ການຈັດຫາທຶນຕາມໃບບິນ/ການສຳລະຄືນຕາມໃບບິນ

ແຜນການການຈັດຫາເງິນທຶນຕາມໃບບິນ (OBF) ຫຼື ແຜນການຊໍາລະຄືນຕາມໃບບິນ (OBR) ຊ່ວຍໃຫ້ຜູ້ໃຊ້ສຸດທ້າຍ (ທຸລະກິດ ແລະ ຄົວເຮືອນ) ສາມາດສະໜອງທຶນໃຫ້ແກ່ໂຄງການປະຢັດພະລັງງານຂະໜາດນ້ອຍໄດ້ໂດຍການລວມຕົ້ນທຶນເຂົ້າກັບໃບບິນຄ່າ ສາທາລະນຸປະໂພກປະຈໍາເດືອນຂອງເຂົາເຈົ້າ.
Download

Instrument Category

  • ກົນໄກການຈັດຫາເງິນທຶນອື່ນໆ

Other ınstruments ın the same Category

ກອງທຶນໝູນວຽນ
ພາຫະນະທາງການເງິນແບບປະສົມປະສານ
ຫຼັກສິນຊັບຄ້ຳປະກັນ (ABS)
ການລະດົມທຶນຈາກມວນຊົນ
ການຄ້ຳປະກັນ

Relevant case study

ຄຳອະທິບາຍ

ແຜນການການຈັດຫາເງິນທຶນຕາມໃບບິນ (OBF) ຫຼື ແຜນການຊໍາລະຄືນຕາມໃບບິນ (OBR) ຊ່ວຍໃຫ້ຜູ້ໃຊ້ສຸດທ້າຍ (ທຸລະກິດ ແລະ ຄົວເຮືອນ) ສາມາດສະໜອງທຶນໃຫ້ແກ່ໂຄງການປະຢັດພະລັງງານຂະໜາດນ້ອຍໄດ້ໂດຍການລວມຕົ້ນທຶນເຂົ້າກັບໃບບິນຄ່າສາທາລະນຸປະໂພກປະຈໍາເດືອນຂອງເຂົາເຈົ້າ. ພາຍໃຕ້ການຈັດການໜີ້, ລູກຄ້າສາມາດຊື້ອຸປະກອນປະຫຍັດພະລັງງານໄດ້ໂດຍບໍ່ຕ້ອງເສຍຄ່າໃຊ້ຈ່າຍລ່ວງໜ້າ ແລະ ຄ່າໃຊ້ຈ່າຍຈະໄດ້ຮັບການຊຳລະຄືນເປັນງວດໄປເລື່ອຍໆ. ບໍລິສັດສາທາລະນຸປະໂພກ ຫຼື ຜູ້ໃຫ້ກູ້ຢືມບຸກຄົນທີສາມ, ເຊັ່ນ: ສະຖາບັນ ການເງິນ ຫຼື ບໍລິສັດອຸປະກອນໄຟຟ້າ, ຈະເປັນຜູ້ຄວບຄຸມຕົ້ນທຶນສຳລັບການຍົກລະດັບ. ລູກຄ້າຊຳລະຄ່າໃຊ້ຈ່າຍນີ້ຜ່ານໃບບິນຄ່າສາທາລະ ນຸປະໂພກລາຍເດືອນ.

ໂຄງສ້າງການຊຳລະຄືນສາມາດປະຕິບັດໄດ້ຫຼາຍຮູບແບບ, ປະກອບດ້ວຍ i) ຮູບແບບຄ່າທຳນຽມຕາມໃບບິນ; ຊຶ່ງບໍລິສັດສາທາລະນຸປະໂພກ ຈະເປັນຜູ້ຄວບຄຸມຕົ້ນທຶນພະລັງງານທີ່ມີປະສິດທິພາບ ແລະ ຜູ້ໃຊ້ປາຍທາງຈະຊຳລະຄ່າທຳນຽມເພີ່ມເຕີມໃນໃບບິນສຳລັບການບໍລິການນີ້, ii) ໃນຮູບແບບໂຄງການກູ້ຢືມຕາມໃບບິນ, ຊຶ່ງເງິນກູ້ຈະໄດ້ຮັບການຊຳລະຄືນໃນໃບບິນລາຍເດືອນຂອງຜູ້ໃຊ້ປາຍທາງ ຫຼື iii) ໃນຮູບແບບ ການຮຽກເກັບເງິນ, ຊຶ່ງໃບບິນສາທາລະນຸປະໂພກເຮັດໜ້າທີ່ເປັນເຄື່ອງມືທີ່ຜູ້ໃຊ້ປາຍທາງໃຊ້ໃນການຊຳລະຄືນໃຫ້ກັບຜູ້ໃຫ້ກູ້ບຸກຄົນທີ ສາມ.

ໃນບາງກໍລະນີ, ໂຄງການຕາມໃບບິນມີໂຄງສ້າງເພື່ອອະນຸຍາດໃຫ້ມີ ‘ຄວາມເປັນກາງ’ ຂອງຄ່າໃບບິນ. ນີ້ໝາຍຄວາມວ່າ, ໂຄງການການ ປະຫຍັດພະລັງງານທີ່ເປັນຜົນມາຈາກການປັບປຸງທີ່ຈະສົດເຊີຍຄ່າຊຳລະເງິນກູ້ລາຍເດືອນ ຫຼື ການຜ່ອນຊຳລະພາສີ. ຊຶ່ງສົ່ງຜົນໃຫ້ຜູ້ໃຊ້ປາຍ ທາງບໍ່ຕ້ອງພົບບັນຫາຄ່າສາທາລະນຸປະໂພກທີ່ສູງຂຶ້ນກວ່າກ່ອນການແຊກແຊງ. ເມື່ອເຖິງໄລຍະເວລາຄືນທຶນ, ຜູ້ໃຊ້ປາຍທາງຈະສາມາດຮັບ ຮູ້ການປະຍັດຄ່າໃຊ້ຈ່າຍຕາມໃບບິນຈິງ, ຈາກການປັບປຸງປະສິດທິພາບການນຳໃຊ້ພະລັງງານ.

Description of on-bill repayment process. Available at: https://blogs.edf.org/energyexchange/2014/03/05/hawaii-taps-on-bill-repayment-program-for-cleanenergy-financing-and-job-creation/

ເງື່ອນໄຂການເປີດໃຊ້ງານ ແລະ ການພິຈາລະນາທີ່ສຳຄັນ

  • ຄວາມສາມາດໃນການເກັບຄ່າສາທາລະນຸປະໂພກລາຍເດືອນ. ຜູ້ພັດທະນາ ຫຼື ຜູ້ສະໜອງສາທາລະນຸປະໂພກຈຳເປັນຕ້ອງສາມາດ ຮຽກເກັບຄ່າສາທາລະນຸປະໂພກຕາມໃບບິນລາຍເດືອນສຳລັບໂຄງການຮຽກເກັບເງິນຕາມໃບບິນໄດ້ເນື່ອງຈາກການຊຳລະເຫຼົ່ານີ້ ແມ່ນເປັນສ່ວນສຳຄັນສຳລັບການປະສົບຄວາມສຳເລັດຂອງໂຄງການ. ແຜນການເກັບເງິນຕາມໃບບິນຈະໃຊ້ປະໂຫຍດຈາກຂະບວນ ການຮຽກເກັບເງິນທີ່ກຳນົດໄວ້ແລ້ວ ເພື່ອຈັດຫາທຶນສຳລັບໂຄງການພະລັງງານທີ່ມີປະສິດທິພາບ ແລະ ຫຼຸດ ຄວາມຈຳເປັນໃນການ ສ້າງໂຄງການຊຳລະເງິນແບບແຍກຕ່າງຫາກ ແລະ ຈະຕ້ອງມີການຈັດຕັ້ງກະແສເງິນທີ່ຊຳລະຄືນຢ່າງຊັດເຈນ.
  • ລະບຽບການຄຸ້ມຄອງທີ່ຊັດເຈນ ແນວທາງທີ່ຊັດເຈນກ່ຽວກັບວິທີທີີບໍລິສັດສາທາລະນຸປະໂພກຈະສາມາດເກັບຕົ້ນທຶນຄືນໄດ້ແນວໃດ, ການກຳນົດອັດຕາຄ່າບໍລິການ ແລະ ການຮ່ວມມືກັບຜູ້ໃຫ້ສິນເຊື່ອບຸກຄົນທີ່ສາມສຳລັບການສ້າງກອບກົດລະບຽບ ແລະ ຂັ້ນຕອນການບໍລິຫານຈັດການໂຄງ ການຮຽກເກັບເງິນຕາມໃບບິນ. ນອກຈາກນີ້, ຈະຕ້ອງພິຈາລະນາກົດລະບຽບທີ່ກ່ຽວຂ້ອງກັບການໃຫ້ສິນເຊື່ອແກ່ຜູ້ບໍລິໂພກ ແລະ ຜົນກະທົບທີ່ອາດຈະເກີດຂຶ້ນຕໍ່ການຈັດໂຄງສ້າງແຜນງານການຮຽກເກັບເງິນຕາມໃບບິນ.
  • ການເຂົ້າເຖິງ ກົນໄກ ການແກ້ໄຂຂໍ້ຂັດແຍ້ງ.ຂໍ້ຂັດແຍ້ງອາດຈະເກີດຂຶ້ນເນື່ອງຈາກສາເຫດຫຼາຍຢ່າງ ເຊັ່ນ: ຄວາມຂັດແຍ່ງກ່ຽວ ກັບການຮຽກເກັບເງິນ, ການຮັບຮູ້ເຖິງຄວາມຄາດເຄື່ອນໃນການປະຫຍັດພະລັງງານ ຫຼື ບັນຫາທີ່ກ່ຽວຂ້ອງກັບປະສິດທິພາບຂອງ ອຸປະກອນ. ສ້າງແນວທາງ ແລະ ລະການປະຕິບັດທີ່ຊັດເຈນເພື່ອຈັດການກັບສະຖານະການດັ່ງກ່າວຢ່າງມີປະສິດທິພາບເປັນສິ່ງສຳ ຄັນຕໍ່ຄວາມສຳເລັດຂອງໂຄງການຮຽກເກັບເງິນຕາມໃບບິນ. ຜູ້ບໍລິໂພກຄວນເຂົ້າເຖິງກົນໄກການແກ້ໄຂຂໍ້ຂັດແຍ້ງໄດ້ເພື່ອໃຫ້ໝັ້ນ ໃຈວ່າຜູ້ບໍລິໂພກຈະໄດ້ຮັບຄວາມຊ່ວຍເຫຼືອຢ່າງເໝາະສົມ ແລະ ທັນເວລາ.

ສິ່ງທ້າທາຍທີ່ອາດຈະເກີດຂຶ້ນ

  • ຂາດຄວາມຄຸ້ນເຄີຍກັບໂຄງການ OBF ໃນບັນດາຜູ້ທີ່ຢູ່ໃນຂົງເຂດອຸດສະຫະກຳ. ຜູ້ໃຫ້ບໍລິການທາງສາທາລະນຸປະໂພກມັກຈະ ມີປະສົບການໜ້ອຍໃນການຈັດຫາທຶນສຳລັບໂຄງການ ແລະ ອາດປະສົບບັນຫາການບໍລິຫານໂຄງການ OBF. ຜູ້ໃຫ້ບໍລິການສາທາ ລະນຸປະໂພກອາດຈຳເປັນຕ້ອງໄດ້ເອົາລັກສະນະການຮັບຮູ້ວ່າເຂົາເຈົ້າຕ້ອງເຮັດໜ້າທີ່ເປັນສະຖາບັນການເງິນເພື່ອເຂົ້າຮ່ວມໂຄງການຮຽກເກັບເງິນຕາມໃບບິນ, ລວມເຖິງການຈັດການກັບການບໍ່ຊໍາລະເງິນຄືນ, ການຈັດຫາທຶນ ແລະ ການຈັດການກັບເຊື່້ອໄຟທີ່ບໍ່ມີຢູ່ ໃນສາທາລະນຖປະໂພກ. ຄວາມທ້າທາຍເຫຼົ່ານີ້ອາດມີຜົນກະທົບຕໍ່ການມີສ່ວນຮ່ວມໃນໂຄງການ OBF.
  • ຄວາມທ້າທາຍດ້ານກົດໝາຍ ແລະ ກົດລະບຽບຕ່າງໆ. ການປະຕິບັດຕາມລະບຽບທີ່ມີຢູ່ກ່ຽວກັບຜູ້ໃຫ້ບໍລິການສາທາລະນຸປະໂພກ ແລະ ການໃຫ້ສິນເຊື່ອແກ່ຜູ້ບໍລິໂພກອາດ ສ້າງຄວາມທ້າທາຍ ສຳລັບຜູ້ໃຫ້ບໍລິການສາທາລະນຸປະໂພກ ແລະ ຜູ້ໃຫ້ສິນເຊື່ອໃນການ ປະຕິບັດໂຄງການຮຽກກັບເງິນຕາມໃບບິນ ແລະ ອາດສົ່ງຜົນກະທົບຕໍ່ການປະຕິບັດຕົວຈິງຂອງໂຄງການເຫຼົ່ານີ້.
  • ຜູ້ບໍລິໂພກຂາດຄວາມຮັບຮູ້. ການສ້າງຄວາມຮັບຮູ້ໃຫ້ແກ່ຜູ້ໃຊ້ປາຍທາງແມ່ນເປັນສິ່ງທີ່ສຳຄັນໃນການສ້າງການສະໜັບສະໜູນ ແລະ ສົ່ງເສີມການປະຕິບັດໂຄງການຮຽກເກັບເງິນຕາມໃບບິນ. ຜູ້ບໍລິໂພກຈຳນວນຫຼາຍອາດຈະບໍ່ຄຸ້ນເຄີຍກັບປະໂຫຍດ ຫຼື ກົນໄກຂອງ OBF, ດັ່ງນັ້ນການສ້າງຄວາມຮັບຮູ້ແມ່ນມີຄວາມສໍາຄັນສໍາລັບຜົນສໍາເລັດຂອງໂຄງການ. ການແຈ້ງໃຫ້ຜູ້ນຳໃຊ້ຮູ້ເຖິງຂໍ້ດີ, ປະສິດ ທິພາບຂອງການປະຍັດຕົ້ນທຶນ ແລະ ຄວາມພ້ອມໃຊ້ງານຂອງໂຄງການຮຽກເກັບເງິນຕາມໃບບິນສາມາດຊ່ວຍໃຫ້ຜູ້ບໍລິໂພກຕັດ ສິນໃຈໄດ້ດີຂຶ້ນໃນການເຂົ້າຮ່ວມໂຄງການພະລັງງານປະສິດທິພາບ, ສ້າງຄວາມໄວ້ວາງໃຈ ແລະ ຄວາມໝັ້ນໃຈໃນແຜນງານດັ່ງກ່າວ ແລະ ສົ່ງເສີມແນວທາງການນຳໃຊ້ພະລັງານທີ່ມີຄວາມຍືນຍົງຫຼາຍຂຶ້ນ.

ຜົນປະໂຫຍດທີ່ອາດເກີດຂຶ້ນ

  • ໃຊ້ປະໂຫຍດຈາກຖານລູກຄ້າທີ່ມີຢູ່ແລ້ວໃນການລະດົມທຶນ. ໂຄງການ OBF ອະນຸຍາດໃຫ້ຜູ້ໃຫ້ບໍລິການສາທາລະນຸປະໂພກໃຊ້ປະ ໂຫຍດຈາກຄວາມສຳພັນທີ່ມີຢູ່ກັບລຸກຄ້າ (ຕົວຢ່າງເຊັ່ນ: ທຸລະກິດ ແລະ ຄົວເຮືອນ) ເພື່ອສະເໜີທາງເລືອກໃນການຈັດຫາ ທຶນສຳລັບການລົງທຶນດ້ານພະລັງານທີ່ມີປະສິດທິພາບ, ເປີດຊ່ອງທາງອື່ນສຳລັບການລະດົມທຶນໃນໂຄງການດັ່ງກ່າວ.
  • ຄວາມຢືດຢຸ່ນໃນການຈັດຫາທຶນສຳລັບໂຄງການໃນຕະຫຼາດທີ່ບໍ່ໄດ້ຮັບບໍລິການພຽງພໍ. ມີແບບຈຳລອງຕ່າງໆທີ່ຫຼາກຫຼາຍໃນການຈັດໂຄງສ້າງຂອງໂຄງການ OBF ເພື່ອສະໜັບສະໜູນການລົງທຶນດ້ານພະລັງານທີ່ມີ ປະສິດທິພາບຍົກຕົວຢ່າງເຊັ່ນ; ລູກຄ້າທີ່ສາມາດຊໍາລະເງິນຄືນບາງສ່ວນ ຫຼື ທັງໝົດຂອງຄ່າໃຊ້ຈ່າຍໃນການປັບປຸງປະສິດທິພາບ ການນຳໃຊ້ພະລັງງານໂດຍໃຊ້ເງິນທີ່ປະຫຍັດຈາກໃບບິນຄາສາທາລະນຸປະໂພກ. ຄວາມຢືດຢູ່ນນີ້ ໝາຍເຖິງໂຄງການ OBF ສາມາດຊ່ວຍໃຫ້ຕະຫຼາດທີ່ຈຳກັດດ້ວຍສິນເຊື່ອແບບດັ່ງເດີມສາມາດເຂົ້າເຖິງແຫຼ່ງທຶນສຳລັບໂຄງການໄດ້.

ແຫຼ່ງຂໍ້ມູນ/ຂໍ້ມູນຂ່າວສານເພີ່ມເຕີມ

Case Study

Scroll to Top