ເຄື່ອງມືທາງດ້ານການສະໜອງເງິນທຶນ ແລະ ຈຳນວນເງິນ
ຈຳນວນ 10 ຕື້ ບາດ (320.4 ລ້ານ ໂດລາສະຫະລັດ)* ຜ່ານພັນທະບັດສີຂຽວ
ຄວາມເປັນມາ
ບໍລິສັດ ພະລັງງານບໍລິສັດ (Energy Absolute) ເປັນໜຶ່ງໃນບໍລິສັດພະລັງງານໝູນວຽນທີ່ໃຫຍ່ທີ່ສຸດໃນ ປະເທດໄທ. ບໍລິສັດ ພະລັງງານບໍລິສັດ (Energy Absolute) ຕັ້ງເປົ້າໝາຍທີ່ຈະລະດົມທຶນໃຫ້ໄດ້ 10 ຕຶ້ ບາດ (320.4 ລ້ານ ໂດລາສະຫະລັດ) * ຜ່ານການອອກພັນທະບັດສີຂຽວຄັ້ງທຳອິດ. ພັນທະບັດດັ່ງກ່າວອອກໃນໄລຍະເວລາ ສາມປີ, ຫ້າປີ, ເຈັດປີ ແລະ ສິບປີ, ໂດຍລາຍ ໄດ້ຈະນຳໄປໃຊ້ໃນການສະໜັບສະໜູນການເງິນໄລຍະຍາວຂອງຟາມກັງຫັນລົມຮານຸມານ 260 MW ໃນແຂວງໄຊຍະພູມ ປະເທດໄທ.
ວິທີການ
ບໍລິສັດ ພະລັງງານບໍລິສັດ (Energy Absolute) ເປັນໜຶ່ງໃນບໍລິສັດພະລັງງານໝູນວຽນທີ່ໃຫຍ່ທີ່ສຸດໃນ ປະເທດໄທ. ບໍລິສັດຈົດທະບຽນໃນຕະຫຼາດຫຼັກຊັບແຫ່ງປະເທດໄທ ແລະ ມີທຸລະກິດຫຼັກແມ່ນຜະລິດພະລັງງານໝູນວຽນ ແລະ ການຜະລິດ ແລະ ຈຳໜ່າຍໄບໂອດີເຊວ.
ໃນປີ 2019, ບໍລິສັດ ພະລັງງານບໍລິສັດ (Energy Absolute) ຕັ້ງເປົ້າທີ່ຈະລະດົມທຶນ 10 ຕື້ ບາດ (320.4 ລ້ານ ໂດລາສະຫະລັດ)* ຜ່ານການອອກພັນທະບັດສີຂຽວຄັ້ງທຳອິດ. ພັນທະບັດດັ່ງກ່າວອອກ ໃນໄລຍະ ສາມປີ, ຫ້າປີ, ເຈັດປີ ແລະ ສິບປີ, ເຊິ່ງລາຍໄດ້ຈະນຳໄປ ໃຊ້ໃນການສະໜັບສະໜູນການເງິນໄລຍະຍາວສຳລັບຟາມກັງຫັນລົມຮານຸມານ (Hanuman) ຂະໜາດ 260 MW ໃນແຂວງ ໄຊຍະພູມ ປະເທດໄທ, ລວມເຖິງການອອກພັນທະບັດໃໝ່ໜີ້ສິນໄລຍະສັັ້ນຈາກຜູ້ສະໜອງທີ່ໃຊ້ຊ່ວຍໃນການສ້າງຟາມກັງຫັນລົມໃຫ້ສຳເລັດ. ຟາມ ກັງຫັນລົມຮານຸມານ (Hanuman) ເປັນຟາມກັງຫັນລົມທີ່ໃຫ່ຍທີ່ສຸດໃນປະເທດໄທ ແລະ ເລີ່ມດຳເນີນການທາງທຸລະກິດ ໃນເດືອນ ເມສາ 2019. ຟາມກັງຫັນລົມນີ້ມີສັນຍາຊື້ຂາຍໄລຍະຍາວກັບການໄຟຟ້າຝ່າຍຜະລິດແຫ່ງປະເທດໄທ.
ອົງປະກອບສຳຄັນຂອງການອອກພັນທະບັດສີຂຽວຄັ້ງທຳອິດຂອງ ບໍລິສັດ ພະລັງງານ ບໍລິສູດ (Energy Absolute) ແມ່ນການລົງທຶນ ຫຼັກຂອງທະນາຄານພັດທະນາອາຊີ (ADB) ມູນຄ່າສູງເຖິງ 3 ຕື້ ບາດ (96.1 ລ້ານ ໂດລາສະຫະລັດ) ໃນພັນທະບັດອາຍຸ 7 ປີ. ທະນາຄານພັດທະນາອາຊີ (ADB) ຍັງອຳນວຍຄວາມສະດວກໃນການຮອງຮັບການອອກພັນທະບັດມູນຄ່າ 10 ຕື້ ບາດ (320.4 ລ້ານ ໂດລາສະຫະລັດ)* ທັງໝົດໃຫ້ເປັນພັນທະບັດສີຂຽວ ພາຍໃຕ້ມາດຕະຖານພັນທະບັດສະພາບອາກາດຂອງຂໍ້ລິເລີ່ມພັນທະບັດສະພາບ ອາກາດ. ຜູ້ກວດສອບອິດສະຫຼະຢືນຢັນວ່າພັນທະບັດເຫຼົ່ານີ້ມີເງື່ອນໄຂຕາມເກນພາຍໃຕ້ມາດຕະຖານພັນທະບັດສະພາບອາກາດ ແລະ ສອດຄ່ອງກັບ ຫຼັກການພັນທະບັດສີຂຽວຂອງສະມາຄົມຕະຫຼາດທຶນລະຫວ່າງປະເທດ ແລະ ມາດຕະຖານພັນທະບັດສີຂຽວຂອງ ອາຊ່ຽນ (ASEAN). ເພື່ອຮັກສາໃບຮັບຮອງ ບໍລິສັດ ພະລັງງານ ບໍລິສຸດ (Energy Absolute) ຈະຕ້ອງໄດ້ລາຍງານການກວດສອບປະຈຳ ປີກ່ຽວກັບການດຳເນີນງານຂອງຟາມກັງຫັນລົມ.
ຜົນໄດ້ຮັບ
ພັນທະບັດສີຂຽວຄັ້ງທຳອິດຂອງ ບໍລິສັດ ພະລັງງານ ບໍລິສຸດ (Energy Absolute) ໄດ້ອອກໃນເດືອນຕຸລາ 2019 ແລະ ມີຜູ້ສະໝັກ ສະມາຊິກຫຼາຍເກີນຄາດໝາຍ. ຜູ້ຖືພັນທະບັດທີ່ຈົດທະບຽນສຳຄັນແມ່ນ ທະນາຄານພັດທະນາອາຊີ (ADB), ບໍລິສັດປະກັນໄພ, ທະນາຄານທຸລະກິດໃນປະເທດ ແລະ ບໍລິສັດຈັດການຊັບສິນ.
ຄວາມສຳເລັດຂອງພັນທະບັດສີຂຽວຂອງ ບໍລິສັດ ພະລັງງານ ບໍລິສຸດ (Energy Absolute) ຊ່ວຍເລັ່ງພັດທະນາຕະຫຼາດພັນທະບັດ ສີຂຽວຂອງປະເທດໄທດ້ວຍການສ້າງແຮງຈູງໃຈໃຫ້ນັກລົງທຶນ ແລະ ຜູ້ອອກພັນທະບັດໃນປະເພດຊັບສິນທີ່ກຳລັງເຕີບໂຕໃໝ່. ການມີ ສ່ວນຮ່ວມຂອງ ທະນາຄານພັດທະນາອາຊີ (ADB) ຊ່ວຍສົ່ງເສີມໃຫ້ໜ່ວຍງານບໍລິຫານຂັ້ນທ້ອງຖິ່ນ, ນັກລົງທຶນ ແລະ ຜູ້ອອກພັນທະ ບັດນຳເອົາແນວທາງປະຕິບັດທີ່ດີທີ່ສຸດລະດັບສາກົນມາໃຊ້ ແລະ ສົ່ງຜົນໃຫ້ມີການຄຳນຶງເຖິງປະໂຫຍດຂອງພັນທະບັດສີຂຽວເຊິ່ງຈະ ເຮັດໃຫ້ຜູ້ມີອຳນາດຕັດສິນໃຈຂອງລັດຖະບານ, ແລະ ຜູ້ອອກພັນທະບັດ ແລະ ຜູ້ຊື້ ທີ່ໄດ້ຮັບຜົນປະໂຫຍດຂອງຊັບສິນທີ່ກຳລັງເຕີບໂຕ ໄດ້ດີຂື້ນ. ເດືອນທັນວາ 2022, ມີການອອກພັນທະບັດສີຂຽວມູນຄ່າ 48.1 ຕຶ້ ບາດ (1.4 ຕື້ ໂດລາສະຫະລັດ) ** ນັດຕັ້ງແຕ່ການອອກ ພັນທະບັດຂອງ ບໍລິສັດ ພະລັງງານ ບໍລິສຸດ (Energy Absolute) ທຽບພຽງ 7 ຕື້ ບາດ (199.8 ລ້ານ ໂດລາສະຫະລັດ) **ໃນການ ອອກພັນທະບັດທັງໝົດກ່ອນໜ້ານີ້.
ບົດຮຽນທີ່ສຳຄັນ
ໂປຣໄຟໜີ້ສິນທີ່ດີ ແລະ ປະຫວັດການເຮັດວຽກທີ່ດີຂອງຜູ້ອອກພັນທະບັດ:
ກ່ອນການອອກພັນທະບັດ, ພັນທະບັດສີຂຽວຍັງບໍ່ ໄດ້ຮັບຄວາມເຂົ້າໃຈຢ່າງລະອຽດຈາກນັກລົງທຶນຄົນໄທ ແລະ ຄວາມຕ້ອງການໃນເຄື່ອງມືນີ້ຍັງບໍ່ແນ່ນອນ. ປັດໃຈພ້ືນຖານທາງ ທຸລະກິດທີ່ໝັ້ນຄົງຂອງ ບໍລິສັດ ພະລັງງານ ບໍລິສຸດ (Energy Absolute) ລວມເຖິງໂປຣໄຟໜີ້ສິນທີ່ດີ ແລະ ປະຫວັດການ ລະດົມທຶນທີ່ປະສົບຄວາມສຳເລັດເຮັດໃຫ້ນັກລົງທຶນໃນປະເທດໝັ້ນໃຈໃນຄວາມໜ້າເຊື່ອຖືຂອງພັນທະບັດສີຂຽວ, ເຖິງແມ່ນ ວ່າຕະຫຼາດຈະຍັງບໍ່ຄ່ອຍເຂົ້າໃຈໃນຊັບສິນປະເພດນີ້ ແລະ ເມື່ອມີການອອກພັນທະບັດເຫຼົ່ານີ້ກໍ່ຜູ້ສະໝັກຫຼາຍເກີນຈຳນວນ.
ບົດບາດຂອງສະຖາບັນການເງິນເພື່ອການພັດທະນາເມື່ອແນະນຳຜະລິດຕະພັນໃໝ່ອອກສູ່ຕະຫຼາດ
ທະນາຄານພັດທະນາອາຊີ (ADB) ມີບົດບາດສຳຄັນໃນການໃຊ້ຄວາມໜ້າເຊື່ອຖື ແລະ ຄວາມຊື່ສັດຂອງຕົນໃນການເສີມສ້າງຄວາມສາມາດທາງການ ຕະຫຼາດຂອງພັນທະບັດສີຂຽວ ບໍລິສັດ ພະລັງງານ ບໍລິສຸດ (Energy Absolute) ແລະ ຊ່ວຍດຶງດູດຜູ້ເຂົ້າຮ່ວມຕະຫຼາດຈຳ ນວນຫຼາຍ ເຊັ່ນ: ບໍລິສັດປະກັນໄພ, ກອງທຶນກະສຽນອາຍຸ ແລະ ນັກລົງທຶນ ຊັ້ນນຳໃນປະເທດອື່ນໆ. ບົດບາດຂອງ ທະນາຄານ ພັດທະນາອາຊີ (ADB) ໃນການອຳນວຍຄວາມສະດວກໃນການຮັບຮອງພັນທະບັດສີຂຽວຂອງບໍລິສັດ ພະລັງງານ ບໍລິສຸດ (Energy Absolute) ຍັງຊ່ວຍຫຼຸດຄວາມກັງວົນກ່ຽວກັບຄວາມຕ້ອງການຂອງຕະຫຼາດສຳລັບຊັບສິນປະເພດດັ່ງກ່າວ ອີກດ້ວຍ.
ແຫຼ່ງຂໍ້ມູນ/ຂໍ້ມູນຂ່າວສານເພີ່ມເຕີມ
- ທະນາຄານ ພັດທະນາອາຊີ (ADB) (2022). ບົດລາຍງານການທົບທວນປະຈຳປີເພີ່ມເຕີມ: ພັນທະບັດສີຂຽວຂອງ ບໍລິສັດ ພະລັງງານ ບໍລິສຸດ (Energy Absolute) ສຳລັບໂຄງການພະລັງງານລົມ (ປະເທດໄທ). ສາມາດເຂົ້າເບິ່ງຂໍ້ມູນໄດ້ທີ່: https://www.adb.org/sites/default/files/project-documents/53255/53255-001-xarr-en.pdf
- ທະນາຄານພັດທະນາອາຊີ (ADB) (2019). ການລົງທຶນໜີ້ສິນທີ່ສະເໜີ: ພັນທະບັດສີຂຽວຂອງ ບໍລິສັດ ພະລັງງານ ບໍລິສຸດ (Energy Absolute) ສຳລັບໂຄງການພະລັງງານລົມ (ປະເທດໄທ). ສາມາດເຂົ້າເບິ່ງຂໍ້ມູນໄດ້ທີ່: https://www.adb.org/sites/default/files/project-documents/53255/53255-001-rrp-en.pdf
- *ກະລຸນາຮັບຊາບວ່າຄ່າເງິນ ໂດລາສະຫະລັດ ຖືກຄິດໄລ່ຕາມອັດຕາແລກປ່ຽນສະເລ່ຍ 12 ເດືອນ ໃນປີ 2019. ດຶງຂໍ້ມູນມາຈາກເວັບໄຊ: https://www.x-rates.com/average/?from=USD&to=THB&amount=1&year=2022#google_vignette
- *ກະລຸນາຮັບຊາບວ່າຄ່າເງິນ ໂດລາສະຫະລັດ ຖືກຄິດໄລ່ຕາມອັດຕາແລກປ່ຽນສະເລ່ຍ 12 ເດືອນ ໃນປີ 2022. ດຶງຂໍ້ມູນມາຈາກເວັບໄຊ: https://www.x-rates.com/average/?from=USD&to=THB&amount=1&year=2022#google_vignette
