ເຄື່ອງມືທາງດ້ານການສະໜອງເງິນທຶນ ແລະ ຈຳນວນເງິນ

ການກໍ່ສ້າງໂຮງໄຟຟ້າພະລັງງານແສງອາທິດໄດ້ຮັບການສະໜັບສະໜູນໂດຍແຫຼ່ງທຶນຮ່ວມແບບປະສົມປະສານ, ໂດຍມີຕົ້ນທຶນທັງໝົດ 41 ລ້ານໂດລາສະຫະລັດ ຊຶ່ງໄດ້ຮັບການສະໜັບສະໜູນຈາກໂຄງການທຶນປະສົມ Canada-IFC ຈຳນວນ 4 ລ້ານໂດຍລາສະຫະລັດ

ຄວາມເປັນມາ

ກ່ອນເກີດສະຖານະການພະຍາດຕິດຕໍ່ ໂຄວິດ-19 (COVID-19), ກຳປຸເຈຍປະສົບກັບການຈະເລີນເຕີບໂຕທາງເສດຖະກິດແບບກ້າວກະໂດດ, ອັດຕາການໃຊ້ໄຟຟ້າທີ່ເພີ່ມຂຶ້ນ ແລະ ຄວາມຕ້ອງການພະລັງງານທີ່ເພີ່ມຂື້ນຕາມມາ. ເຖິງແມ່ນວ່າເສດຖະກິດຈະຂະຫຍາຍຕົວຊ້າໃນໄລຍະ ຜ່ານມາໃກ້ໆນີ້ແຕ່ວ່າປະເທດຍັງຄົງປະເຊີນກັບຄວາມທ້າທາຍໃນການຕອບສະໜອງຄວາມຕ້ອງການທີ່ຂະຫຍາຍຕົວຢ່າງໄວວາຂະນະດຽວກັນ ກໍ່ຕ້ອງຂະຫຍາຍການເຂົ້າເຖິງພື້ນທີ່ທີ່ຍັງບໍ່ມີການບໍລິການມາກ່ອນ ແລະ ແກ້ໄຂບັນຫາຄວາມໝັ້ນຄົງດ້ານພະລັງງານ, ຄວາມສາມາດໃນການຊື້ ແລະ ຄວາມຍືນຍົງຂອງສິ່ງແວດລ້ອມ. ອີງຕາມຂໍ້ມູນຈາກອົງການພະລັງານສາກົນ (International Energy Agency) ປະເທດກຳປູເຈຍ ມີອັດຕາການນຳໃຊ້ໄຟຟ້າຕໍ່າເປັນອັນດັບສອງໃນກຸ່ມປະເທດອາຊີຕາເວັນອອກສ່ຽງໃຕ້ ເມືອປີ 2024. ຄົວເຮືອນຊາວກຳປູເຈຍຈຳນວນເກືອບ ໜຶ່ງລ້ານຄົວເຮືອນ ບໍ່ມີໄຟຟ້າໃຊ້ທີ່ມາຈາກຕາຂ່າຍໄຟຟ້າ ແລະ ຕ້ອງໄດ້ນຳໃຊ້ໝໍ້ໄຟລົດ, ຟືນ ແລະ ເຊື່ອໄຟແບບປະຖົມປະຖານອື່ນໆ ເພື່ອເປັນພະລັງງານ. ນອກຈາກນີ້, ຄ່າໄຟຟ້າທີ່ສູງໃນປະເທດກຳປູເຈຍເຮັດໃຫ້ການເຂົ້າເຖິງໄຟຟ້າເປັນເລື່ອງຍາກສຳລັບຄົນທຸຍາກທີ່ບໍ່ສາມາດ ຊຳລະໄດ້, ເປັນການກຳຈັດຄວາມສາມາດໃນການແຂ່ງຂັນທາງດ້ານເສດຖະກິດ ແລະ ເຮັດໃຫ້ການລົງທຶນຫຼຸດລົງ.

ສິ່ງນີ້ສະແດງໃຫ້ເຫັນເຖິງຄວາມຕ້ອງການຮີບດ່ວນສຳລັບພະລັງງານສະອາດຫຼາຍຂຶ້ນໃນປະເທດກຳປູເຈຍ ເພື່ອຮັບມືກັບຄວາມທ້າທາຍຂອງ ຄວາມຕ້ອງການທີ່ຂະຫຍາຍຕົວຢ່າງໄວວາ, ຄວາມໝັ້ນຄົງດ້ານພະລັງງານ, ຄວາມສາມາດໃນການຊື້ ແລະ ຄວາມຍືນຍົງຂອງສຶ່ງແວດລ້ອມ.

ວິທີການ

ໂຄງການດັ່ງກ່າຕັ້ງຢູ່ແຂວງ ກຳປົງຊນັງ ໃນປະເທດກຳປູເຈຍ, ໃນພື້ນທີ່ປະມານ 100 ເຮັດຕາ, ຫ່າງຈາກນະຄອນຫຼວງພະນົມເປັນ ໄປທາງທິດຕາເວັນຕົກສ່ຽງເໜືອ 60 ກິໂລແມັດ. ຜົນໄດ້ຮັບທີ່ຄາດຫວັງຫຼັກໃນລະດັບໂຄງການ ແມ່ນຜົນກະທົບຕໍ່ສິ່ງແວດລ້ອມ ໂດຍຜ່ານການຫຼຸດການປ່ອຍກາສຄາບອນໄດອົກໄຊ໌ (CO₂ ) ໃນລະຫວ່າງການຜະລິດ ແລະ ຜົນກະທົບຕໍ່ຜູ້ມີສ່ວນຮ່ວມໂດຍຊ່ວຍຕອບ ສະໜອງຄວາມຕ້ອງການພະລັງງານທີ່ເພີ່ມຂຶ້ນໃນປະເທດກຳປູເຈຍ. ນອກຈາກໂຄງການແລ້ວ, ການລົງທຶນຍັງຄາດວ່າຈະເພີ່ມຄວາມສາມາດ ໃນການຟື້ນຕົວຂອງຕະຫຼາດ ແລະ ຄວາມສາມາດໃນການແຂ່ງຂັນ ດ້ວຍການສະໜັບສະໜູນການປະມູນພະລັງງານແສງອາທິດຄັ້ງທຳອິດ ຂອງປະເທດ ແລະ ສະແດງໃຫ້ເຫັນເຖິງບົດບາດລະດັບການນຳໃຊ້ໂຄງການພະລັງງານແສງອາທິດໃນການຜະລິດໄຟຟ້າແບບປະສົມຂອງປະເທດ.

ໂຄງການນີ້ປະກອບດ້ວຍໂຮງໄຟຟ້າພະລັງງານແສງອາທິດຂະໜາດ 60 ເມກາວັດ (MW), ຕັ້ງຢູ້ພື້ນທີ່ປະມານ 100 ເຮັກຕາ, ໃນແຂວງ ກຳປົງຊນັງ, ຫ່າງຈາກນະຄອນຫຼວງ ພະນົມເປັນ ປະມານ 60 ກິໂລແມັດ. ການກໍ່ສ້າງແມ່ນໄດ້ເລິ່ມຂຶ້ນໃນເດືອນເມສາ 2021 ແລະ ມີແຜນເປີດນຳໃຊ້ໃນເດືອນມີຖຸນາ 2022. ໂຄງການນີ້ຈຳໜ່າຍໄຟຟ້າໃຫ້ແກ່ Electricite du Cambodge (EDC), ຊຶ່ງເປັນລັດວິສາຫະກິດໄຟຟ້າຂອງລັດຖະບານກຳປູເຈຍພາຍໃຕ້ຂໍ້ຕົກລົງການຊື້ຂາຍໄຟຟ້າ (PPA) ເປັນໄລຍະເວລາ 20 ປີ. ໂຄງການນີ້ໄດ້ຮັບການພັດທະນາໂດຍ Prime Road Alternative (ກຳປຸເຈຍ) Co., Ltd (PRAC), ຊຶ່ງເປັນບໍລິສັດທີ່ມີຈຸດປະສົງພິເສດ ສ້າງຕັ້ງຂຶ້ນໂດຍ Prime Road Power PCL (Prime Road).

ຄ່າໃຊ້ຈ່າຍທັງໝົດຂອງໂຄງການແມ່ນປະມານ 41 ລ້ານ ໂດລາສະຫະລັດ ໂດຍມີເງິນສະໜັບສະໜູນສູງສຸດຈາກ IFC ຈຳນວນ 4 ລ້ານ ໂດລາສະຫະລັດ ແລະ Canada-IFC Blended Finance Program (BCFP) ຈຳນວນ 4 ລ້ານ ໂດລາສະຫະລັດ. ການຮ່ວມທຶນໄດ້ຮັບການສະໜັບສະໜູນຈາກທະນາຄານພັດທະນາອາຊີ ແລະ ໜ່ວຍງານເພື່ອການພັດທະນາອື່ນໆ. BCFP ເປັນຫຸ້ນ ສ່ວນລະຫວ່າງລັດຖະບານ ການາດາ ແລະ IFC ເພື່ອຂັບເຄື່ອການຈັດການແຫຼ່ງທຶນພາກເອກະຊົນ ສຳລັບໂຄງການສ້າງໂຄງຮ່າງພື້ນຖານ ທີ່ມີຄວາມຢືດຢູ່ນ, ການກະສິກຳອັດສະລິຍະດ້ານສະພາບມີອາກາດ ແລະ ພະລັງງານໝູນວຽນ. ມັນສະໜອງທຶນສຳປະທານ (ຕົວຢ່າງ, ທຶນທີ່ຕໍ່າ ກວ່າເງື່ອໄຂຕະຫຼາດ) ສຳລັບໂຄງການທີ່ດຳເນີນໂດຍພາກເອກະຊົນທົ່ວໂລກ.

ສຳລັບພະລັງງານແສງອາທິດຢູ່ ແຂວງກຳປົງ, ທຶນສະໜັບສະໜູນທີ່ຈັດຕັ້ງປະຕິບັດໂດຍສ່ວນປະກອບການເງິນແບບປະສົມແມ່ນຄາດຄະເນປະ ມານ 1.8% ຂອງມູນຄ່າໂຄງການທັງໝົດ. ການຄາດຄະເນນີ້ແມ່ນອີງໃສ່ຄວາມແຕດຕ່າງລະຫວ່າງ (i) “ລາຄາອ້າງອີງ” (ບໍ່ວ່າຈະເປັນລາຄາ ຕະຫຼາດຖ້າມີ, ຫຼື ລາຄາຄິດໄລ່ໂດຍນຳໃຊ້ແບບຈຳລອງການກຳນົດລາຄາລວມຂອງ IFC ຊຶ່ງປະກອບດ້ວຍ ສາມ ອົງປະກອບຫຼັກ ເຊັ່ນ: ຄວາມສ່ຽງ, ຕົ້ນທຶນ ແລະ ກຳໄລ) ແລະ (ii) “ລາຄາສຳປະທານ” ທີ່ເກັບຈາກການຮ່ວມລົງທຶນສຳປະທານແບບປະສົມປະ ສານ. ເງິນອຸດໜູນນີ້ໄດ້ຖືກສະເໜີໃຫ້ຜູ້ເຂົ້າຮ່ວມການປະມູນລ່ວງໜ້າ ໂດຍເປັນສ່ວນໜຶ່ງຂອງຂະບວນການສະເໜີລາຄາແບບແຂ່ງຂັນເພື່ອສ້າງ ແຮງຈູງໃຈໃນການມີສ່ວນຮ່ວມ ແລະ ຫຼຸດອັດຕາຄ່າໄຟຟ້າເປັນຜົນມາຈາກ ເພື່ອສະໜັບສະໜູນຄວາມສາມາດໃນການຊຶື້ພະລັງງານໄຟຟ້າ.

ຜົນໄດ້ຮັບ

ສ່ວນປະກອບທາງການເງິນແບບປະສົມປະສານສ້າງແຮງຈູງໃຈໃຫ້ຜູ້ປະມູນ ແລະ ສະໜັບສະໜູນໂຄງການໃນການບັນລຸອັດຕາການຊື້ພະລັງງານ ຕໍ່າສຸດແຫ່ງໜຶ່ງໃນພາກພື້ນອາຊີຕາເວັນອອກສ່ຽງໃຕ້. ໂຄງການນີ້ປະສົບຜົນສຳເລັດໃນການເພີ່ມການສະໜອງພະລັງງານທີ່ເຊື່ອຖືໄດ້, ລາຄາບໍ່ ແພງ ແລະ ເປັນພະລັງງານສະອາດສຳລັບປະຊາກອນທີ່ເພີ່ມຂຶ້ນ (ໂຄງການນີ້ຍັງຊ່ວຍຫຼຸດການປ່ອຍກາສ໌ຄາບອນໄດອົກໄຊ໌ (CO₂) ໄດ້ສູງເຖິງ 100,000 ໂຕນ ຕໍ່ປີ) ແລະ ໂຮງໄຟຟ້າພະລັງງານແສງອາທິດ ແຂວງກຳປົງ ໄດ້ສ້າງຊື່ໃຫ້ຕົນເອງໃນຖານະຕົວຢ່າງທີ່ແຂງແກ່ນສຳລັບການປະມູນ ໂຄງການພະລັງງານແສງອາທິດໃນອະນຄົດຂອງປະເທດ.