ເຄື່ອງມືການເງິນ ແລະ ຈຳນວນເງິນ:
600 ລ້ານໂດລາສະຫະລັດຈາກພັດທະບັດສີຂຽວ
ຄວາມເປັນມາ
Kommuninvest ແມ່ນໜ່ວຍງານສິນເຊື່ອໃນ ສະວິເດັນ (Sweden). ສ້າງຕັ້ງຂຶ້ນໃນ ປີ 1986 ເພື່ອໃຫ້ອຳນາດການປົກຄອງທ້ອງຖິ່ນ ແລະ ພາກພື້ນມີວິທີການລະດົມທຶນທີ່ຄຸ້ມຄ່າ ແລະ ໜັ້ນຄົງຫຼາຍກ່ວາທະນາຄານການຄ້າ, ເຊິ່ງໃນຂະນະ ນັ້ນເປັນແຫຼ່ງເງິນທຶນພາຍນອກພຽງແຫ່ງດຽວ. ໜຶ່ງໃນແນວທາງຫຼັກທີ່ສຳຄັນຂອງ Kommuninvest ແມ່ນການລະດົມທຶນຜ່ານການ ອອກພັນທະບັດ, ເຊິ່ງຈະຊ່ວຍໃຫ້ໄດ້ປະໂຫຍດຈາກຂະໜາດເສດຖະກິດ (ແລະ ປະສິດທິພາບດ້ານຕົ້ນທຶນ) ໂດຍການລວມຄວາມຕ້ອງ ການດ້ານເງິນທຶນຂອງອຳນາດການປົກຄອງທ້ອງຖິ່ນ ພາຍໃຕ້ກົນໄກທາງດ້ານການລະດົມທຶນຮ່ວມກັນ.
ວິທີການ
ໃນເດືອນມິຖຸນາ 2015, Kommuninvest ໄດ້ເລີ່ມໃຫ້ບໍລິການສິນເຊື່ອສີຂຽວສຳລັບໂຄງການລົງທຶນຂອງອຳນາດການປົກຄອງທ້ອງ ຖິ່ນທີ່ສົ່ງເສີມການປ່ຽນຜ່ານຂອງ ສະວິເດັນ (Sweden) ໄປສູ່ສັງຄົມທີ່ຍືນຍົງ. ໄດ້ມີການຈັດຕັ້ງແປດປະເພດໂຄງການຂຶ້ນ ລວມມີ ພະລັງງານໝູນວຽນ, ປະສິດທິພາບພະລັງງານ, ອາຄານສີຂຽວ, ການຂົ່ນສົ່ງທີ່ສະອາດ, ການຈັດການຂີ້ເຫຍື້ອ, ການຈັດການນ້ຳ ແລະ ນ້ຳເປື້ອນ, ການປັບຕົວຕໍ່ກັບການປ່ຽນແປງສະພາບອາກາດ ແລະ ການຈັດການສິ່ງແວດລ້ອມໃນພື້ນທີ່ອື່ນໆນອກເໜຶອຈາກທີ່ບໍ່ກ່ຽວກັບ ການປ່ຽນແປງສະພາບອາກາດ.
ເພື່ອໃຫ້ມີສິດໄດ້ຮັບສິນເຊື່ອສີຂຽວ, ໂຄງການຕ່າງໆຈະຕ້ອງໄດ້ປະຕິບັດໄປຕາມກົດເກນຄວາມຍືນຍົງທີ່ກຳນົດໄວ້ລ່ວງໜ້າຕາມກອບພັນ ທະບັດສີຂຽວຂອງ Kommuninvest. ສິນເຊື່ອສີຂຽວເຫຼົ່ານີ້ຈະຖືກລວມເຂົ້າກັບກຸ່ມສິນເຊື່ອສີຂຽວ ແລະ ການອອກພັນທະບັດ ຂອງ Kommuninvest ໂດຍມີຄວາມມຸ້ງໝັ້ນທີ່ຈະຈັດສັນລາຍໄດ້ຈາກພັນທະບັດໄປຫາກຸ່ມສິນເຊື່ອສີຂຽວດັ່ງກ່າວ.
ຜົນໄດ້ຮັບ
ວັນທີ 15 ເດືອນມີນາ 2016, Kommuninvest ໄດ້ອອກພັນທະບັດສີຂຽວຄັ້ງທຳອິດໂດຍສາມາດລະດົມທຶນໄດ້ 600 ລ້ານໂດລາສະຫະລັດຈາກນັກລົງທຶນສີຂຽວໂດຍສະເພາະ (67%) ແລະ ນັກລົງທຶນກະແສຫຼັກ (33%) ແລະ ມີກຸ່ມສິນເຊື່ອສີຂຽວ ມູນຄ່າ1.1 ຕື້ ໂດລາສະຫະລັດ ໂດຍມີສັນຍາສະໜອງເງິນທຶນສຳລັບ 25 ໂຄງການລົງທຶນໃນເທດສະບານ 18 ແຫຼ່ງທົ່ວສະວິເດັນ (Swedish).
ໂດຍການລວມສິນເຊື່ອສີຂຽວອັນດ່ຽວເຂົ້າດ້ວຍກັນໃນຮູບແບບກຸ່ມສິນເຊື່ອສີຂຽວແບບລວມ, Kommuninvest ສາມາດຊ່ວຍໃຫ້ ເທດສະບານຕ່າງໆເຂົ້າເຖິງຕະຫຼາດທຶນ ແລະ ລະດົມທຶນສຳລັບໂຄງການທີ່ອາດຈະບໍ່ສາມາດເຮັດໄດ້ເນື່ອງຈາກຫຼາຍເຫດຜົນ (ເຊັ່ນ: ປະລິ ມານບໍ່ພຽງພໍ, ຂາດຊັບພະຍາກອນ ຫຼື ຂາດທັກສະ). ໂຄງການທີ່ນ້ອຍທີ່ສຸດທີ່ໄດ້ຮັບທຶນໂດຍ Kommuninvest ຜ່ານການອອກ ພັນທະບັດໃນໂຄງການທີ່ມີເງິນກູ້ສີຂຽວ ມູນຄ່າ 5 ລ້ານ ໂຄຣສະວິເດັນ (0.6 ລ້ານ ໂດລາສະຫະລັດ), ໃນຂະນະທີ່ໂຄງການທີ່ໃຫຍ່ທີ່ ສຸດໄດ້ຮັບສິນເຊື່ອມູນຄ່າ 2.5 ຕື້ ໂຄຣສະວິເດັນ (300 ລ້ານ ໂດລາສະຫະລັດ).
ບົດຮຽນທີ່ສຳຄັນ
ພັນທະບັດສີຂຽວສາມາດໃຊ້ເພື່ອສະໜັບສະໜູນໂຄງການທີ່ມີຂະໜາດແຕກຕ່າງກັນຜ່ານກອງທຶນລວມ.
ໂດຍການລວມສິນ ເຊື່ອສີຂຽວດ່ຽວເຂົ້າກັນ, Kommuninvest ສາມາດຊ່ວຍໃຫ້ເທດສະບານເຂົ້າເຖິງຕະຫຼາດທຶນ ແລະ ຈັດຫາເງິນທຶນ ສຳລັບໂຄງການສີຂຽວທີ່ມີຂະ ໜາດແຕກຕ່າງກັນໄດ້.
ການຮັບປະກັນປະເພດຂອງໂຄງການທີ່ໄດ້ຮັບການສະໜັບສະໜູນ ທາງການເງິນ
ຂະບວນການອະນຸມັດສິນເຊື່ອຂອງ Kommuninvest ທີ່ເກີດຂຶ້ນກ່ອນການລະດົມພັນທະບັດສີຂຽວ, ໃຫ້ຄວາມໝັ້ນໃຈແກ່ນັກລົງທຶນວ່າປະເພດຂອງໂຄງການ ທີ່ພັນທະບັດສີຂຽວຈະໃຊ້ເງິນລົງທຶນແມ່ນອີງຕາມຄວາມເຂັ້ມແຂງ ແລະ ການກຳນົດເງື່ອນໄຂໄວ້ເປັນຢ່າງດີ.
ຍຸດທະສາດການຫຼຸດຄວາມສ່ຽງເພື່ອເສີມສ້າງຄວາມສົນໃຈໃຫ້ນັກລົງທຶນ.
ພັນທະບົດສີຂຽວຂອງ Kommuninvest ເຊື່ອມໂຍງກັບການໃຫ້ກູ້ຢືມຂອງອຳນາດການປົກຄອງທ້ອງຖິ່ນ, ຫຼາຍກ່ວາໂຄງການສະເພາະ, ດັ່ງນັ້ນນັກລົງທຶນຈຶ່ງບໍ່ຈຳເປັນ ຕ້ອງຮັບຄວາມສ່ຽງດ້ານໜີ້ສິນຂອງໂຄງການໂດຍກົງ. ພັນທະບັດສີຂຽວມີຄຸນນະພາບໜີ້ສິນລະດັບ ສາມ A ຄືກັບພັນທະບັດ ອື່ນໆ ຂອງ Kommuninvest.
ແຫຼ່ງຂໍ້ມູນ/ຂໍ້ມູນຂ່າວສານເພີ່ມເຕີມ:
- Kommuninvest (n.a.). ພັນທະບັດສີຂຽວ. ສາມາດເຂົ້າເບິ່ງຂໍ້ມູນໄດ້ທີ່: https://kommuninvest.se/eng/homepage/investors/funding/fundingprograms/outstandingbondsandfinalterms/greenbonds.4.35de2c7b1900fda7e62576f.html
- Kommuninvest (2021). ກອບວຽກພັນທະບັດສີຂຽວ. ສາມາດເຂົ້າເບິ່ງຂໍ້ມູນໄດ້ທີ່: https://kommuninvest.se/download/18.35de2c7b1900fda7e62e7b0/1719409479334/Kommuninvest_Green%20Bond%20Framework-FINAL240626.pdf
- ສະຖາບັນ ADB. ປະສົບການພັນທະບັດສີຂຽວໃນກຸ່ມປະເທດ ນໍດິກ (Nordic). ສາມາດເຂົ້າເບິ່ງຂໍ້ມູນໄດ້ທີ່:https://www.adb.org/sites/default/files/publication/408336/adbi-wp816.pdf
