ຄຳອະທິບາຍ
ກອງທຶນສະພາບອາກາດໃນຕົວເມືອງແມ່ນກົນໄກທາງການເງິນທີ່ໄດ້ຮັບການສ້າງຕັ້ງຂຶ້ນເພື່ອສະໜັບສະໜູນໂຄງການຄວາມຄິດລິເລີ່ມໃນຕົວເມືອງເພື່ອແນໃສ່ຫຼຸດຜ່ອນ ແລະ ການປັບຕົວຕໍ່ກັບການປ່ຽນແປງຂອງສະພາບອາກາດ. ໂດຍທົ່ວໄປແລ້ວກອງທຶນເຫຼົ່ານີ້ແມ່ນແນໃສ່ກິດຈະກໍາຕ່າງໆເຊັ່ນ: ການຫຼຸດຜ່ອນການປ່ອຍອາຍພິດເຮືອນແກ້ວ, ການເພີ່ມປະສິດທິພາບທາງດ້ານການນຳໃຊ້ພະລັງງານ, ການສົ່ງເສີມພະລັງງານໝູນວຽນ, ການປັບປຸງການຂົນສົ່ງທາງສາທາລະນະ ແລະ ການເພີ່ມຄວາມທົນທານຕໍ່ສະພາບອາກາດ; ແຫຼ່ງທີ່ມາຂອງກອງທຶນອາດຈະແຕກຕ່າງກັນ ແລະ ລວມເຖິງການປະກອບສ່ວນຂອງພາກລັດ, ພາກເອກະຊົນ ແລະ ສາກົນ. ຕົວຢ່າງບ່າງສ່ວນເຊັ່ນ: ງົບປະມານ C40 ກອງທຶນເພື່ອການດໍາເນີນການພູມອາກາດແບບຄວບຄຸມ (ICA), ກອງທຶນຊ່ອງຫວ່າງທາງການເງິນດ້ານສະພາບອາກາດໃນຕົວເມືອງໂດຍທະນາຄານການລົງທຶນເອີຣົບ ແລະ ທະນາຄານໂລກ ແລະ ການປ່ຽນແປງໃນຕົວເມືອງ (UrbanShift), ເຊິ່ງເປັນໂຄງການທີ່ໄດ້ຮັບທືນຈາກ GEF. ໂດຍທົ່ວໄປແລ້ວກອງທຶນເຫຼົ່ານີ້ຈະສະໜັບສະໜູນລັດຖະບານ ຫຼື ເມືອງຕ່າງໆໃນການໃຫ້ຄຳປຶກສາ ແລະ ການຊ່ວຍເຫຼືອດ້ານວິຊາການ, ການເງິນ ແລະ ການພັດທະນາຄວາມສາມາດທີ່ກ່ຽວຂ້ອງ, ໂດຍເນັ້ນໃສ່ການວາງແຜນ ແລະ ການລົງທຶນຂອງເມືອງອັດສະລິຍະ.
ເງື່ອນໄຂການເປີດໃຊ້ງານ ແລະ ການພິຈາລະນາທີ່ສຳຄັນ
- ສອດຄ່ອງກັບຄວາມຕ້ອງການ ແລະ ເປົ້າໝາຍຂອງກອງທຶນ. ໂຄງການທີ່ກຳລັງຊອກຫາທຶນຕ້ອງສອດຄ່ອງກັບຄວາມຕ້ອງການສະເພາະຢ່າງໃກ້ສິດ, ຈຸດປະສົງ ແລະ ບູລິມະສິດຂອງແຕ່ລະກອງທຶນ. ເຊິ່ງກ່ຽວຂ້ອງກັບຄວາມເຂົ້າໃຈຢ່າງລະອຽດກ່ຽວກັບຂົງເຂດທີ່ກອງທຶນແນໃສ່, ພາກພື້ນເປົ້າໝາຍ ແລະ ຜົນໄດ້ຮັບທີ່ໄດ້ຕັ້ງໃຈໄວ້. ໂຄງການຕ່າງໆຈະຕ້ອງສະແດງໃຫ້ເຫັນຜົນກະທົບທີ່ຊັດເຈນໃນເງື່ອນໄຂຂອງການປັບປຸງຄວາມຢືດຢູນທີ່ເພີ່ມຂື້ນຕໍ່ການປ່ຽນແປງຂອງສະພາບອາກາດເພື່ອໃຫ້ມີສິດໄດ້ຮັບທຶນ. ກອບ ແລະ ຕົວຊີ້ວັດການປະເມີນຜົນກະທົບຄວນຖືກລວມເຂົ້າໃນການວາງແຜນ ແລະ ການດໍາເນີນໂຄງການ.
ສິ່ງທ້າທາຍທີ່ອາດຈະເກີດຂຶ້ນ
- ຂະບອນການສະໝັກ ແລະ ການອະນຸມັດທີ່ຊັບຊ້ອນອາດເຮັດໃຫ້ການລະດົມທຶນຊັກຊ້າ ຂະບວນການສະໝັກເພື່ອເຂົ້າເຖິງກອງທຶນເຫຼົ່ານີ້ອາດແກ່ຍາວ, ເປັນລະບົບທາງລັດຖະການ ແລະ ສະຫຼັບຊັບຊ້ອນ. ການປະຕິບັດການຫຼາຍຂັ້ນຕອນຂອງການອະນຸມັດ, ຂໍ້ກໍານົດການປະຕິບັດຕາມ ແລະ ເອກະສານປະກອບຫຼາຍຂັ້ນຕອນສາມາດສ້າງສິ່ງທ້າທາຍທີ່ສໍາຄັນສໍາລັບຜູ້ມີໂອກາດໄດ້ສະໝັກ, ໂດຍສະເພາະແມ່ນ ອົງການຈັດຕັ້ງຂະໜາດນ້ອຍກວ່າ ຫຼື ລັດຖະບານທ້ອງຖິ່ນທີ່ມີຊັບພະຍາກອນ ແລະ ຄວາມຊໍານານຈໍາກັດ.
- ວິທີການລະດົມທຶນທີ່ແຂ່ງຂັນອາດຈະຈໍາກັດການເຂົ້າເຖິງໄດ້. ການແຂ່ງຂັນດ້ານເງິນທຶນແມ່ນມີຄວາມເຄັ່ງຕຶງ, ໂດຍມີຜູ້ມີສ່ວນກ່ຽວຂ້ອງຈຳນວນຫຼວງຫຼາຍແຂ່ງຂັນກັນເພື່ອຍາດຊີງຊັບພະຍາກອນທີ່ມີຈຳກັດ. ການໄດ້ຮັບເງິນທຶນຈໍາເປັນຕ້ອງສົ່ງຂໍ້ສະເໜີທີ່ມີຄຸນນະພາບສູງເຊິ່ງລະບຸຈຸດປະສົງຂອງໂຄງການ, ຜົນໄດ້ຮັບ ແລະ ຜົນກະທົບໄດ້ຢ່າງຊັດເຈນ, ມັນເປັນເລື່ອງທີ່ທ້າທາຍຕໍ່ກັບຜູ້ສະໝັກບາງຄົນທີ່ມີຄວາມໂດດເດັ່ນໃນລະຫວ່າງຜູ້ສະໝັກອື່ນໆ.
- ຂໍ້ກໍານົດສໍາລັບການຮ່ວມທຶນອາດຈະຈໍາກັດການເຂົ້າເຖິງ. ຜູ້ຮັບເງິນທຶນດັ່ງກ່າວຈຳນວນໜຶ່ງຈຳເປັນຕ້ອງຮ່ວມທຶນກັບໂຄງການເຫຼົ່ານີ້ເພື່ອຊຸກຍູ້ການວາງແຜນຍຸດທະສາດ, ປັບປຸງການປະສານງານ ແລະ ເພີ່ມຄວາມພະຍາຍາມສູງສຸດຮ່ວມກັນໃນຊ່ວງວິກິດ ແລະ ຫຼາຍກວ່ານັ້ນ. ດັ່ງນັ້ນ, ຊັບພະຍາກອນທາງດ້ານການເງິນທີ່ຈໍາກັດ ແລະ ຄວາມສາມາດຂອງສະຖາບັນພາຍໃນເຊິ່ງວ່າຜູ້ຮັບອາດຖືກຈໍາກັດການເຂົ້າເຖິງ ແລະ ການນໍາໃຊ້ກອງທຶນສະພາບອາກາດ.
ຜົນປະໂຫຍດທີ່ອາດຈະເກີດຂຶ້ນ
- ຄວາມສາມາດໃນການສະໜອງຄວາມຊ່ວຍເຫຼືອທາງດ້ານການເງິນທີ່ສໍາຄັນ. ກອງທຶນສະພາບອາກາດຕົວເມືອງ (City Climate Funds) ສະໜອງຄວາມຊ່ວຍເຫຼືອທາງດ້ານການເງິນທີ່ສໍາຄັນເພື່ອສະໜັບສະໜູນການພັດທະນາສະພາບແວດລ້ອມໃນຕົວເມືອງທີ່ຍືນຍົງ ແລະ ໂຄງສ້າງພື້ນຖານໂຄງລ່າງທີ່ສໍາຄັນສໍາລັບເມືອງອັດສະລິຍະ. ເງິນທຶນເຫຼົ່ານີ້ສາມາດນຳໃຊ້ໄດ້ຫຼາຍຈຸດປະສົງ, ລວມທັງການຮັບຮອງເອົາເຕັກໂນໂລຊີສີຂຽວ, ການກໍ່ສ້າງພື້ນຖານໂຄງລ່າງໃນຕົວເມືອງທີ່ມີອາຍກາກບອນຕ່ຳ, ການສ້າງຂີດຄວາມສາມາດ ແລະ ການປະຕິຮູບນະໂຍບາຍ. ການສະໜັບສະໜູນທາງດ້ານການເງິນນີ້ແມ່ນມີຄວາມສຳຄັນຫຼາຍສຳລັບບັນດາເມືອງຕ່າງໆໃນປະເທດ ອາຊ່ຽນ (ASEAN) ທີ່ກຳລັງຊອກຫາວິທີການຈັດຕັ້ງປະຕິບັດຍຸດທະສາດການຫຼຸດຜ່ອນ ແລະ ການປັບຕົວຂອງສະພາບອາກາດຢ່າງມີປະສິດທິຜົນ, ດ້ວຍເຫດນີ້, ຈຶ່ງຈະຊ່ວຍເພີ່ມຄວາມຢືດຢູນ ແລະ ຄວາມຍືນຍົງຂອງຕົວເມືອງ.
- ສາມາດສະໜັບສະໜູນການສ້າງຂີດຄວາມສາມາດ ແລະ ການນຳໃຊ້ເຕັກໂນໂລຊີ. ກອງທຶນເຫຼົ່ານີ້ສະໜອງແຫຼ່ງທຶນໃນການຝຶກອົບຮົມ ແລະ ການສຶກສາ, ຊ່ວຍໃຫ້ພະນັກງານ, ນັກວາງແຜນ ແລະ ພາກສ່ວນທີ່ກ່ຽວຂ້ອງໃນທ້ອງຖິ່ນພັດທະນາທັກສະ ແລະ ຄວາມຮູ້ທີ່ຈໍາເປັນໃນການດໍາເນີນການ ແລະ ຄຸ້ມຄອງໂຄງການດ້ານສະພາບອາກາດຢ່າງມີປະສິດທິພາບ. ພວກເຂົາເຈົ້າຍັງສົ່ງເສີມການຮັບຮອງເອົາເຕັກໂນໂລຊີຂັ້ນສູງມາໃຊ້ເຊັ່ນ: ຕາຂ່າຍໄຟຟ້າອັດສະລິຍະ, ຍານພາຫະນະໄຟຟ້າ ແລະ ເຄື່ອງໃຊ້ພະລັງງານໄຟຟ້າທີ່ປະຢັດພະລັງງານ, ເຊິ່ງຊ່ວຍເສີມຂະຫຍາຍຄວາມຍືນຍົງຂອງຕົວເມືອງ ແລະ ຫຼຸດຜ່ອນຜົນກະທົບທາງສິ່ງແວດລ້ອມ.
- ການສົ່ງເສີມວິທີການພັດທະນາແບບຍືນຍົງ. ໂຄງການທີ່ໄດ້ຮັບທຶນສະໜັບສະໜູນຈາກກອງທຶນສະພາບອາກາດໃນເມືອງສາມາດສົ່ງເສີມວິທີການພັດທະນາແບບຍືນຍົງລະຫວ່າງກຸ່ມປະເທດ ສະມາ ຊິກ ອາຊຽນ (ASEAN). ເຊິ່ງລວມເຖິງການລົງທຶນໃນພື້ນຖານໂຄງລ່າງສີຂຽວ, ອາຄານທີ່ປະຢັດພະລັງງານ, ລະບົບການຂົນສົ່ງແບບຍືນຍົງ ແລະ ການວາງແຜນຕົວເມືອງທີ່ທົນທານຕໍ່ສະພາບອາກາດເຊິ່ງການປະກອບສ່ວນເຂົ້າໃນການປົກປ້ອງສິ່ງແວດລ້ອມ ແລະ ການຫຼຸດຜ່ອນການປ່ຽນແປງຂອງສະພາບອາກາດ.
ແຫຼ່ງຂໍ້ມູນ/ຂໍ້ມູນຂ່າວສານເພີ່ມເຕີມ
- ທະນາຄານໂລກ (2020). ຊ່ອງຫວ່າງທາງການເງິນຂອງກອງທຶນສະພາບອາກາດໃນຕົວເມືອງ. ສາມາດເຂົ້າເບິ່ງຂໍ້ມູນໄດ້ທີ່: https://www.worldbank.org/en/programs/gap-fund
- C40 ຕົວເມືອງ. ກ່ຽວກັບພວກເຮົາ. ສາມາດເຂົ້າເບິ່ງຂໍ້ມູນໄດ້ທີ່: https://www.c40.org/about-c40/
- ທະນາຄານໂລກ (2022). ລາຍງານຊ່ອງຫວ່າງທາງດ້ານກອງທຶນການເງິນສະພາບອາກາດຂອງເມືອງປະຈໍາປີ 2022. ສາມາດເຂົ້າເບິ່ງຂໍ້ມູນໄດ້ທີ່: https://www.citygapfund.org/sites/default/files/2023-08/220927_world-bank-mdtf-gap-fund-annual-report-fr22.pdf
- ສະຖາບັນຊັບພະຍາກອນໂລກ. ການປ່ຽນແປງໃນຕົວເມືອງ ສາມາດເຂົ້າເບິ່ງຂໍ້ມູນໄດ້ທີ່: https://www.wri.org/initiatives/urbanshift