ພັນທະບັດໂຄງການ

ພັນທະບັດໂຄງການແມ່ນພັນທະບັດທີ່ໃຊ້ໃນການສະໜອງທຶນຂອງໂຄງການສະເພາະບາງສ່ວນ ຫຼື ທັງໝົດ.
Download

Instrument Category

  • ການອອກພັນທະບັດ

Other ınstruments ın the same Category

ພັນທະບັດເທດສະບານ
ພັນທະພັນສີຂຽວ, ສັງຄົມ, ຄວາມຍືນຍົງ ແລະ ພັນທະບັດທີ່ເຊື່ອມໂຍງກັບຄວາມຍືນຍົງ (GSSS bonds)
Sukuk (ພັນທະບັດທີ່ບໍ່ມີດອກເບ້ຍ)

Relevant case study

ຄຳອະທິບາຍ

ພັນທະບັດໂຄງການເປັນພັນທະບັດທີ່ໃຊ້ໃນການລະດົມທຶນສຳລັບໂຄງການສະເພາະ. ພັນທະບັດໂຄງການໂດຍທົ່ວໄປຈະອອກໃຫ້ໂດຍ ໜ່ວຍງານສະເພາະເພື່ອລະດົມທຶນສຳລັບສ່ວນໜຶ່ງ ຫຼື ທັງໝົດຂອງໂຄງການ. ໂຄງການປະເພດຕ່າງໆລວມມີ; ການຂົ່ນສົ່ງ, ໂຮງໄຟຟ້າ, ລະບົບການຈັດການສິ່ງເສດເຫຼືອ ແລະ ອື່ນໆ. ທີ່ສາມາດຮັບການສະໜັບສະໜູນທາງການເງິນຜ່ານພັນທະບັດໂຄງການສິ່ງທີ່ເຫັນໄດ້ ຊັດເຈນ, ພັນທະບັດໂຄງການທີ່ສະໜັບສະໜູນໂຄງການພະລັງງານໝູນວຽນລິເລີ່ມມັກຈະໄດ້ຮັບການຈັດປະເພດເປັນພັນທະບັດ ’ສີຂຽວ’ ທີ່ກຳນົດໄວ້ໃນ ຫຼັກການຂອງພັນທະບັດສີຂຽວຂອງສະມາຄົມຕະຫຼາດທຶນລະຫວ່າງປະເທດ. ເຖິງແມ່ນວ່າຈະໃຊ້ເພື່ອປັບປຸງດ້ານການ ເງິນຂອງໂຄງການທີ່ມີຢູ່ຫຼັງການກໍ່ສ້າງ, ແຕ່ມີແນວໂນ້ມເພີ່ມຂຶ້ນໃນການໃຊ້ພັນທະບັດໂຄງການເພື່ອເປັນທຶນໃນການກໍ່ສ້າງເບື້ອງຕົ້ນຂອງ ໂຄງການສີຂຽວ. ຖານນັກລົງທຶນຂອງພັນທະບັດໂຄງການມີຄວາມຫຼາກຫຼາຍ, ລວມມີບໍລິສັດປະກັນໄພ, ຜູ້ຈັດການຊັບສິນ, ກອງທຶນໜີ້ ສິນໂຄງລ່າງພື້ນຖານ ແລະ ນັກລົງທຶນໃນທ້ອງຖິ່ນເຊິ່ງສະທ້ອນໃຫ້ເຫັນເຖິງຄວາມໜ້າດຶງດູດ ແລະ ຄວາມສາມາດຮອບດ້ານຂອງ ເຄື່ອງມືດັ່ງກ່າວໃນການ ລະດົມທຶນ ສຳລັບການພັດທະນາໂຄງລ່າງພື້ນຖານໂຄງລ່າງທີ່ສຳຄັນ.

ເງື່ອນໄຂການເປີດໃຊ້ງານ ແລະ ການພິຈາລະນາທີ່ສຳຄັນ

  • ກອບກົດໝາຍທີ່ຈັດຕັ້ງຂຶ້ນ. ເມືອງ ຫຼື ອຳນາດການປົກຄອງທ້ອງຖິ່ນຈະຕ້ອງມີກົດໝາຍທີ່ມີຢູ່ກ່ອນແລ້ວເພື່ອອຳນວຍຄວາມສະ ດວກໃນການອອກພັນທະບັດໂຄງການ. ກອບການເຮັດວຽກຄວນສະຫຼຸບມີເນື້ອໃນ, ບັນຫາອື່ນໆ, ຂັ້ນຕອນໃນການຮັບປະກັນໜີ້, ການກຳນົດປະເພດຂອງການປະກັນທີ່ອະນຸຍາດໂດຍສະເພາະ, ສະກຸນເງິນຂອງພັນທະບັດ ແລະ ສ້າງແນວທາງແກ້ໄຂເພື່ອໃຫ້ກູ້ໃນ ກໍລະນີຜິດນັບຊຳລະ.
  • ການໃຫ້ຄະແນນສິນເຊື່ອທີ່ເປັນປະໂຫຍດ. ພັນທະບັດໂຄງການທີ່ມີໄວ້ສຳລັບການລົງທຶນສາທາລະນະຈະຕ້ອງຜ່ານຂະບວນການໃຫ້ຈັດອັນດັບສິນເຊື່ອທີ່ລະອຽດຖີ່ຖ້ວນໂດຍໜ່ວຍງານຈັດອັນດັບສິນເຊື່ອ. ການໃຫ້ຈັດອຳດັບສິນເຊື່ອທີ່ດີຈະຊ່ວຍເພີ່ມຄວາມໜ້າສົນໃຈຂຂອງພັນທະບັດ, ໂດຍເປັນການສົ່ງສັນ ຍານໃຫ້ກັບນັກລົງທຶນທີ່ມີທ່າແຮງວ່າຜູ້ອອກບັດທະພັນໃຫ້ມີສະພາບທາງການເງິນທີ່ດີໃຊ້ການປະຕິບັດງານທີ່ດີໃນການຄຸ້ມຄອງ ແລະ ມີປະຫວັດການປະຕິບັດຕາມພັນທະຜູກພັນທາງການເງິນ.
  • ກົນໄກການເພີ່ມປະສິດທິສິນເຊື່ອ. ການລວມກົນໄກການເພີ່ມປະສິດທິພາບສິນເຊື່ອເຊັ່ນ: ການຮັບປະກັນພັນທະບັດສາມາດເພີ່ມ ຄວາມໜ້າສົນໃຈຂອງໂຄງການພັນທະບັດສຳລັບນັກລົງທຶນ.ການຮັບປະກັນພັນທະບັດເຮັດໜ້າທີ່ຮັບຮອງແກ່ນັກລົງທຶນວ່າເງິນ ຕົ້ນທຶນ ແລະ ດອກເບ້ຍຈະໄດ້ຮັບການຈ່າຍ, ເຖິງແມ່ນວ່າໃນກໍລະນີທີ່ມີການຜິດນັກຊຳລະ ຫຼື ມີຄວາມສ່ຽງສະເພາະກັບໂຄງການ ກໍ່ຕາມ. ກົນໄກເຫຼົ່ານີ້ຊ່ວຍຫຼຸດຄວາມສ່ຽງທີ່ກ່ຽວຂ້ອງກັບພັນທະບັດ, ເຮັດໃຫ້ພັນທະບັດມີຄວາມໜ້າສົນໃຈຫຼາຍຂຶ້ນຕໍ່ນັກລົງທຶນ.
  • ຂະບວນການກວດສອບຄວາມຮອບຄອບ ແລະ ການເປີດເຜີຍຂໍ້ມູນ. ໃນການກະກຽມການສະເໜີຂາຍພັນທະບັດໂຄງການ, ຈະຕ້ອງ ມີການກວດສອບຈາກບຸກຄົນທີ່ສາມຫຼາຍດ້ານເພື່ອລວບລວມບັນທຶກຂໍ້ສະເໜີຂອງພັນທະບັດ. ສິ່ງເຫຼົ່ານີ້ລວມມີການກວດສອບ ດ້ານເທັກນິກຈາກບຸກຄົນທີ່ສາມກ່ຽວກັບການດຳເນີນງານ ແລະ ປະສິດທິພາບຂອງໂຄງການ, ການກວດສອບທາງບັນຊີໂດຍ ອິດສະຫຼະ ເພື່ອຢືນຢັນແບບຈຳລອງທາງການເງິນຂອງໂຄງການ ແລະ ການປະເມີນໂດຍທີ່ປຶກສາດ້ານກົດໝາຍເພື່ອວິເຄາະຄວາມສ່ຽງ ດ້ານສິນເຊື່ອ, ໂຄງສ້າງທາງການເງິນ ແລະ ກະແສເງິນສົດຂອງຜູ້ອອກພັນທະບັດໃນດ້ານສິນເຊື່ອ, ໂຄງສ້າງທາງດ້ານການເງິນ ແລະ ກະແສເງິນສົດຂອງຜູ້ອອກ

ສິ່ງທ້າທາຍທີ່ອາດຈະເກີດຂຶ້ນ

  • ປະສົບການຈຳກັດຂອງອຳນາດການປົກຄອງທ້ອງຖິ່ນໃນການອອກພັນທະບັດ. ອຳນາດການປົກຄອງທ້ອງຖິ່ນອາດມີປະສົບການທີ່ຈຳ ກັດໃນການຈັດການຄວາມສັບຊ້ອນຂອງການອອກພັນທະບັດ. ການອອກພັນທະບັດໂຄງການບໍ່ໄດ້ປາສະຈາກຄວາມສ່ຽງ, ໂດຍສະ ເພາະຢ່າງຍິ່ງຖ້າລັດຖະບານບບໍ່ສາມາດຊຳລະໜີ້ດອກເບ້ຍ ແລະ ໜີ້ເງິນຕົ້ນຕາມທີ່ກຳນົດໃນສັນຍາໄດ້. ຖ້າຄວາມສ່ຽງເຫຼົ່ານີ້ບໍ່ໄດ້ ຮັບການຄາດຄະເນ ຫຼື ບໍລິຫານຈັດການຢ່າງເໝາະສົມ, ການອອກພັນທະບັດອາດສົ່ງຜົນກະທົບຕໍ່ການເງິນຂອງອຳນາດການປົກຄອງ ທ້ອງຖິ່ນໃນອະນາຄົດ.
  • ການອອກພັນທະບັດເປັນຂະບວນການທີ່ໃຊ້ຊັບພະຍາກອນສູງ. ການກະກຽມເອກະສານທີ່ຈຳເປັນສຳລັບການກວດສອບສະຖານະ ແລະ ຂັ້ນຕອນການເປີດເຜີຍຂໍ້ມູນສຳລັບໜັງສືໃນການອອກພັນທະບັດໂຄງການອາດໃຊ້ເວລາດົນ ແລະ ມີຄ່າໃຊ້ຈ່າຍສູງ. ຜູ້ຈັດການຈັດຈຳໜ່າຍ ແລະ ທີ່ປຶກສາທີ່ກ່ຽວຂ້ອງໃນຂະບວນການນີ້ຕ້ອງໄດ້ໃຊ້ຄວາມລະມັດລະວັງຢ່າງຍິ່ງເນື່ອງຈາກທັງຜູ້ກູ້ ແລະ ຜູ້ອອກພັນທະບັດມີຄວາມຮັບຜິດຊອບຕໍ່ການຖະແຫຼ່ງທີ່ບໍ່ຖືກຕ້ອງ ຫຼື ການລະເວັ້ນຂໍ້ມູນສຳຄັນໃນເອກະສານສະເໜີຂາຍ.
  • ຂາດປະສົບການໃນການຈັດບັນຫາລະຫວ່າງເຈົ້າໜີ້ຫຼາຍໜີ້ສິນ. ພັນທະບັດໂຄງການອາດນຳໃຊ້ໃນການຈັດຫາເງິນທຶນສຳລັບສ່ວນໜຶ່ງຂອງໂຄງການ ແລະ ເປັນພຽງໜຶ່ງໃນຫຼາຍໆແຫຼ່ງເງິນທຶນ, ໂດຍສະເພາະໂຄງການຂະໜາດໃຫຍ່. ການມີສ່ວນຮ່ວມຂອງຜູ້ໃຫ້ກູ້ທີ່ແຕກຕ່າງກັນໃນປະເພດຕ່າງໆພາຍໃນໂຄງສ້າງການລະດົມ ທຶນຂອງໂຄງການເຮັດໃຫ້ເກີດບັນຫາຊັບຊ້ອນແກ່ຜູ້ໃຫ້ກູ້ເຊັ່ນ: ການຕັດສິນໃຈທີ່ຕ້ອງການຄວາມຍິນຍອມຈາກຜູ້ຖືພັນທະບັດ ແລະ ເຈົ້າໜີ້ກຸ່ມໃດທີ່ສາມາດກໍ່ໃຫ້ເກີດການຜິດນັດ ຫຼື ເລັ່ງລັດການຊຳລະໜີ້ໄດ້. ຂໍ້ຕົກລົງລະຫວ່າງເຈົ້າໜີ້ທີ່ມີການອອກແບບຢ່າງທີ່ຮັດ ກຸມເປັນສິ່ງທີ່ສຳຄັນຢ່າງຍິ່ງໃນການຈັດການຂະບວນການຕັດສິນໃຈ ແລະ ກົນໄກການບັງຄັບໃຊ້ລະຫວ່າງໂຄງສ້າງຈັດຫາເງິນທຶນ ໂຄງການໃນລະດັບຕ່າງໆ ແລະ ການຂາດປະສົບການໃນການຈັດການກັບບັນຫາເຫຼົ່ານີ້ອາດຈະກາຍເປັນອຸປະສັກໄດ້.

ຜົນປະໂຫຍດທີ່ອາດເກີດຂຶ້ນ

  • ຕົວເລືອກການລະດົມທຶນໄລຍະຍາວ. ພັນທະບັດໂຄງການສະເໜີຂໍ້ແກ້ໄຂບັນຫາການຈັດຫາເງິນທຶນໄລຍະຍາວສຳລັບອຳນາດການ ປົກຄອງທ້ອງຖິ່ນໃນການດຳເນີນໂຄງການພື້ນຖານໂຄງລ່າງຂະໜາດໃຫຍ່ໂດຍການຈັດກຳນົດການຊຳລະໜີ້ໃຫ້ສອດຄ່ອງກັບອາຍຸ ການໃຊ້ງານຂອງຊັບສິນທີ່ໄດ້ຮັບເງິນທຶນ.
  • ຄວາມສາມາດໃນການລະດົມທຶນສຳລັບໂຄງການຂະໜາດໃຫຍ່. ພັນທະບັດໂຄງການຊ່ວຍໃຫ້ອຳນາດການປົກຄອງທ້ອງຖິ່ນສາມາດ ລະດົມທຶນສຳລັບໂຄງການພື້ນຖານໂຄງລ່າງທີ່ມີຄວາມສຳຄັນເຊິ່ງອາດເປັນເລື່ອງທ້າທາຍຖ້າຫາກຈະຫາເງິນທຶນຜ່ານການໂອນງົບປະມານໂດຍກົງຈາກງົບປະມານຂອງປະເທດເທົ່ານັ້ນ.
  • ລາຍໄດ້ຈາກພັນທະບັດສາມາດໃຊ້ໃນການຈັດຫາເງິນທຶນສຳລັບໂຄງການຕ່າງໆໄດ້. ພັນທະບັດໂຄງການສາມາດອອກເພື່ອລະດົມ ທຶນສຳລັບໂຄງການຕ່າງໆເພື່ອຕອບສະໜອງຄວາມຕ້ອງການທີ່ສຳຄັນຂອງຊຸມຊຸນເຊັ່ນ: ລະບົບຈັດການສິ່ງເສດເຫຼືອ ແລະ ນ້ຳ, ໂຄງ ການປ່ຽນຜ່ານດ້ານພະລັງການ ແລະ ໂຄງການຂົ່ນສົ່ງເປັນຕົ້ນ.

ແຫຼ່ງຂໍ້ມູນ/ຂໍ້ມູນຂ່າວສານເພີ່ມເຕີມ

Case Study

Scroll to Top