category

  • ກົນໄກການຈັດຫາເງິນທຶນອື່ນໆ

Other ınstruments ın the same Category

ພາຫະນະທາງການເງິນແບບປະສົມປະສານ
ການຈັດຫາທຶນຕາມໃບບິນ/ການສຳລະຄືນຕາມໃບບິນ
ຫຼັກສິນຊັບຄ້ຳປະກັນ (ABS)
ການລະດົມທຶນຈາກມວນຊົນ
ການຄ້ຳປະກັນ

Relevant case study

ຄຳອະທິບາຍ

ກອງທຶນໝູນວຽນແມ່ນມາດຕະການຈັດຫາເງິນສ່ວນທີ່ບໍ່ພຽງພໍຊຶ່ງກ່ຽວຂ້ອງກັບການສ້າງຕັ້ງຄັງເງິນທີ່ເປັນການເຕີມເງິນດ້ວຍຕົນເອງ ໂດຍທົ່ວໄປແລ້ວກອງທຶນໝູນວຽນຈະດຳເນີນການໂດຍໜ່ວຍງານລັດໃນລະດັບລັດ ແລະ ລັດຖະບານກາງ ຫຼື ອົງການລະຫວ່າງປະເທດ ເຊັ່ນ UN-Habitat.

ກອງທຶນໝູນວຽນດຳເນີນການໂດຍນຳຊ້ຜົນຕອບແທນ ຫຼື ການສຳລະຄືນເງິນກູ້ຈາກໂຄງການທີ່ເຄີຍໄດ້ຮັບເງິນທຶນມາກ່ອນເພື່ອສະໜັບ ສະໜູນໂຄງການລິເລີ່ມໃໝ່ດ້ວນເງິນທຶນເທົ່າກັນ. ທຶນດັ່ງກ່າວສາມາດໃຊ້ເພື່ອໃຫ້ການກູ້ຢືມດອກເບ້ຍຕ່ຳ, ການຄ້ຳປະກັນ ຫຼື ການລົງທຶນ ໂຄງການເມືອງອັດສະລິຍະຕ່າງໆທີ່ເທົ່າທຽມກັນ, ເລີ່ມຈາກໂຄງການພະລົງງານທີ່ມີປະສິດທິພາບຕະຫຼອດເຖິງໂຄງການການປັບປຸງສິ່ງ ອຳນວຍຄວາມສະດວກສາທາລະນະ, ເລີ່ມຈາກໂຄງການປັບປຸງການບໍລິຫານຈັດການຂີ້ເຫຍື້ອ ແລະ ນໍ້າໄປຈົນເຖິງການສະໜັບ ສະໜູນທຶນແກ່ທຸລະກິດຂະໜາດນ້ອຍ ແລະ ຂະໜາດກາງ. ຈຸດປະສົງ ແລະ ໂຄງສ້າງຂອງກອງທຶນໝູນວຽນ ແມ່ນຂ້ອນຂ້າງຢືດຢູນ. ມັນສາມາດສ້າງຕັ້ງຂຶ້ນເພື່ອຈຸດປະສົງດຽວສຳລັບໄລຍະເວລາທີ່ກຳນົດໄວ້ ແລະ ຈາກນັ້ນກໍ່ປິດຕົວລົງ ຫຼື ກຳນົດໄລຍະເວລາທີ່ບໍ່ຈຳກັດ ສຳລັບການແກ້ໄຂບັນຫາທີ່ກຳລັງດຳເນີນຢູ່. ໂດຍປົກກະຕິແລ້ວທຶນເລີ່ມຕົ້ນຂອງກອງທຶນໝູນວຽນຈະທຽບເທົ່າກັບເງິນຊ່ວຍເຫຼືອ ເມື່ອມັນ ບໍ່ຈຳເປັນຕ້ອງຈ່າຍຄືນ ແລະ ອາດຈະລະດົມມາຈາກພາກລັດເຊັ່ນ: ອຳນາດການປົກຄອງຂັ້ນທ້ອງຖິ່ນ, ລັດ ຫຼື ລັດຖະບານກາງ ແລະ ອົງການພັດທະນາ ຫຼື ອົງການຊ່ວຍເຫຼືອລ້າ.

ເງື່ອນໄຂການເປີດໃຊ້ງານ ແລະ ການພິຈາລະນາທີ່ສຳຄັນ

  • ການກຳນົດງື່ອໄຂສິດ ແລະ ການຈັດສັນ ການກຳນົດຈຸດປະສົງຂອງກອງທຶນໝູນວຽນ, ລວມທັງການກຳນົດເງື່ອນໄຂທີ່ຈຳເປັນຂອງ ຜູ້ກູ້ຢືມ, ຈຳນວນຂັ້ນຕໍ່າ ແລະ ຂັ້ນສູງສຸດ, ຂອບເຂດການນຳໃຊ້ກອງທຶນ, ການແຕ່ງຕັ້ງຄະນະກຳມະການເພື່ອພິຈາລະນາຄຳຮ້ອງ ແລະ ການກຳນົດໜ້າທີ່ການບໍລິຫານປົກກະຕິ ແລະ ຄວາມຕ້ອງການບຸກຄະລາກອນທີ່ກ່ຽວຂ້ອງກັບໂຄງການ ແລະ ອື່ນໆ ແມ່ນຄວາມຕ້ອງ ການພື້ນຖານຈຳນວນໜຶ່ງ ສຳລັບການສ້າງຕັ້ງກອງທຶນໝູນວຽນ. ການສ້າງແບບຟອມສະໝັກລ່ວງໜ້າ ຫຼື ລາຍການກວດສອບ ທີ່ສາມາດຊ່ວຍໃຫ້ຜູ້ກູ້ຢືມພິຈາລະນາວ່າຕົນມີຊິດໃນການກູ້ຢືມ ຫຼື ບໍ່ ແລະ ຄັດເລືອກແບບຟອມຄຳຮ້ອງຂໍທີ່ເໝາະສົມອອກມາ.
  • ການບັງຄັບໃຊ້ກົນໄກການຊຳລະເງິນຄຶນ. ມັນເປັນສິ່ງທີ່ສຳຄັນສຳລັບຜູ້ກູ້ ແລະ ຜູ້ບໍລິຫານກອງທຶນເຂົ້າໃຈ ແລະ ປະຕິບັດຕາມເງື່ອນ ໄຂການຊຳລະເງິນຄືນທີ່ໄດ້ກຳນົດໄວ້ໃນສັນຍາຂອງຕົນເພື່ອໃຫ້ໝັ້ນໃຈເຖິງຢືນຍົງຂອງກອງທຶນ. ໃນກໍລະນີທີ່ຜູ້ກູ້ມີຄວາມສ່ຽງສູງທີ່ ຈະຜິດນັດຊຳລະໜີ້, ຜູ້ບໍລິຫານກອງທຶນຕ້ອງດຳເນີນການຕາມແຜນການແກ້ໄຂເພື່ອໃຫ້ແນ່ໃຈວ່າຈະໄດ້ຮັບການຊຳລະນີ້ຄືນ. ມັນມີ ຄວາມຈຳເປັນທີ່ຫຼັກການການຊຳລະເງິນຄືນຈະຕ້ອງຖືກບັງຄັບໃຊ້ຢ່າງຍຸຕິທຳ ແລະ ສະໝ່ຳສະເໝີ. 
  • ການລາຍງານເປັນສິ່ງຈຳເປັນເພື່ອຄວາມໂປ່ງໃສ ການລາຍງານທີ່ຖືກຕ້ອງ ແລະ ທັນເວລາ ຊ່ວຍໃຫ້ພາກສ່ວນທີ່ກ່ຽວຂ້ອງໄດ້ປະເມີນ ປະສິດທິພາບຂອງກອງທຶນໄດ້ຢ່າງເໝາະສົມ. ມັນສະໜອງໃຫ້ແກ່ພາກສ່ວນທີ່ກ່ຽວຂ້ອງຢ່າງຊັດເຈນກ່ຽວກັບຄວາມເຂັ້ມແຂງທາງ ການເງິນ, ຜົນກະທົບ, ການປະຕິບັດຕາມຫຼັກການຂອງຜູ້ຖືສິດ ແລະ ເງື່ອນໄຂການຊຳລະໜີ້, ດ້ານຄວາມສຳເລັດ ແລະ ດ້ານທີ່ຕ້ອງ ໄດ້ຮັບການປັບປຸງ ເພື່ອເພີ່ມຄວາມຍືນຍົງໃຫ້ແກ່ກອງທຶນ

ສິ່ງທ້າທາຍທີ່ອາດຈະເກີດຂຶ້ນ

  • ຂາດປະສົບການໃນການດຳເນີນກົນໄກກອງທຶນໝູນວຽນ ຂາດປະສົບການໃນການອອກແບບ, ຈັດຕັ້ງປະຕິບັດ ແລະ ຕິດຕາມກອງ ທຶນໝູນວຽນອາດເປັນສິ່ງທ້າທາຍສຳລັບເຈົ້າໜ້າທີ່ຂອງລັດຖະບານທີ່ຕ້ອງການນຳໃຊ້ກົນໄກນີ້ໃນການລະດົມທຶນສຳລັບໂຄງການເມືອງອັດສະລິຍະ. ກອງທຶນໝູນວຽນ, ຊຶ່ງໂດຍພື້ນຖານແລ້ວເປັນຊັບພະຍາກອນໝູນວຽນທີ່ສຳຄັນເພື່ອການລະດົມທຶນສຳລັບໂຄງການ ໃໝ່ໆ ຫຼັງຈາກໄດ້ຮັບການສຳລະໜີ້ເກົ່າຄືນ, ມັນຈຳເປັນຕ້ອງມີຄວາມເຂົ້າໃຈແຈ້ງໃນການບໍລິຫານຈັດການດ້ານການເງິນ, ການປະ ເມີນຄວາມສ່ຽງ ແລະ ແນວທາງການບໍລິຫານຈັດການໂຄງການ. ຖ້າຫາກບໍ່ມີປະສົບການພຽງພໍ, ເຈົ້າໜ້າທີ່ອາດພົບບັນຫາໃນການ ອອກແບບໂຄງສ້າງກອງທຶນທີ່ມີປະສິດທິພາບ, ການເລືອກໂຄງການທີ່ມີສັກກະຍາພາບ ແລະ ການບໍລິຫານຈັດການຊັບພະຍາກອນ ຂອງກອງທຶນທີ່ມີປະສິດທິພາບ, ຊຶ່ງອາດນຳໄປສູ່ກອງທຶນທີ່ມີຜົນຕອບແທນຕໍ່າ.
  • ຄວາມສ່ຽງຈາກຜົນຕອບແທນກອງທຶນໝູນວຽນຕໍ່າ. ການຈັດສັນຊັບພະຍາກອນຢ່າງຖືກຕ້ອງ ແລະ ການສະໜັບສະໜູນໂຄງ ການລິເລີ່ມຕ່າງໆທີ່ບໍ່ສອດຄ່ອງກັບຈຸດປະສົງຂອງກອງທຶນອາດຖ່ວງດຶງຄວາມອາດສາມາດຂອງກອງທຶນໃນການເພີ່ມຜົນກະທົບ ທາງບວກຂອງກອງທຶນທີ່ສູງສຸດ ແລະ ຮັກສາການສະໜັບສະໜູນຢ່າງຕໍ່ເນື່ອງ. ນີ້ບໍ່ພຽງແຕ່ຈະກີດກັ້ນປະສິດທິຜົນຂອງກອງ ທຶນເທົ່ານັ້ນ, ແຕ່ຍັງສົ່ງຜົນໃຫ້ສູນເສຍໂອກາດໃນການຈັດສັນຊັບພະຍາກອນໄປສູ່ກິດຈະກຳທີ່ມີຜົນຜະລິດຫຼາຍກວ່າອີກດ້ວຍ. ບັນ ຫາທີ່ເກີດຂຶ້ນອາດເກີດຈາກປັດໃຈພື້ນຖານຫຼາຍປະການເຊັ່ນ: ການວາງແຜນ ແລະ ການກຳນົດເປົ້າໝາຍບໍ່ພຽງພໍ, ການກຳລັບດູແລ ແລະ ການຕິດຕາມບໍ່ເລິກເຊິ່ງ, ການບໍລິຫານຈັດການຄວາມສ່ຽງທີ່ອ່ອນແອ, ຄວາມບໍ່ມີປະສິດທິພາບໃນລະບົບລັດຖະກອນ ແລະ ອື່ນໆ.
  • ຂາດທ່າແຮງຄວາມເປັນເອກະພາບໃນການລາຍງານ ແລະ ມາດຕະຖານບັນຊີ ຄວາມທ້າທາຍທີ່ສຳຄັນໃນການຄຸ້ມຄອງບໍລິຫານກອງ ທຶນໝູນວຽນແມ່ນການຂາດຄວາມເປັນເອກະພາບໃນການລາຍງານ. ເມື່ອພາກສ່ວນທີ່ກ່ຽວຂ້ອງ ແລະ ຜູ້ທີ່ໄດ້ຮັບຜົນປະໂຫຍດ ຈາກໂຄງການໄດ້ຮັບບົດລາຍງານທີ່ຫຼາກຫຼາຍ ຫຼື ບໍ່ສອດຄ່ອງ, ມັນເຮັດໃຫ້ຂະບວນການກວດກາ ແລະ ການປະເມີນຜົນຂອງກອງທຶນມີຄວາມສັບຊ້ອນ. ການຂາດຮູບແບບການລາຍງານທີ່ເປັນມາດຕະຖານອາດຈະກີດກັ້ນຄວາມສາມາດ ຂອງຜູ້ບໍລິຫານຈັດການກອງທຶນ ໃນການປຽບທຽບທີ່ຖືກຕ້ອງລະຫວ່າງໂຄງການ, ການປະເມີນຄວາມອາດສາມາດໂດຍລວມ ແລະ ການກຳນົດພື້ນທີ່ສຳລັບການປັບປຸງ. ການສ້າງມາດຄະຖານການລາຍງານທີ່ເປັນເອກະພາບແມ່ນມີຄວາມຈຳເປັນເພື່ອຫັດກຸມການ ເກັບກຳຂໍ້ມູນ, ເສີມຂະຫຍາຍຄວາມໂປ່ງໃສ ແລະ ອຳນວຍຄວາມສະດວກໃນການວິເຄາະການດຳເນີນງານຂອງກອງທຶນຢ່າງຮອບ ດ້ານ ແລະ ສອດຄ່ອງກັນ.
  • ຄວາມຫຍຸ້ງຍາກທີ່ອາດເກີດຂຶ້ນໃນການດຳເນີນການຕິດຕາມຜົນຢ່າງມີປະສິດທິພາບ.  ເພື່ອຮັບປະກັນການຈັດສັນທຶນຈະຖືກໃຊ້ຕາມແຜນທີ່ກຳນົດໄວ້ຕ້ອງອາໄສການເຝົ້າຕິດຕາມຢ່າງຕໍ່ເນື່ອງ. ຄວາມທ້າທ້າຍອາດເກີດຂຶ້ນຈາກຊ່ວງໄລຍະເວລາຕ່າງໆຂອງໂຄງການ, ຄ່າໃຊ້ຈ່າຍທີ່ບໍ່ຄາດຄິດ ຫຼື ການປ່ຽງແປງຂອບເຂດຂອງ ໂຄງການ, ຊຶ່ງຈະເຮັດໃຫ້ເກີດຄວາມທ້າທາຍໃນການຕິດຕາມການນຳໃຊ້ງົບປະມານໃນແຕ່ລະໄລຍະເວລາ. ການຕິດຕາມທີ່ມີປະສິດ ທິພາບຕ້ອງອາໄສລະບົບທີ່ເຂັ້ມແຂງທີ່ສາມາດຕິດຕາມລາຍຈ່າຍ, ກວດສອບຈຸດສຳຄັນຂອງໂຄງການ ແລະ ແກ້ໄຂຈຸດທີ່ຂາດເກີນ, ຊຶ່ງເຈົ້າໜ້າທີ່ອາດບໍ່ສາມາດຈັດຕັ້ງປະຕິບັດໄດ້ເນື່ອງຈາກຂາດປະສົບການໃນການດຳເນີນງານຕາມກົນໄກຂອງກອງທຶນໝູນວຽນ.

ຜົນປະໂຫຍດທີ່ອາດເກີດຂຶ້ນ

  • ແຫຼ່ງທຶນທີ່ສາມາດເພິ່ງພາຕົນເອງໄດ້. ກອງທຶນໝູນວຽນໄດ້ຮັບການອອກແບບໃຫ້ສາມາດເພິ່ງພາຕົນເອງໄດ້. ເນື່ອງຈາກງົບປະມານ ຈະຖືກນຳໃຊ້ເຂົ້າໃນໂຄງການ ຫຼື ລິເລີ່ມທີ່ຈະສ້າງຜົນຕອບແທນ ຫຼື ຊຳລະຄືນ, ນີ້ຈິ່ງຮັບປະກັນໄດ້ວ່າຈະມີທຶນຢ່າງຕໍ່ເນື່ອງ  ພາຍໃນ  ໂຄງສ້າງ. ເມື່ອມີການບໍລິຫານຈັດການທີ່ເໝາະສົມ, ກອງທຶນໝູນວຽນຈະຊ່ວຍຫຼຸດການເພິ່ງພາເງິນຊ່ວຍເຫຼືອຄັ້ງດຽວ ຫຼື ການຈັດ ສັນງົບປະມານຈາກຜູ້ບໍລິຈາກ.
  • ການເຂົ້າເຖິງ ແຫຼ່ງທຶນ ທີ່ຢືດຢຸ່ນ. ກອງທຶນສິນເຊື່ອໝູນວຽນສາມາດຊ່ວຍໃຫ້ເຂົ້າເຖິງແຫຼ່ງທຶນທີ່ມີຄວາມຢືດຢຸ່ນທີ່ສາມາດນຳໃຊ້ ປະສົມປະສານກັບແຫຼ່ງທຶນທົ່ວໄປໄດ້. ກອງທຶນດັ່ງກ່າວສາມາດຕັ້ງຂຶ້ນເພື່ອຮອງຮັບຈຸດປະສົງ ແລະ ໂຄງການທີ່ຫຼາກຫຼາຍໄດ້. ນອກ ຈາກນັ້ນ, ເມື່ອກອງທຶນໃຫຍ່ຂຶ້ນຈາກການຊຳລະຄືນ, ມັນສາມາດນຳໄປໃຊ້ສຳລັບໂອກາດໃໝ່ໆທີ່ເກີດຂຶ້ນໄດ້.

ແຫຼ່ງຂໍ້ມູນ/ຂໍ້ມູນຂ່າວສານເພີ່ມເຕີມ

Case Study

Scroll to Top