ເຄື່ອງມືທາງດ້ານການສະໜອງເງິນທຶນ ແລະ ຈຳນວນເງິນ
ທະນາຄານໂລກໄດ້ປ່ອຍເງິນກູ້ 231 ລ້ານໂດລາສະຫະລັດໃຫ້ແກ່ລັດຖະບານຫວຽດນາມເພື່ອສະໜອງທຶນໃຫ້ແກ່ໂຄງການປັບປຸງສະພາບແວດລ້ອມທາງນ້ຳ
ຄວາມເປັນມາ
ຫວຽດນາມປະເຊີນກັບຄວາມທ້າທາຍໃນການຄຸ້ມຄອງທີ່ບໍ່ເໝາະສົມຂອງນ້ໍາເປື້ອນທີ່ບໍ່ໄດ້ຜ່ານການບຳບັດ ແລະ ການລະບາຍນ້ໍາບໍ່ພຽງພໍ ໂດຍສະເພາະໃນເຂດຊົນນະບົດພາກໃຕ້. ພື້ນທີ່ເຫຼົ່ານີ້ມີຄວາມສາມາດໃນການເກັບກຳ ແລະ ບຳບັດນ້ຳເປື້ອນທີ່ຈຳກັດເຊິ່ງເຮັດໃຫ້ລະດັບມົນ ລະພິດສູງໃນລະບົບແມ່ນ້ຳໃກ້ຄຽງ, ເຮັດໃຫ້ເກີດຄວາມສ່ຽງຕໍ່ສຸຂະພາບຢ່າງຫຼວງຫຼາຍຕໍ່ປະຊາກອນທີ່ອາໄສຢູ່ໃນບໍລິເວນດັ່ງກ່າວ.
ດ້ວຍເຫດນັ້ນ, ການສະໜັບສະໜູນການພັດທະນາລະບົບການຄຸ້ມຄອງນ້ຳເປື້ອນທີ່ເໝາະສົມຈື່ງເປັນສິ່ງສຳຄັນໃນການສ້າງສະພາບແວດລ້ອມທີ່ດີຕໍ່ສຸຂະພາບ ແລະ ຍືນຍົງຫຼາຍຂື້ນເພື່ອການຂະຫຍາຍຕົວຢ່າງຕໍ່ເນື່ອງໃນພາກພື້ນ. ໂຄງການດັ່ງກ່າວມີເນື້ອທີ່ກວ່າ 33.000 ເຮັກຕາ, ໂດຍມີປະຊາກອນທັງໝົດປະມານ 1,4 ລ້ານຄົນ ແລະ ລວມມີບັນດາຕົວເມືອງຄືດັ່ງນີ້: ຕັນ ອູເຍນ (Tan Uyen), ທວນອັນ (Thuan An) ແລະ ໄດອິນ (Di An). ກຳນົດເປົ້າໝາຍເພີ່ມການຄຸ້ມຄອງນ້ຳເປື້ອນຈາກຕ່ຳກວ່າ 10% ຂຶ້ນເປັນ 32% ຢູ່ໃນເມືອງ ຕັນອູເຍນ (Tan Uyen) ແລະ 17-19% ຂຶ້ນເປັນ 45% ຢູ່ໃນເມືອງ ທວນອັນ (Thuan An) ແລະ ໄດອິນ (Di An). ການພັດທະນາລະບົບການຄຸ້ມຄອງນ້ໍາເປື້ອນຈະຕ້ອງຄຳນຶງ ເຖິງສະຖານະການສະພາບອາກາດໃນອະນາຄົດ, ນໍາໃຊ້ວິທີແກ້ໄຂທີ່ມີປະສິດທິພາບດ້ານພະລັງງານເຊັ່ນດຽວກັນກັບການສ້າງທິດສະດີຂອງ ເສດຖະກິດວົງຈອນເຊັ່ນ: ແນໃສ່ປະສິດທິພາບ ແລະ ຄວາມຍືນຍົງຂອງຊັບພະຍາກອນ.
ວິທີການ
ພາຍໃຕ້ໂຄງການປັບປຸງສິ່ງແວດລ້ອມທາງນ້ຳຂອງແຂວງ ບິນດູງ (Binh Duong), ທະນາຄານໂລກຈະໃຫ້ເງິນກູ້ຢືມ 231 ໂດລາສະຫະລັດ ແກ່ລັດຖະບານຫວຽດນາມໃນຂະນະທີ່ເຫຼືອອີກ 80 ລ້ານໂດລາສະຫະລັດຈະມາຈາກງົບປະມານຂອງລັດຖະບານຫວຽດນາມ. ສ້າງກອງທຶນລວມທັງໝົດ 311 ລ້ານໂດລາສະຫະລັດ ສໍາລັບໂຄງການປັບປຸງສິ່ງແວດລ້ອມທາງນໍ້າ.
ເງິນກູ້ຢືມຈຳນວນ 231 ລ້ານໂດລາສະຫະລັດ ແມ່ນຕົກຢູ່ໃນປະເພດທຶນໂຄງການລົງທຶນຂອງທະນາຄານສາກົນເພື່ອການບູລະນະ ແລະ ພັດ ທະນາ (IBRD) ເງິນກູ້ແບບຢືດຢູນເຊິ່ງສະໜອງທຶນໃຫ້ແກ່ລັດຖະບານສໍາລັບກິດຈະກໍາທີ່ສ້າງໂຄງສ້າງພື້ນຖານໂຄງລ່າງທາງດ້ານ ກາຍຍະພາບ ຫຼື ສັງຄົມທີ່ຈໍາເປັນເພື່ອຫຼຸດຜ່ອນຄວາມທຸກຍາກ ແລະ ສ້າງການພັດທະນາແບບຍືນຍົງ.
ຜົນໄດ້ຮັບ
ໂຄງການດັ່ງກ່າວໄດ້ເລີ່ມຕົ້ນໃນປີ 2023 ແລະ ຄາດວ່າຈະສິ້ນສຸດລົງໃນປີ 2028. ພາກສ່ວນໜຶ່ງຂອງໂຄງການນີ້ລວມມີການຈັດສັນທີ່ດິນ ແລະ ການຍົກຍ້າຍປະຊາຊົນເພື່ອສ້າງພື້ນທີ່ສໍາລັບວາງບຳບັດນໍ້າ ແລະ ການກໍ່ສ້າງສະຖານີສູບນໍ້າ. ສິ່ງນີ້ໄດ້ຖືກພິຈາລະນາ ແລະ ປຶກສາຫາລືຢ່າງລະອຽດຖີ່ຖ້ວນລະຫວ່າງທີມງານທີ່ປຶກສາການຍົກຍ້າຍການຈັດສັນ ແລະ ທີມວິຊາການໂດຍອີງໃສ່ມາດຖານດັ່ງຕໍ່ນີ້: (i) ເຂດທີ່ມີຜົນກະທົບຕໍ່ການຍົກຍ້າຍໜ້ອຍທີ່ສຸດ (ດິນທີ່ບໍ່ໄດ້ນຳໃຊ້, ດິນເປົ່າຫວ່າງ, ດິນປູກຝັງ, ດິນກະສິກຳ, ທີ່ດິນທີ່ມີຄວາມໜາແໜ້ນຂອງປະຊາກອນຕໍ່າ), (ii) ເຂດທີ່ຢູ່ອາໄສເຊິ່ງວ່າມີຜົນກະທົບຈາກການກໍ່ສ້າງສາມາດຫຼຸດຜ່ອນລົງໄດ້. ທີ່ດິນທີ່ນຳໃຊ້ຊົ່ວຄາວໃນການກໍ່ສ້າງການເກັບນ້ຳເປື້ອນ ແລະ ຂະຫຍາຍຕາໜ່າງຍັງຈະຖືກຟື້ນຟູຄືນສູ່ສະພາບເດີມຂອງໂຄງການກ່ອນທີ່ຈະ ມີການມອບຄືນໃຫ້ເຈົ້າຂອງ. ວິທີການທີ່ລະອຽດ ແລະ ລອບຄອບໃນການເລືອກຈໍານວນຄົວເຮືອນ, ບຸກຄົນ, ກະສິກໍາ ແລະ ອື່ນໆທີ່ໄດ້ຮັບຜົນກະທົບເຮັດໃຫ້ຄ່າໃຊ້ຈ່າຍທີ່ຄາດວ່າຈະຖືກເກັບຮັກສາໄວ້ຢ່າງໜ້ອຍທີ່ສຸດ ແລະ ມີການບັນທຶກໄວ້ຢ່າງທີ່ດີ.
ນອກເໜືອຈາກແຜນການທີ່ຊັດເຈນ ແລະ ມີລາຍລະອຽດແລ້ວ, ການຈັດແຈງຕົ້ນທຶນທີ່ຄາດຄະເນໄວ້ລ່ວງໜ້າຢ່າງລະອຽດຕະຫຼອດຮອດການສຶກສາຄວາມເປັນໄປໄດ້ຢ່າງມີເຫດຜົນ ແລະ ຮອບຄອບເຊິ່ງຊ່ວຍໃຫ້ລັດຖະບານຫວຽດນາມໄດ້ຮັບເງິນກູ້ຢືມຈາກທະນາຄານໂລກເພື່ອໃຊ້ເປັນເງິນທຶນການປັບປຸງໃຫ້ແກ່ໂຄງການສິ່ງແວດລ້ອມນ້ຳມູນຄ່າ 311 ລ້ານໂດລາສະຫະລັດ.
ການຮຽນຮູ້
ເອກະສານທີ່ຊັດເຈນກ່ຽວກັບຄ່າໃຊ້ຈ່າຍທີ່ຄາດຄະເນໄວ້ ແລະ ການປະເມີນຄວາມສາມາດທາງດ້ານການເງິນຈະຊ່ວຍເພີ່ມຄວາມ ໝັ້ນໃຈຂອງຜູ້ລົງທຶນໃນການໃຫ້ສິນເຊື່ອ.
ລັດຖະບານຂອງຫວຽດນາມໄດ້ໃຫ້ການຊີ້ແຈງລາຍລະອຽດຂອງຄ່າໃຊ້ຈ່າຍທີ່ກ່ຽວ ຂ້ອງກັບກິດຈະກໍາຕ່າງໆທີ່ກ່ຽວຂ້ອງກັບການບັນລຸເປົ້າໝາຍທີ່ໄດ້ກໍານົດໄວ້ໃນໂຄງການປັບປຸງສິ່ງແວດລ້ອມທາງນ້ໍາ. ລາຍລະອຽດເປັນລາຍນາທີເທົ່າຕາມຈໍານວນ ແລະ ປະເພດຂອງອຸປະກອນທີ່ຈຳເປັນສໍາລັບແຕ່ລະຂະບວນການໃນແຕ່ລະສະຖານທີ່. ສິ່ງນີ້ຊ່ວຍໃຫ້ສາມາດຄາດຄະເນຕົ້ນທຶນໄດ້ຢ່າງຮອບຄອບ ແລະ ຖືກຕ້ອງ ແລະ ຫຼຸດຜ່ອນໂອກາດທີ່ຈະເກີດຕົ້ນທຶນແອບ ແຝງ/ຄາດ ຄະເນຈໍານວນເງິນທຶນທີ່ຈຳເປັນສໍາລັບໂຄງການຕໍ່າເກີນໄປ. ນີ້ເປັນສິ່ງສໍາຄັນໃນການໃຫ້ຂໍ້ມູນທີ່ຄົບຖ້ວນແກ່ນັກລົງທຶນທີ່ຈໍາເປັນໃນການຕັດສິນໃຈຢ່າງມີຂໍ້ມູນເຊັ່ນດຽວກັນກັບການຮັບປະກັນວ່າເງິນທຶນຈະຖືກໃຊ້ຢ່າງລະມັດລະວັງ ແລະ ສຸດທ້າຍດ້ວຍການລະງັບເງິນທຶນທີ່ກໍານົດຈະນໍາໄປສູ່ຄວາມສໍາເລັດຂອງໂຄງການປັບປຸງ ສິ່ງແວດລ້ອມທາງນໍ້າ.
ກວດສອບໃຫ້ແນ່ໃຈວ່າຈຸດທີ່ໂຄງການແນໃສ່ສອດຄ່ອງກັບຄ່ານິຍົມຫຼັກຂອງກອງທຶນເພື່ອການພັດທະນາ.
ໂຄງການປັບປຸງສະພາບແວດລ້ອມທາງນໍ້າມີຈຸດປະສົງຫຼັກໃນການປັບປຸງການເຂົ້າເຖິງບໍລິການນໍ້າເປື້ອນ ແລະ ຫຼຸດຜ່ອນມົນລະຜິດ ທີ່ເກີດຈາກສິ່ງແວດລ້ອມດ້ວຍລະບົບ ແລະ ວິທີການໃນການຈັດຕັ້ງປະຕິບັດໃນການຈັດການທີ່ບໍ່ເໝາະສົມ ແລະ ບໍ່ພຽງພໍ. ສິ່ງນີ້ສອດຄ່ອງກັບຄ່ານິຍົມຫຼັກຂອງທະນາຄານໂລກໃນການສົ່ງເສີມຄວາມຈະເລີນຮຸ່ງເຮືອງຮ່ວມກັນໃນໂລກທີ່ໜ້າຢູ່ສໍາລັບທຸກຄົນ ແລະ ເພື່ອເພີ່ມຄວາມຢືດຢຸ່ນຂອງບັນດາປະເທດ ແລະ ພາກພື້ນຕໍ່ກັບການປ່ຽນແປງຄັ້ງໃຫຍ່ລວມທັງການລະບາດໃຫຍ່ ແລະ ຄວາມອ່ອນແອ.
ຜົນກະທົບທີ່ຊັດເຈນ ແລະ ສາມາດວັດແທກໄດ້.
ລັດຖະບານຫວຽດນາມໄດ້ຈັດກຽມແຜນການຕິດຕາມກວດກາ ແລະ ປະເມີນຜົນທີ່ຊັດເຈນພ້ອມກັບຕົວຊີ້ບອກຕ່າງໆທີ່ຈະຕິດຕາມຕະຫຼອດໂຄງການ. ເຊິ່ງລວມທັງຕົວຊີ້ບອກເຊັ່ນ: ຈໍານວນຜູ້ທີ່ສາມາດ ເຂົ້າເຖິງນໍ້າເປື້ອນທີ່ໄດ້ຮັບການປັບປຸງແລ້ວມົນລະພິດເພີ່ມຕື່ມທີ່ຖືກກໍາຈັດໂດຍໂຮງງານບໍາບັດນ້ໍາເປື້ອນ (metric ໂຕນຕໍ່ປີ) ແລະ ຈໍານວນຄົວເຮືອນໃໝ່ທີ່ເຊື່ອມຕໍ່ກັບລະບົບນ້ໍາເປື້ອນ ແລະ ອື່ນໆ. ການມີແຜນການທີ່ຊັດເຈນ ແລະ ຂອບເຂດຂອງຕົວຊີ້ວັດສະ ເພາະທີ່ຕ້ອງໄດ້ຕິດຕາມແມ່ນສິ່ງທີ່ສໍາຄັນສໍາລັບທະນາຄານໂລກໃນການຕິດຕາມ ແລະ ປະເມີນຜົນກະທົບຂອງໂຄງການ ແລະ ເພື່ອຜັກດັນໃຫ້ບັນລຸເປົ້າໝາຍການພັດທະນາທີ່ມີຄວາມສໍາຄັນຫຼາຍຂຶ້ນ. ສິ່ງນີ້ແມ່ນເພື່ອຮັບປະກັນການນຳໃຊ້ຊັບພະຍາກອນຢ່າງມີປະສິດທິພາບ.
ແຫຼ່ງຂໍ້ມູນ/ຂໍ້ມູນຂ່າວສານເພີ່ມເຕີມ
- ທະນາຄານໂລກ (2023). ໂຄງການປັບປຸງສະພາບແວດລ້ອມທາງນ້ຳແຂວງ ບິນດຸງ (Binh Duong). ສາມາດເຂົ້າເບິ່ງຂໍ້ມູນໄດ້ທີ່: https://projects.worldbank.org/en/projects-operations/project-detail/P173716
- ທະນາຄານໂລກ (2023). ໂຄງການປັບປຸງສະພາບແວດລ້ອມທາງນ້ຳແຂວງ ບິນດຸງ (Binh Duong), ອັບເດດແຜນການຍົກຍ້າຍການຈັດສັນ (URP). ສາມາດເຂົ້າເບິ່ງຂໍ້ມູນໄດ້ທີ່: https://documents1.worldbank.org/curated/en/099022824200535506/pdf/P1737161c17deb051b5ae1acb23d242fc1.pdf
- ກຸ່ມທະນາຄານໂລກ (2024). ທະນາຄານໂລກອະນຸມັດໂຄງການປັບປຸງສະພາບແວດລ້ອມການເປັນຢູ່ຂອງປະຊາຊົນກວ່າເຄິ່ງລ້ານຄົນຢູ່ພາກໃຕ້ຫວຽດນາມ. ສາມາດເຂົ້າເບິ່ງຂໍ້ມູນໄດ້ທີ່: https://www.worldbank.org/en/news/press-release/2024/01/12/world-bank-approves-project-to-improve-living-environment-for-over-half-a-million-people-in-southern-vietnam
- ກຸ່ມທະນາຄານໂລກ ຜະລິດຕະພັນການເງິນ IBRD. ສາມາດເຂົ້າເບິ່ງຂໍ້ມູນໄດ້ທີ່: https://treasury.worldbank.org/en/about/unit/treasury/ibrd-financial-products/ibrd-flexible-loan
- ກຸ່ມທະນາຄານໂລກ ການເງິນ. ສາມາດເຂົ້າເບິ່ງຂໍ້ມູນໄດ້ທີ່: https://www.worldbank.org/en/what-we-do/products-and-services/financing-instruments
ເອກະສານທະນາຄານໂລກ (2022). ການປະເມີນຜົນກະທົບຕໍ່ສິ່ງແວດລ້ອມ ແລະ ສັງຄົມຂອງໂຄງການປັບປຸງສິ່ງແວດລ້ອມທາງນ້ຳແຂວງ ບິນດຸງ (Binh Duong). ສາມາດເຂົ້າເບິ່ງຂໍ້ມູນໄດ້ທີ່: https://documents1.worldbank.org/curated/en/228011610542687158/pdf/Revised-Environmental-and-Social-Impact-Assessment-Vietnam-Binh-Duong-Water-Environment-Improvement-Project-P173716.pdf
