ເຄື່ອງມືທາງດ້ານການສະໜອງເງິນທຶນ ແລະ ຈຳນວນເງິນ
ການຈັດການທຶນຕາມໃບບິນສຳລັບລົດໂດຍສານສາທາລະນະໄຟຟ້າ
ຄວາມເປັນມາ
ໃນປີ 2017, ເມືອງຊານຕິອາໂກ, ປະເທດຊີລີ ໄດ້ເປີດໂຕໂຄງການປ່ຽນລະບົບຂົນສົ່ງສາທາລະນະເປັນລົດໄຟຟ້າ ໂດຍມີເປົ້າໝາຍທີ່ຈະ ປ່ຽນລົດໂດຍສານປະຈຳທາງສາທາລະນະຂອງເມືອງໃຫ້ເປັນລົດໄຟຟ້າ 25% ພາຍໃນປີ 2025. ມີການສະເໜີໂຄງການຈັດຫາທຶນແບບ ຫັກຄ່າໃຊ້ຈ່າຍຈາກໃບບິນເພື່ອສະໜອງທຶນໃຫ້ແກ່ລົດໂດຍສານໄຟຟ້າ. Metbus, ແມ່ນໜຶ່ງໃນຜູ້ປະກອບການລົດໂດຍສານພາກເອກະ ຊົນ, ຮ່ວມມືກັບ Enel, ບໍລິສັດສາທາລະນຸປະໂພກສັນຊາດອີຕາລີ ແລະ BYD, ໂຮງງານພະລິດລົດຊາວຈີນໃນໂຄງການທົດລອງເປີດ ນຳໃຊ້ລົດໂດຍສານໄຟຟ້າ. ການທົດລອງໄດ້ພິສຸດເຖິງຜົນສຳເລັດ ແລະ ໄດ້ຮັບການຜັນຂະຫຍາຍເພື່ອເຮັດໃຫ້ Metbus ເປັນລົດໂດຍສານ ໄຟຟ້າທີ່ໃຫຍ່ທີ່ສຸດຂອງເມືອງຊານຕີອາໂກ.
ວິທີການ
Metbus, ແມ່ນໜຶ່ງໃນຜູ້ໃຫ້ບໍລິການລົດໂດຍສານພາກເອກະຊົນຂອງເມືອງຊານຕີອາໂກ, ຮ່ວມມືກັບ Enel ບໍລິສັດສັນຊາດອີຕາລີ ແລະ BYD ໂຮງງານຜະລິດລົດຊາວຈີນ. Enel ເຮັດໜ້າທີ່ເປັນຕົວແທນທາງການເງິນ ແລະ ສະໜອງພະລັງງານ ແລະ ການໃຫ້ເຊົ່າລົດໂດຍ ສານໄຟຟ້າຂອງ BYD ແກ່ Metbus ເປັນໄລຍະເວລາ 10 ປີ. Metbus ຮັບຜິດຊອບໃນການດຳເນີນການໃຫ້ບໍລິການລົດໂດຍສານ ແລະ ການບຳລຸງຮັກສາຂັ້ນພື້ນຖານ, ໃນຂະນະທີ່ BYD ຮັບຜິດຊອບການບໍາລຸງຮັກສາທີ່ມີຄວາມຊັບຊ້ອນກວ່າ, ຊຶ່ງລວມເຖິງຊຸດໝໍ້ໄຟ. Metbus ຍັງມີຂໍ້ຕົກລົງກັບ BYD ໂດຍຜູ້ຜະລິດຕ້ອງຮັບຜິດຊອບຕໍ່ຄ່າປັບໃໝຕ່າງໆທີ່ເກີດຂຶ້ນຫາກລົດໂດຍສານບໍ່ເປັນໄປຕາມ ປະສິດທິພາບ.
ມີການນຳໃຊ້ໂຄງການຈັດຫາທຶນໂດຍອີງໃສ່ໃບບິນເພື່ອສະໜອງທຶນສຳລັບລົດໂດຍສານໃໝ່. ບໍລິສັດສາທາລະນຸປະໂພກ (Enel) ຈະຮັບຜິດຊອບຄ່າໃຊ້ຈ່າຍລ່ວງໜ້າໃນການຊື້ລົດໄຟຟ້າໃໝ່ຈາກ BYD ໂດຍນຳໃຊ້ທຶນພາຍໃນ ຫຼື ການກູ້ຢືມ. ຜູ້ເປີດໃຫ້ບໍລິການລົດ ໂດຍສານ (Metbus) ຈະເຊົ່າລົດໂດຍສານຈາກບໍລິສັດສາທາລະນຸປະໂພກໂດຍບໍ່ມີຄ່າໃຊ້ຈ່າຍລ່ວງໜ້າດີກວ່າການຊື້ລົດໂດຍສານທີ່ ໃຊ້ນ້ຳມັນກາຊວນຄ່າໃຂ້ຈ່າຍຈະຖືກຮຽກຄືນໂດຍຜ່ານອັດຕາຄ່າທຳນຽມຄົງທີ່ອີງໃສ່ໃບບິນເກັບເງິນຄ່າໄຟຟ້າລາຍເດືອນຂອງຜູ້ປະກອບ ການລົດໂດຍສານໂດຍການຊຳລະເງິນໃຫ້ແກ່ Enel ຈະດໍາເນີນການຜ່ານໜ່ວຍງານບໍລິຫານການເງິນ ຊຶ່ງເປັນສ່ວນໜຶ່ງຂອງລະບົບຂົນ ສົ່ງສາທາລະນະທີ່ກວ້າງຂວາງຂອງເມືອງຊານຕີອາໂກ ແລະ ຮັບຜິດຊອບການກະຈາຍເງິນທຶນໃນລະບົບ. ອັດຕາຄ່າທຳນຽມໄດ້ດັດສົມເພື່ອ ໃຫ້ແນ່ໃຈວ່າຕົ້ນທຶນການດຳເນີນການຂອງລົດໂດຍສານໄຟຟ້າສາມາດທຽບເທົ່າ ຫຼື ຕໍ່າກວ່າລົດໂດຍສານທີ່ໃຊ້ນ້ຳມັນກາຊວນ. ເມື່ອຄ່າໃຊ້ ຈ່າຍຂອງບໍລິສັດສາທາລະນຸປະໂພກໄດ້ຮັບການຄືນທຶນເຕັມຈຳນວນແລ້ວ, Metbus ຈະເປັນເຈົ້າຂອງລົດໂດຍສານ ແລະ ຫົວສາກ.
ຜົນໄດ້ຮັບ
ໂຄງການທົດລອງເລີ່ມຕົ້ນດ້ວຍລົດໂດຍສານ BYD ສອງຄັນ ແລະ ປະສົບຄວາມສຳເລັດ, ດ້ວຍຄ່າດຳເນີນງານຂອງລົດໂດຍສານໄຟຟ້າ 0.10 ໂດລາສະຫະລັດ/ກິໂລແມັດ, ທຽບໃສ່ລົດໂດຍສານທີ່ໃຊ້ນ້ຳມັນກະຊວນທີ່ລາຄາຄ່າໃຊ້ຈ່າຍ 0.43 ໂດລາສະຫະລັດ/ກິໂລແມັດ. ຈາກຄວາມສຳເລັດຂອງໂຄງການທົດລອງ, Metbus ເຮັດວຽກຮ່ວມກັບ Enel ແລະ BYD ເພື່ອເພີ່ມລົດໂດຍສານອີກ 100 ຄັນ ໃນປີ 2018. ໂດຍເພີ່ມຂຶ້ນເປັນ 183 ຄັນ ໃນປີ 2019 ແລະ ເພີ່ມອີກ 150 ຄັນ ໃນປີ 2020, ເຮັດໃຫ້ກາຍເປັນຜູ້ໃຫ້ບໍລິການລົດໂດຍສານ ໄຟຟ້າທີ່ໃຫຍ່ທີ່ສຸດໃນເມືອງຊານຕີອາໂກ, ປະເທດຊີລີ.
ດ້ວຍລົດໂດຍສານຈຳນວນ 400 ຄັນ, Metbus ໄດ້ມີສ່ວນຊ່ວຍໃນການຫຼຸດການປ່ອຍກາສ໌ຄາບອນໄດອັອກໄຊ໌ (CO2) ລົງໄດ້ເກືອບ 20,630 ໂຕນ, ຊຶ່ງຫຼຸດລົງປະມານ 5% ເມື່ອທຽບກັບລະດັບໃນປີ 2018. ນອກຈາກນີ້, ຜູ້ປະກອບການໄດ້ລາຍງານຢ່າງເປັນປະຈຳ ແລະ ມີຄວາມໜ້າເຊື່ອຖືຂອງລົດໂດຍສານໄຟຟ້າ ແມ່ນມີຄວາມໄດ້ປຽບກວ່າເມື່ອທຽບກັບລົດໂດຍສານທົ່ວໄປ, ໂດຍເນັ້ນໃຫ້ເຫັນຜົນປະ ໂຫຍດຂອງລົດໂດຍສານໄຟຟ້າ. ຄ່າໃຊ້ຈ່າຍໃນການບຳລຸງຮັກສາ ແລະ ການດຳເນີນງານສຳລັບລົດໂດຍສານໄຟຟ້າແມ່ນຍັງຕໍ່າກວ່າລົດ ໂດຍສານທີ່ໃຊ້ນຳມັນກາຊວນ.
ບົດຮຽນທີ່ສຳຄັນ
ການຄ້ຳປະກັນຂອງລັດຖະບານແມ່ນເປັນສິງສຳຄັນຕໍ່ການສ້າງຄວາມເຊື່ອໝັ້ນໃຫ້ແກ່ນັກລົງທຶນ.
ເພື່ອສົ່ງເສີມຄວາມໝັ້ນໃຈໃຫ້ກັບ Enel ໃນການເປັນນັກລົງທຶນດ້ວຍການຈັດການລົດໂດຍສານໄຟຟ້າ ໃນໂຄງການຈັດການແຫຼ່ງທຶນແບບໃບບິນ, ຮັບປະກັນການ ຈ່າຍຈາກອົງການບໍລິຫານການເງິນໃຫ້ກັບ Enel ຊຶ່ງໄດ້ຖືກຮັບຮອງໂດຍລັດຖະບານ. ການຈ່າຍຄ່າເຊົ່າແມ່ນຖືກຫັກໂດຍໜ່ວຍ ງານທີ່ກ່ຽວຂ້ອງຈາກການຈັດຕັ້ງປະຕິບັດລາຍເດືອນຂອງ Metbus ໂດຍບໍ່ຄໍານຶງເຖິງຜົນການປະຕິບັດງານຂອງ Metbus.
ລະບົບການເກັບຄ່າທຳນຽມ ແລະ ຈັດການສຳລະເງູິນແບບລວມສູນ ສາມາດຫຼີກລ້ຽງຄວາມສ່ຽງການບໍລິຫານຈັດການທີ່ບໍ່ເໝາະສົມ
ເທດສະບານສາມາດສ້າງຕັ້ງສູນເກັບຄ່າທຳນຽມແບບລວມສູນເພື່ອໃຫ້ໝັ້ນໃຈວ່າລະບົບຂົນສົ່ງສາທາລະນະມີຄວາມສາມາດທາງການເງິນ. ການເກັບຄ່າໂດຍສານໂດຍກົງ ແລະ ຈາກລະບົບສ່ວນກາງ ແທນທີ່ຈະເພິງພາຜູ້ປະກອບການ ສາມາດຊ່ວຍໃຫ້ເທດສະບານເພີ່ມ ລາຍໄດ້ສູງສຸດ ແລະ ຫຼີກລ້ຽງຄວາມສ່ຽງໃນການບໍລິຫານຈັດການທີ່ບໍ່ເໝາະສົມ. ໃນກໍລະນີຂອງ Metbus, ໜ່ວຍງານບໍລິຫານ ການເງິນຂອງລະບົບຂົນສົ່ງສາທາລະນະມີໜ້າທີ່ຮັບຜິດຊອບໃນການບໍລິຫານຈັດການທຶນໝູນວຽນພາຍໃນລະບົບ.
ກົດລະບຽບສາມາດຊ່ວຍສະໜັບສະໜູນການນຳເຕັກໂນໂລຊີສີຂຽວມາໃຊ້ໄດ້.
ປັດໄຈທີ່ສຳຄັນຂອງຄວາມສຳເລັດຄືມາດຕະຖານການປ່ອຍມົນລະພິດທີ່ເຂັ້ມງວດຊຶ່ງບັງຄັບໃຊ້ໂດຍກະຊວງຄົມມະນາຄົມຂອງ ຊີລີ ຊຶ່ງລົງໂທດລົດທີ່ໃຊ້ນ້ຳມັນກະຊວນ ແລະ ເຮັດໃຫ້ການນຳໃຊ້ລົດທີ່ມີການປ່ອຍມົນລະພິດຕໍ່າມີຄວາມໜ້າສົນໃຈຫຼາຍຂຶ້ນ. ເນື່ອງ ຈາກ ຊີລີ ໄດ້ນຳໃຊ້ມາດຕະຖານລົດໂດຍສານ Euro VI ນັບແຕ່ປີ 2017 ເປັນຕົ້ນມາ, ຊ່ອງຫວ່າງການລົງທຶນຈາກລົດໂດຍສານ Euro VI ຈົນເຖິງລົດໂດຍສານໄຟຟ້າຈຶ່ງຫຼຸດລົງເມື່ອທຽບກັບມາດຕະຖານເດີມ.
Sources
ແຫຼ່ງຂໍ້ມູນ/ຂໍ້ມູນຂ່າວສານເພີ່ມເຕີມ:
- C40 ການຮັບຮູ້ (2020). ເປັນຜູ້ນຳການຟື້ນຟູເມືອງສະອາດດ້ວຍລົດໄຟຟ້າ. ສາມາດເຂົ້າເບິ່ງຂໍ້ມູນໄດ້ທີ່: https://c40.my.salesforce.com/sfc/p/#36000001Enhz/a/Hp000000GLFi/XgEm7gg.8utnB3JS5agpd7iexpXjXvo9h8gw140W7Ek
- C40 ການຮັບຮູ້ (2020). Metbus ເປັນຜູ້ບຸກເບີກການນຳໃຊ້ລົດໂດຍສານໄຟຟ້າໃນເມືອງຊານຕີອາໂກ. ສາມາດເຂົ້າເບິ່ງຂໍ້ມູນໄດ້ທີ່: https://c40.my.salesforce.com/sfc/p/#36000001Enhz/a/1Q000000gQSR/ET0.2kS_O5ps_SIFrmwgPiDb95Z6inMj6uIjaIcF3mg
- C40 ການຮັບຮູ້ (2020). ໂຄງການທົດລອງສູ່ການປະຕິບັດ – ບົດຮຽນຈາກການໃຊ້ງານລົດໂດຍສານໄຟຟ້າໃນເມືອງຊານຕິອາໂກ ປະເທດ ຊີລີ. ສາມາດເຂົ້າເບິ່ງຂໍ້ມູນໄດ້ທີ່: https://c40.my.salesforce.com/sfc/p/#36000001Enhz/a/1Q00 0000kW6c/knYCd6z53PMEDuWdggFpR0kinupp_K30zr8Bmes4r.8
- ຫ້ອງທົດລອງນະວັດຕະກຳສຳລັບການເງິນເພື່ອສະພາບອາກາດຂອງໂລກ (2018). ຈ່າຍເທົ່າທີ່ທ່ານປະຍັດ ສຳລັບການຂົນສົ່ງດ້ວຍພະລັງງານສະອາດ. ສາມາດເຂົ້າເບິ່ງຂໍ້ມູນໄດ້ທີ່: https://www.climatefinancelab.org/wp-content/uploads/2018/02/Pay-As-You-Save-for-Clean-Transport_Instrument-Overview.pdf
- GovInsider (2023). ຊານຕິອາໂກ ກາຍເປັນເມືອງໜຶ່ງທີ່ລິເລີ່ມການໃຊ້ລະບົບການຂົນສົ່ງສາທາລະນະດ້ວຍພະລັງງານໄຟຟ້າໄດ້ແນວໃດ. ສາມາດເຂົ້າເບິ່ງຂໍ້ມູນໄດ້ທີ່: https://govinsider.asia/intl-en/article/how-santiago-became-one-of-the-first-cities-to-electrify-public-transport-at-scale
