Different types of GSSS bonds. Available at: https://www.fidelity.com.sg/beginners/esginvesting/finding-the-right-tree-in-a-forest
ຄຳອະທິບາຍ
ພັນທະບັດສີຂຽວ, ສັງຄົມ, ຄວາມຍືນຍົງ ແລະ ພັນທະບັດທີ່ເຊື່ອມໂຍງກັບຄວາມຍືນຍົງ (GSSS bonds) ລາຍໄດ້ໂດຍກົງທີ່ຍົກໃຫ້ ໂຄງການທີ່ສົ່ງເສີມຜົນດີຕໍ່ກັບສິ່ງແວດລ້ອມ, ສັງຄົມ ແລະ ຄວາມຍືນຍົງ. ຫຼາຍປະເທດໃນ ອາຊ່ຽນ (ASEAN) ໄດ້ອອກພັນທະບັດ GSSS ໂດຍໄດ້ຮັບການສະໜັບສະໜູນຈາກລັດຖະບານແຫ່ງຊາດ ແລະ ທະນາຄານພັດທະນາຫຼາຍຝ່າຍ.
ເງື່ອນໄຂການເປີດໃຊ້ງານ ແລະ ການພິຈາລະນາທີ່ສຳຄັນ
- ການປະຕິບັດຕາມຫຼັກການ ແລະ ມາດຕະຖານລະດັບສາກົນ.ພັນທະບັດທີ່ອອກສຳລັບໂຄງການລິເລີ່ມສີຂຽວ, ສັງຄົມ ຫຼື ການເຊື່ອມ ໂຍງກັບຄວາມຍືນຍົງຄວນປະຕິບັດຕາມມາດຕະຖານ ຫຼື ຫຼັກການລະດັບສາກົນເຊັ່ນ: ມາດຕະຖານພັນທະບັດ GSSS ຂອງ ASEAN ເຊິ່ງອີງຕາມຫຼັກການ GSSS ຂອງສະມາຄົມຕະຫຼາດທຶນລະຫວ່າງປະເທດ (ICMA). ການດຳເນີນການແບບນີ້ ຊ່ວຍເພີ່ມຄວາມໝັ້ນໃຈຂອງນັກລົງທຶນ ແລະ ປ້ອງກັນການເຮັດໂຄງການສີຂຽວປອມ, ຫຼຸດຄ່າໃຊ້ຈ່າຍໃນການເຮັດ ທຸລະກຳ ແລະ ສົ່ງເສີມການຊື້ຂາຍທີ່ມີປະສິດທິພາບ ແລະ ລວມທັງການປັບປຸງສະພາບຄ່ອງຂອງຕະຫຼາດ.
- ການສ້າງບົດແນະນຳ ຫຼື ກອບວຽກລະດັບຊາດສຳລັບການອອກພັນທະບັດ GSSS. ການມີກອບວຽກລະດັບຊາດ ຫຼື ບົດຄຳແນະນຳ ສຳລັບພັນທະບັດ GSSS ມີບົດບາດສຳຄັນໃນການກະຕຸ້ນໃຫ້ອຳນາດການປົກຄອງທ້ອງຖິ່ນເຫັນໄດ້ວ່າພັນທະບັດເຫຼົ່ານີ້ເປັນທາງ ເລືອກທີ່ໃຊ້ໄດ້ສຳລັບການລະດົມທຶນສຳລັບໂຄງການຕົວເມືອງອັດສະລິຍະ. ບົດແນະນຳເຫຼົ່ານີ້ບໍ່ພຽງແຕ່ຊ່ວຍອຳນວຍຄວາມສະດວກ ໃນຂະບວນການອອກພັນທະບັດ ແລະ ປ້ອງການການເຮັດໂຄງການສີຂຽວປອມແຕ່ຍັງສົ່ງສັນຍານທີ່ດີໃນການສະໜັບສະໜູນ ຂອງລັດຖະບານຕໍ່ການລົງທຶນທີ່ຍືນຍົງ.
- ການໃຊ້ຍຸດທະສາດຫຼຸດຄວາມສ່ຽງ.ຄວາມທ້າທາຍທົ່ວໄປທີ່ພົບຈາກພັນທະບັດ GSSS ແມ່ນການຂາດການຈັດອັນດັບຄວາມ ໜ້າເຊື່ອຖືຈາກໜ່ວຍງານ ຈັດອັນດັບໜີ້ສິນລາຍໃຫຍ່ເຊິ່ງຈະສົ່ງຜົນກະທົບຕໍ່ຜົນປະໂຫຍດຂອງນັກລົງທຶນ. ໃນຈຸດນີ້, ການໃຊ້ກົນໄກ ການໃນການເພີ່ມຄວາມໜ້າເຊື່ອຖືເຊັ່ນ: ການຮັບປະກັນ, ເຊິ່ງສາມາດຍົກລະດັບການຈັດອັນດັບຂອງພັນທະບັດຢ່າງມີໄລຍະສຳຄັນ ແລະ ເພີ່ມຄວາມດຶງດູດນັກລົງທຶນໃຫ້ຫຼາຍຂຶ້ນ. ຍຸດທະສາດອື່ນທີ່ເປັນໄປໄດ້ລວມເຖິງການໃຊ້ຈາກສະຖາບັນເຄິ່ງລັດຖະບານເຊັ່ນ: ທະນາຄານຂອງລັດໃນທ້ອງຖິ່ນ, ກອງທຶນບຳນານແຫ່ງຊາດ ຫຼື ຜູ້ໃຫ້ບໍລິການປະກັນໄພຂອງລັດ, ສຳລັບການຂາຍເລີ່ມຕົ້ນ ເພື່ອສ້າງຄວາມເຊື່ອໝັ້ນໃນເຄື່ອງມື ແລະ ວາງຮາກຖານ ສຳລັບຄວາມໄວ້ວາງໃຈຂອງນັກລົງທຶນສະຖາບັນໃນວົງກວ້າງຂື້ນ.
ສິ່ງທ້າທາຍທີ່ອາດຈະເກີດຂຶ້ນ
- ການຂາດກອບການຈັດການ ທີ່ເອື້ອອຳນວຍຕໍ່ກັບການດຳເນີນງານ.ການຂາດຊັບພະຍາກອນພາຍໃນລັດຖະບານ ແລະ ແນວທາງ ມາດຖານໃນການພັດທະນາ ແລະ ສິ່ງແວດລ້ອມທີ່ເອື້ອອຳນວຍສາມາດຂັດຂວາງຕໍ່ການອອກພັນທະບັດ GSSS ແລະ ສົ່ງຜົນ ໃຫ້ຂາດແຄນເຄື່ອງມືດັ່ງກ່າວໃນຕະຫຼາດທຶນພາຍໃນປະເທດ. ກອບກົດໝາຍທີ່ບໍ່ຊັດເຈນຍັງອາດເຮັດໃຫ້ເມືອງຕ່າງໆລະມັດລະວັງ ໃນການອອກພັນທະບັດ.
- ປະສົບການໃນການອອກພັນທະບັດ GSSS ທີ່ຍັງຈຳກັດ.ອຳນາດການປົກຄອງທ້ອງຖິ່ນອາດຈະປະສົບກັບຂໍ້ຈຳກັດໃນການອອກ ພັນທະບັດ GSSS. ຜູ້ອອກພັນທະບັດຈຳເປັນຕ້ອງເຈີກັບມາດຕະຖານອຸດສາຫະກຳສະເພາະ, ຕົວຊີ້ວັດການປະເມີນຜົນ ແລະ ຂະບວນການຕິດຕາມ ແລະ ກວດສອບ, ເຊິ່ງເຮັດໃຫ້ຂະບວນການທັງໝົດສັບຊ້ອນ ແລະ ຕ້ອງການຄວາມພະຍາຍາມສູງ. ການຂາດວິທີການປະຕິບັດລະດັບຊາດທີ່ຊັດເຈນ ຈະຍິ່ງເຮັດໃຫ້ເພີ່ມຄວາມທ້າທາຍນີ້ສັບຊ້ອນຍິ່ງຂຶ້ນ ແລະ ກີດກັ້ນອຳນາດການປົກ ຄອງທ້ອງຖິ່ນຈາກການເບິ່ງພັນທະບັດ GSSS ເປັນທາງເລືອກໃນການຈັດຫາເງິນທຶນສຳລັບໂຄງການຕົວເມືອງອັດສະລິຍະ. ນອກ ຈາກນີ້, ອຳນາດການປົກຄອງທ້ອງຖິ່ນທີ່ມີຂີດຄວາມສາມາດໃນການບໍລິຫານການເງິນບໍ່ດີ ຫຼື ປະຕິບັດການດຳເນີນງານທີ່ບໍ່ສາມາດ ຄວບຄຸມງົບປະມານໄດ້, ອາດຈະຖືກຈຳກັດໃນການເຂົ້າເຖິງຕະຫຼາດພັນທະບັດ GSSS ຜ່ານຄວາມສາມາດໃນການອອກພັນ ທະບັດຂອງຕົນເອງ.
- ຕົ້ນທຶນໃນການປະຕິບັດຕາມຂໍ້ກຳນົດການຮັບຮອງ ຫຼື ການເປີດເຜີຍຂໍ້ມູນຂອງພັນທະບັດ GSSS. ການໄດ້ຮັບການຮັບຮອງ “ພັນທະບັດສີຂຽວ”, ການກວດສອບ ແລະ ການຈັດການຂໍ້ກຳນົດການເປີດເຜີຍຂໍ້ມູນມັກດຳເນີນການໂດຍບຸກຄົນທີ່ສາມ, ເຊິ່ງໃນ ບາງຕະຫຼາດອາດຈະມີຕົ້ນທຶນຂ້ອນຂ້າງສູງ (ຢູ່ໃນຊ່ວງລະຫວ່າງ10,000-100,000 ໂດລາສະຫະລັດ) ແລະ ອາດເປັນ ອຸປະສັກສຳລັບຜູ້ອອກໃຫ້ບາງລາຍການ.
- ຄວາມເຂົ້າໃຈ ແລະ ຄວາມສົນໃຈທີ່ຈຳກັດຈາກນັກລົງທຶນໃນປະເທດ. ຄວາມສົນໃຈທີ່ຈຳກັດຈາກນັກລົງທຶນໃນປະເທດ ອາດເປັນອຸປະສັກໃນການໃຊ້ພັນທະບັດ GSSS ເພື່ອເປັນທຶນສະໜັບສະໜູນໂຄງການຕົວເມືອງອັດສະລິຍະ ແລະ ຂັດຂວາງການ ເຕີບໂຕຂອງຕະຫຼາດພັນທະບັດ GSSS ໃນທ້ອງຖິ່ນ. ການຂາດຄວາມເຂົ້າໃຈກ່ຽວກັບຜົນປະໂຫຍດຂອງພັນທະບັດ GSSS, ການ ຮັບຮູ້ວ່າການອອກພັນທະບັດຕາມແຕ່ລະໝວດມີຄວາມສັບຊ້ອນຫຼາຍກວ່າພັນທະບັດທົ່ວໄປໂດຍບໍ່ມີປະໂຫຍດເພີ່ມເຕີ່ມທີ່ສຳຄັນ, ການຂາດຂໍ້ກຳນົດການເປີດເຜີຍຂໍ້ມູນສຳລັບນັກລົງທຶນເພື່ອສະແດງເຖິງຜົນກະທົບຕໍ່ສິ່ງແວດລ້ອມຈາກການຖືຄອງ ແລະ ແມ່ນແຕ່ ການຂາດຕົວເລືອກການເພີ່ມສິນເຊື່ອ ເພື່ອເຮັດໃຫ້ພັນທະບັດນ່າສົນໃຈຍິ່ງຂຶ້ນສຳລັບນັກລົງທຶນ, ເປັນປັດໃຈທີ່ສາມາດເຮັດໃຫ້ເກີດ ການຂາດຄວາມສົນໃຈຈາກນັກລົງທຶນໄດ້.
ຜົນປະໂຫຍດທີ່ອາດເກີດຂຶ້ນ
- ການລະດົມທຶນສຳລັບໂຄງການສີຂຽວ, ສັງຄົມ ແລະ ຄວາມຍືນຍົງ.ພັນທະບັດ GSSS ຊ່ວຍໃຫ້ເມືອງຕ່າງໆມີແຫຼ່ງເງິນທຶນທາງ ເລືອກໂດຍສະເພາະໃຫ້ກັບໂຄງການທີເປັນມິດຕໍ່ສິ່ງແວດລ້ອມ ແລະ ມີຄວາມຮັບຜິດຊອບຕໍ່ສັງຄົມ. ໂດຍການເຂົ້າເຖິງທຶນຜ່ານພັນ ທະບັດເຫຼົ່ານີ້, ເມືອງຕ່າງໆ, ສາມາດພັດທະນາ ບັນລຸ ເປົ້າໝາຍດ້ານຄວາມຍືນຍົງ ໄດ້ໂດຍບໍ່ຈຳເປັນ ຕ້ອງເພິ່ງພາວິທີການຈັດຫາເງິນ ທຶນແບບດັ້ງເດີມ ເຊັ່ນ: ການກູ້ຢືມຈາກທະນາຄານພຽງຢ່າງດຽວ.
- ຕົວເລືອກການລະດົມທຶນໄລຍະຍາວ. ພັນທະບັດ GSSS ສາມາດໃຫ້ການຈັດການເງິນທຶນໄລຍະຍາວໄດ້, ເນື່ອງຈາກໄລຍະເວລາ ຂອງກະແສເງິນຈາກໂຄງການພື້ນຖານໂຄງລ່າງສີຂຽວນັ້ນສອດຄ່ອງກັບກຳນົດການຊຳລະຄືນ ພັນທະບັດໄລຍະກາງ ແລະ ໄລຍະຍາວ.
- ການລວບລວມໂຄງການ GSSS ຂະໜາດນ້ອຍ, ພັນທະບັດສາມາດໃຊ້ເປັນຍຸດທະສາດທີ່ມີປະສິດທິພາບໃນການລະດົມເງິນທຶນ ສຳລັບໂຄງການສີຂຽວ, ເປັນມິດກັບສິ່ງແວດລ້ອມ, ໂຄງການສັງຄົມ ຫຼື ໂຄງການຍືນຍົງຂະໜາດນ້ອຍ ໂດຍການລວມໂຄງການເຫຼົ່ານີ້ ພາຍໃຕ້ການອອກພັນທະບັດພຽງຄັ້ງດຽວ. ວິທີການນີ້ສາມາດຊ່ວຍໃຫ້ເທດສະບານເອົາຊະນະຂໍ້ຈຳກັດດ້ານຂະໜາດຂອງໂຄງການ ແຕ່ລະໂຄງການ ແລະ ບັນລຸການປະຢັດປະສິດທິພາບທາງເສດຖະກິດ ສຳລັບຕົ້ນທຶນທຸລະກຳ.
- ການເສີມສ້າງຊື່ສຽງແລະ ຄວາມນ່າເຊື່ອຖື.ການປັບໂຄງການໃນເມືອງ ໃຫ້ສອດຄ່ອງກັບກອບພັນທະບັດ GSSS ສາມດຊ່ວຍໃຫ້ ໝັ້ນໃຈໄດ້ວ່າໂຄງສ້າງພື້ນຖານຕົວເມືອງຈະປະຕິບັດຕາມມາດຕະຖານ ຫຼື ກອບວຽກທີ່ເປັນມິດຕໍ່ສິ່ງແວດລ້ອມ, ສັງຄົມ ຫຼື ຄວາມຍືນຍົງ ທັງໃນລະດັບປະເທດ ຫຼື ລະດັບນານາຊາດ. ການເຊື່ອໂຍງໂຄງການຕົວເມືອງອັດສະລິຍະເຂົ້າກັບພັນທະບັດຍັງສາ ມາດຊ່ວຍສ້າງຄວາມໂປ່ງໃສ ແລະ ຂັ້ນຕອນການບໍລິຫານ ພາຍໃນທີ່ສາມາດນຳໄປສູ່ການບໍລິຫານການເງິນທີ່ດີສຳລັບເມືອງໄດ້. ຄວາມມຸ່ງໝັ້ນນີ້ສາມາດເສີມສ້າງຊື່ສຽງ ແລະ ຄວາມນ່າເຊື່ອຖືຂອງເມືອງໃຫ້ ນັກລົງທຶນ, ຜູ້ຢູ່ອາໄສ ແລະ ຜູ້ມີສ່ວນກ່ຽວຂ້ອງອື່ນໆ ແລະ ສົ່ງເສີມພາບຫຼັກທາງບວກທີ່ອາດຈະດຶງດູດເງິນທຶນ ເພີ່ມເຕີມສຳລັບໂຄງການໃນອານາຄົດ.
ແຫຼ່ງຂໍ້ມູນ/ຂໍ້ມູນຂ່າວສານເພີ່ມເຕີມ
- ຂໍ້ລິເລີ່ມພັນທະບັດສຳລັບການປ່ຽນແປງສະພາບອາກາດ (2022). ສະຖານະຕະຫຼາດການເງິນທີ່ຍືນຍົງໃນ ອາຊ່ຽນ (ASEAN) 2022. ສາມາດເຂົ້າເບິ່ງຂໍ້ມູນໄດ້ທີ່: https://www.climatebonds.net/files/reports/cbi_asean_sotm2022_final.pdf
- OECD (2021). ການເພີ່ມການອອກພັນທະບັດສີຂຽວ, ສັງຄົມ, ຄວາມຍືນຍົງ ແລະ ການເຊື່ອມໂຍງຄວາມຍືນຍົງໃນປະເທດກຳລັງພັດທະນາ. ສາມາດເຂົ້າເບິ່ງຂໍ້ມູນໄດ້ທີ່: https://one.oecd.org/document/DCD(2021)20/En/pdf
- OECD (2016). ພັນທະບັດສີຂຽວ, ປະສົບການຂອງປະເທດ, ອຸປະສັກ ແລະ ທາງເລືອກ. ສະມາດເຂົ້າເບິ່ງຂໍ້ມູນໄດ້ທີ່: https://www.cbd.int/financial/greenbonds/oecd-greenbondscountries2016.pdf
- Matheson (n.d.). ESG: ອັບເດດຫຼັກການພັນທະບັດສີຂຽວ. ສາມາດເຂົ້າເບິ່ງຂໍ້ມູນໄດ້ທີ່: https://www.matheson.com/insights/detail/esg-green-bond-principles-updated#:~:text=ICMA%E2%80%99s%20Principles%2C%20made%20up%20of%20the%20GBP%2C%20the,and%20social%20sustainability%20%28collectively%2C%20the%20%E2%80%9C%20Principles%20%E2%80%9D%29.
- ຂໍ້ລິເລີ່ມນະໂຍບາຍການປ່ຽນແປງສະພາບອາກາດ (2016). ພັນທະບັດສີຂຽວສຳລັບຕົວເມືອງ: ຄູ່ມືທາງຍຸດທະສາດສຳລັບຜູ້ກຳນົດນະໂຍບາຍລະດັບເມືອງໃນປະເທດກຳລັງພັດທະນາ. ສາມາດເຂົ້າເບິ່ງຂໍ້ມູນໄດ້ທີ່: https://www.climatepolicyinitiative.org/wp-content/uploads/2016/12/Green-Bonds-for-Cities-A-Strategic-Guide-for-City-level-Policymakers-in-Developing-Countries.pdf