ຄັງສຳຮອງການສູນເສຍເງິນກູ້

ຄັງສໍາຮອງໜີ້ສູນເສຍ (LLR) ເຮັດໜ້າທີ່ເປັນເຄື່ອງມືເພີ່ມປະສິດທິພາບສິນເຊື່ອທີ່ມີປະສິດທິພາບ, ໂດຍເສີມຂະຫຍາຍກົນລະຍຸດຄວາມສ່ຽງດ້ານສິນເຊື່ອຂອງຜູ້ໃຫ້ກູ້ ຫຼື ນັກລົງທຶນເພື່ອຮັບປະກັນເງື່ອນໄຂການຊໍາລະໜີ້ສິນທີ່ດີຂຶ້ນ.
Download

Instrument Category

  • ການຈັດຫາງົບປະມານຂອງລັດຖະບານ

Other ınstruments ın the same Category

ການໂອນຂອງລັດຖະບານແຫ່ງຊາດ  
ແຮງຈູງໃຈດ້ານພາສີສຳລັບການພັດທະນາເມືອງອັດສະລິຍະ
ການລວມທີ່ດິນ
ການນໍາໃຊ້ຊັບສິນຄືນໃໝ່

Relevant case study

ຄຳອະທິບາຍ

ຄັງເງິນສຳຮອງການຂາດທຶນຈາກເງິນກູ້ (LLR) ແມ່ນກອງທຶນທີ່ຈັດສັນໄວ້ເປັນມາດຕະການປ້ອງກັນທາງການເງິນເພື່ອຫຼຸດຜ່ອນການສູນ ເສຍທີ່ອາດຈະເກີດຂຶ້ນກັບເງິນກູ້ໃນອະນາຄົດທີ່ເກີດຂື້ນໃນກໍລະນີຜູ້ກູ້ຢືມຜິດນັດຊຳລະໜີ້. ກອງທຶນດັ່ງກ່າວໃຫ້ການຄຸ້ມຄອງຄວາມສ່ຽງ ບາງສ່ວນໃຫ້ແກ່ເຈົ້າໜີ້ ເນື່ອງຈາກເງິນສຳຮອງຈະກວມເອົາຈຳນວນຄວາມສູນເສຍເງິນກູ້ຕາມທີ່ກຳນົດໄວ້ລ່ວງໜ້າ. ເງິນເຫຼົ່ານີ້ສາມາດໃຊ້ ເປັນເຄື່ອງມືເພີ່ມປະສິດທິພາບດ້ານສິນເຊື່ອ, ໂດຍກົນລະຍຸດເພີ່ມພາບຫຼັກສິນເຊື່ອຂອງຜູ້ໃຫ້ກູ້ຢືມ ຫຼື ຜູ້ລົງທຶນເພື່ອຮັບປະກັນໃຫ້ໄດ້ ເງື່ອນໄຂການຊຳລະໜີ້ທີ່ດີຂຶ້ນ. ດ້ວຍການເຮັດໜ້າທີ່ເປັນເກາະປົກປ້ອງທາງການເງິນເຮັດໃຫ້ LLR ສາມາດຊ່ວຍປັບປຸງພາບຫຼັກຄວາມ ສ່ຽງດ້ານສິນເຊື່ອ ແລະ ນຳໄປສູ່ໂອກາດໃນການຈັດຫາເງິນທຶນທີ່ຄວບຄຸມຫຼາຍຂຶ້ນຊຶ່ງສາມາດກ້າວໄປສູ່ການພັດທະນາ ແລະ ນະວັດຕະ ກຳທີ່ໝັ້ນຄົງ.

ໃນໂຄງການ LLR ໜ່ວຍງານລັດຖະບານສາມາດຮ່ວມມືກັບສະຖາບັນການເງິນເພື່ອແກ້ໄຂຫຼັກການໃນການຄ້ຳປະກັນ ແລະ ການຍອມຮັບຄວາມສ່ຽງໃຫ້ຫຼາຍຂຶ້ນເກີນກວ່າຈະເຮັດໄດ້, ດັ່ງນັ້ນເພື່ອໃຫ້ສະຖາບັນການເງິນມີຄວາມໝັ້ນໃຈຫຼາຍຂຶ້ນໃນການປ່ອຍກູ້ໃຫ້ ແກ່ພາກສ່ວນໃໝ່ໆ ຫຼື ປ່ອຍກູ້ໃນອັດຕາດອກເບ້ຍຕໍ່າ ແລະ ໄລຍະເວລາຊຳລະຄືນຍາວຂຶ້ນ. LLR ພິສູດແລ້ວວ່າ ມັນເປັນຜົນປະໂຫຍດ ຢ່າງຫຼວງຫຼາຍໃນກໍລະນີທີ່ສະຖາບັນການເງິນສາມາດໃຫ້ເງິນກູ້ຂະໜາດນ້ອຍຈຳນວນຫຼາຍສຳລັບໂຄງການຕ່າງໆເຊັ່ນ; ການປັບປຸງເພື່ອພັດທະນາພະລັງງານທີ່ມີປະສິດທິພາບ. ຕໍ່ກັບເງິນກອງທຶນຈາກລັດຖະບານຈຳນວນນ້ອຍທີ່ຈັດສັນໄວ້ເປັນຄັງສຳຮອງເພື່ອ ປົກປ້ອງຄວາມສ່ຽງ, ພາກເອກະຊົນ ແລະ ລັດຖະບານສາມາດຮ່ວມມືກັນສ້າງຫຼັກຊັບສຶ້ນເຊື່ອເພື່ອການຈັດຫາເງິນທຶນຂະໜາດນ້ອຍໄດ້.

ໂດຍຜ່ານ LLRs, ລັດຖະບານ ຫຼື ອຳນາດການປົກຄອງຂັ້ນທ້ອງຖິ່ນສາມາດຂະຫຍາຍການເຂົ້າເຖິງແຫຼ່ງທຶນສຳລັບສຳລັບການແກ້ໄຂ ບັນຫາເມືອງອັດສະລິຍະເຊັ່ນ; ການຍົກລະດັບປະສິດທິພາບດ້ານພະລັງງານ ຫຼື ໂຄງການພະລັງງານໝູນວຽນຂະໜາດນ້ອຍ. ຍົກຕົວຢ່າງ, LLRs ສາມາດສະໜັບສະໜູນໂຄງການສິນເຊື່ອດ້ານພະລັງງານສະອາດທີ່ບໍລິຫານຈັດການຮ່ວມກັນລະຫວ່າງລັດຖະບານ ແລະ ຄູ່ຮ່ວມມື ສະຖາບັນການເງິນ. ຄຸນສົມບັດການປັບປຸງຄຸນນະພາບດ້ານສິນເຊື່ອຂອງ LLRs ອາດຈະນຳໄປສູ່ເງື່ອຍໄຂການອຳນວຍຄວາມສະດວກ ໃນການກູ້ຢືມຫຼາຍຂຶ້ນເຊັ່ນ: ການຫຼຸດອັດຕາດອກເບ້ຍ ແລະ ໄລຍະເວລາການຊຳລະຄືນທີ່ຍາວຂຶ້ນ. ນອກຈາກນີ້, LLRs ຍັງມີບົດບາດ ສຳຄັນໃນການເຂົ້າເຖິງທາງດ້ານການເງິນໂດຍອະນຸຍາດໃຫ້ຄູ່ຮ່ວມງານສະຖາບັນການເງິນປັບປຸງເກນການຮັບປະກັນເພື່ອຮອງຮັບເກນ ຄວາມສ່ຽງທີ່ສູງຂຶ້ນ, ຊຶ່ງອາດເປັນຜົນປະໂຫຍດຢ່າງຫຼວງຫຼາຍສຳລັບໂຄງການເມືອງອັດສະລິຍະທີ່ຜູ້ໃຫ້ກູ້ຢືມອາດບໍ່ເຕັມໃຈທີ່ຈະໃຫ້ກູ້ ເນື່ອງຈາກຂໍ້ຈຳກັດທາງດ້ານປະສົບການໃນໂຄງການດັ່ງກ່າວ ຫຼື ຂໍ້ຈຳກັດດ້ານຄວາມເຂົ້າໃຈດ້ານເຕັກໂນໂລຊີທີ່ກ່ຽວຂ້ອງ.

ເງື່ອນໄຂການເປີດໃຊ້ງານ ແລະ ການພິຈາລະນາທີ່ສຳຄັນ

  • ຂະບວນການແຂ່ງຂັນໃນການຈັດຊື້ ໂຄງການ LLR ຄວນກ່ຽວຂ້ອງກັບຂະບວນການຈັດຊື້ທີ່ມີການແຂ່ງຂັນເພື່ອກຳນົດຄູ່ຮ່ວມງານ ສະຖາບັນການເງິນທີ່ຈະໃຫ້ການສະໜັບສະໜູນ.  ຂະບວນການນີ້ລວມເອົາການສ້າງຂໍ້ສະເໜີຄວາມຕ້ອງການທີີ່ມີຄວາມຄົບຖ້ວນ ຈາກສະຖາບັນການເງິນຊຶ່ງລວມມີຂໍ້ມູນກ່ຽວກັບເງື່ອນໄຂເງິນກູ້ຂອງສະຖາບັນການເງິນ, ໂຄງສ້າງ LRR ທີ່ຕ້ອງການ ແລະ ສູດການ ກະຈາຍຄວາມສ່ຽງທີ່ຕ້ອງການ, ແນທາງການພິຈາລະນາເງິນກູ້, ຄວາມອາດສາມາດໃນຕະຫຼາດເງິນກູ້, ບຸກຄະລາກອນ ແລະ ຄຸນ ສົມບັດຕ່າງໆ.   
  • ໂຄງສ້າງຄັງສຳຮອງການສູຍເສຍເງິນກູ້ (LLR) LLRs ມີ “ແນວທາງການຫຼັກຊັບຄ້ຳປະກັນ” ເພື່ອໃຫ້ລັດຖະບານທີ່ຈັດຕັ້ງ LLRs ດຳເນີນການບົນພື້ນຖານພາຍໃຕ້ຫຼັກຊັບຄ້ຳປະກັນສິນເຊື່ອທັງໝົດທີ່ລັດຖະບານໃຫ້ການສະໜັບສະໜູນ. ຍົກຕົວຢ່າງ, ສຳຮອງການ ຂາດທຶນ 5% ຈາກຫຼັກຊັບຄ້ຳປະກັນ 60 ລ້ານໂດລາສະຫະລັດ, ໝາຍຄວາມວ່າຂະໜາດຂອງການສຳຮອງການການຂາດທຶນແມ່ນ 3 ລ້ານໂດລາສະຫະລັດ. ໃນໄລຍະການຈັດຕັ້ງໂຄງສ້າງ, ລັດຖະບານສາມາດກຳນົດຂະໜາດຂອງທຶນສຳຮອງໃຫ້ສູງກວ່າການຄາດຄະເນ ຫຼັກຊັບການຂາດທຶນເງິນກູ້ໄດ້.  ຍົກຕົວຢ່າງ, ຄາດຄະເນການຂາດທຶນປະມານ 1.5% ຂອງຫຼັກຊັບຄ້ຳປະກັນ LLR ກຳສາມາດ ກຳນົດໄດ້ທີ່ 5-10% ຂຶ້ນຢູ່ກັບການຕໍ່ລອງລະຫວ່າງລັດຖະບານ ແລະ ຄູ່ຮ່ວມມືສະຖາບັນການເງິນ. ສູດການກະຈາຍຄວາມສ່ຽງ ຂັ້ນສຸດທ້າຍຈະຕ້ອງໄດ້ຮັບການຕົກລົງເຫັນດີລະຫວ່າງລັດຖະບານ ແລະ ສະຖາບັນການເງິນທີ່ດຳເນິນການໃຫ້ສິນເຊື່ອ, ເນື່ອງຈາກວ່າ LLR ບໍ່ໄດ້ກຳຈັດຄວາມສ່ຽງໃຫ້ແກ່ສະຖາບັນການເງິນ ແຕ່ເປັນການຫຼຸດຜ່ອນຄວາມສ່ຽງລົງເທົ່ານັ້ນ.   ຍົກຕົວຢ່າງ, ຕະຫຼາດເປົ້າ ໝາຍອາດຈະເປັນຫຼັກຊັບຄ້ຳປະກັນປະກອບມີການໃຫ້ສິນເຊື່ອແກ່ຜູ້ກູ້ຢືມຈຳນວນຫຼາຍທີ່ມີການທຳທຸລະກຳທາງການເງິນດ້ວຍ ວົງເງິນຂະໜາດນ້ອຍ ເຖິງລະດັບຫຼັກຮ້ອຍ ຫຼື ຫຼັກພັນ. ການຂາດທຶນຄັ້ງທຳອິດສາມາດຄວບຄຸມໄດ້ໂດຍ LLR, ຂື້ນຢູ່ກັບຂີດ ຈໍາກັດຂອງ LLR ແລະ ອີງຕາມສູດການກະຈາຍຄວາມສ່ຽງທີ່ໄດ້ຕົກລົງເຫັນດີກັນໄວ້. 

ສິ່ງທ້າທາຍທີ່ອາດຈະເກີດຂຶ້ນ

  • ຄວາມສ່ຽງທີ່ອັນຕະລາຍທາງສິນລະທຳ ໂຄງການ LLR ທີ່ຖືກອອກແບບມາບໍ່ດີທີ່ມີການຄວບຄຸມດູແລທີ່ບໍ່ພຽງພໍສາມາດເພີ່ມ ຄວາມສ່ຽງຕໍ່ພຶດຕິກໍາອັນຕະລາຍທາງສິນທໍາໃນສ່ວນຂອງຄູ່ຮ່ວມງານສະຖາບັນການເງິນ ແລະ ໜີ້ເສຍເພີ່ມຂຶ້ນຖ້າຫາກເງິນກູ້ຖືກ ເບີກຈ່າຍໂດຍບໍ່ມີການປ້ອງກັນ ແລະ ກວດສອບຕາມຄວາມຈໍາເປັນ. ການສ້າງແນວທາງສຳລັບການຈັດຕັ້ງປະຕິບັດທີ່ຊັດເຈນ, ພັນ ທະສັນຍາ ແລະ ກົນໄກການກວດກາທີ່ມີປະສິດທິຜົນມີຄວາມສຳຄັນໃນການປ້ອງກັນບໍ່ໃຫ້ຄູ່ກໍລະນີມີພິດຕິກຳສ່ຽງ ຫຼາຍເກີນໄປ.
  • ຄວາມທ້າທາຍໃນການຈັດສັນຜົນປະໂຫຍດລະຫວ່າງຜູ້ຖືຜົນປະໂຫຍກ ໂຄງສ້າງຂອງ LLRs ອາດກໍ່ໃຫ້ເກີດຄວາມທ້າທາຍທາງ ດ້ານການຈັດສັນຜົນປະໂຫຍດລະຫວ່າງຜູ້ຖືຜົນປະໂຫຍດຕ່າງໆທີ່ກ່ຽວຂ້ອງ. ຍົກຕົວຢ່າງ, ການກຳນົດ ແລະ ຕໍ່ລອງສູດ ແລະ ເງື່ອນໄຂ ການກະຈາຍຄວາມສ່ຽງລະຫວ່າງລັດຖະບານ ແລະ ສະຖາບັນການເງິນອາດເປັນຂະບວນການທີ່ຊັບຊ້ອນ ແລະ ຕ້ອງໄດ້ພິຈາລະ ນາຢ່າງຖີ່ຖ້ວນເພື່ອສ້າງຄວາມສົມດູນລະຫວ່າງການຮັກສາສະຖານະພາບທາງການເງິນພ້ອມທັງການຂະຫຍາຍການເຂົ້າເຖິງເງິນທຶນ.
  • ການຂາດປະສົບການໃນພາກລັດໃນການອອກແບບ LLRs. ອົງການປົກຄອງຂັ້ນທ້ອງຖິ່ອາດມີຂໍ້ຈຳກັດດ້ານປະສົບການກ່ຽວກັບ ກົນໄກທາງການເງິນ, ຊຶ່ງອາດນຳໄປສູ່ຄວາມທ້າຍທາຍເຊັ່ນ; ການປະເມີນເງິນສຳຮອງເກີນຄວາມເປັນຈິງ, ສົ່ງຜົນໃຫ້ເງິນທຶນຖືກຜູກ ມັດໂດຍບໍ່ຈຳເປັນ ຫຼື ການປະເມີນຕໍ່າເກີນໄປຊຶ່ງມີຄວາມສ່ຽງທີ່ສິນເຊື່ອຈະຄວບຄຸມບໍ່ພຽງພໍສຳລັບການຜິດນັດຊຳລະ.  ອຳນາດການ ປົກຄອງຂັ້ນທ້ອງຖິນອາດຈະປະເຊີນກັບອຸປະສັກໃນການກຳນົດກອບຄວາມຮ່ວມມືທີ່ຈຳເປັນສຳລັບໂຄງການ LLR, ລວມເຖິງການ ກຳນົດແນວທາງເປົ້າໝາຍຮ່ວມມືກັບຄູ່ພາກເອກະຊົນ, ການຈັດການປະຕິບັດຕາມກົດລະບຽບ ແລະ ການຮັບຮອງໂຄງສ້າງການ ບໍລິຫານຈັດການທີ່ມີຄວາມໂປ່ງໃສ ແລະ ມີປະສິດທິພາບ. ຄວາມທ້າຍທາຍເຫຼົ່ານີ້ຈຳເປັນຕ້ອງໄດ້ມີແນວທາງໃນການຈັດການຢ່າງ ລະມັດລະວັງໂດຍການເສິມສ້າງຂິດຄວາມສາມາດ, ການມີສ່ວນຮ່ວມຂອງພາກສ່ວນທີ່ກ່ຽວຂ້ອງ ແລະ ອາດລວມເຖິງການນຳໃຊ້ ແນວທາງຈັດຕັ້ງປະຕິບັດທີ່ດີທີ່ສຸດມາຈາກໜ່ວຍງານ ຫຼື ພາກສ່ວນທີ່ມີປະສົບການຫຼາຍກວ່າເພື່ອຮັບປະກັນຜົນສຳເລັດໃນການ ຈັດຕັ້ງປະຕິບັດ ແລະ ການຄຸ້ມຄອງບໍລິການໂຄງການ LLR.

ຜົນປະໂຫຍດທີ່ອາດເກີດຂຶ້ນ

  • ສະໜັບສະໜູນຂະແໜງການໃໝ່ ແລະ ຜະລິດຕະພັນທາງການເງິນຕ່າງໆ ໃນຖານະກົນໄກການຍົກລະດັບພາບຫຼັກດ້ານສິນເຊື່ອ, LLRs ສາມາດຊ່ວຍຊຸກຍູ້ໃຫ້ສະຖາບັນການເງິນສະໜອງເງື່ອນໄຂການກູ້ຢືມທີ່ເອື້ອອຳນວຍເຊັ່ນ; ອັດຕາດອກເບ້ຍຕໍ່າ ແລະ ໄລຍະ ເວລາການຊຳລະຄືນຍາວຂຶ້ນ. ນີ້ມັນຊ່ວຍໃຫ້ສະຖາບັນການເງິນສາມາດຂະຫຍາຍສິນເຊື່ອໄປຍັງພາກສ່ວນໃໝ່ໆທີ່ກ່ອນໜ້ານີ້ຍັງບໍ່ ກົງກັບເກນຄວາມສ່ຽງ ຫຼື ນຳຮ່ວງຜະລິດຕະພັນທາງການເງິນປະເພດໃໝ່ໆໄດ້.
  • ອຳນວຍຄວາມສະດວກໃນການເຂົ້າເຖິງແຫຼ່ງທຶນສຳລັບໂຄງການຂະໜາດນ້ອຍ ແນວທາງຫຼັກຊັບຄ້ຳປະກັນໃນໂຄງສ້າງຂອງ LLR, ໂດຍທົ່ວໄປປະກອບດ້ວຍການກູ້ຢືມວົງເງິນຂະໜາດນ້ອຍຫຼາຍພັນລາຍ. ນີ້ເປັນການຮັບປະກັນເຖິງການກະຈາຍຄວາມສ່ຽງພາຍໃນ ຫຼັກຊັບ ແລະ ຊ່ວຍສະໜອງການເຂົ້າເຖິງແຫຼ່ງທຶນກູ້ຢືມສຳລັບໂຄງດານຂະໜາດນ້ອຍທີ່ອາດຖືກລະເລີຍຈາກການລະດົມແຫຼ່ງທຶນ ໂຄງສ້າງ  ທາງການເງິນແບບເດີມໆ, ສະນັ້ນ, ຈິ່ງມີການສົ່ງເສີມໃຫ້ມືສ່ວນຮ່ວມ ແລະ ຜົນທາງທາງດ້ານການບໍລິການດ້ານການເງິນ ຫຼາຍຂຶ້ນ.

ແຫຼ່ງຂໍ້ມູນ/ຂໍ້ມູນຂ່າວສານເພີ່ມເຕີມ

Case Study

Scroll to Top