ເຄື່ອງມືທາງດ້ານການສະໜອງເງິນທຶນ ແລະ ຈຳນວນເງິນ
ຍານພາຫະນະພິເສດເທິງເສັ້ນທາງດ່ວນ (BUJT) ທີ່ສ້າງເສັ້ນທາງດ່ວນ MBZ ໄດ້ຂາຍຫຸ້ນ 40% ໃນ PT ຈາສາມາກາ ຈາລັນລາຢັງ ຈິຄຳເປັກ (Jasamarga Jalanlayang Cikampek) (JJC) ໃນມູນຄ່າ 4.38 ພັນຕື້ ອິນໂດເນເຊຍ ໂດລາ ໂລປີ (IDR) (291.6 ລ້ານໂດລາສະຫະລັດ) * ໃຫ້ກັບ PT ມາເກົາຕາມາ ນູຊັນຕາຣາ (Margautama Nusantara) (MUN) ເຊິ່ງເປັນບໍລິສັດຍ່ອຍຂອງ ກຸ່ມບໍລິສັດ ຊາລິມ (Salim Group Company).
ຄວາມເປັນມາ
ວັນທີ 18 ກຸມພາ 2020, ລັດຖະບານອິນໂດເນເຊຍໄດ້ຈັດຕັ້ງປະຕິບັດຂອບກົດໝາຍໃໝ່ສຳລັບໂຄງການສຳປະທານແບບຈຳກັດ (LCS) ໃນຂະແໜງການສ້າງພື້ນຖານໂຄງລ່າງ. ກົດລະບຽບໃໝ່ນີ້ແມ່ນໄດ້ລະບຸໄວ້ໃນຂໍ້ກຳນົດຂອງປະທານປະເທດສະບັບເລກທີ 32 ປີ 2020 ກ່ຽວກັບການສະຫນອງເງິນທຶນຂອງໂຄງສ້າງພື້ນຖານໂດຍຜ່ານສິດທິການນຳໃຊ້ທີ່ຈໍາກັດ.
LCS ສະໜັບສະໜູນການນໍາເອົາຊັບສິນກັບມາໃຊ້ຄືນສໍາລັບຊັບສິນພື້ນຖານໂຄງລ່າງໃນປະເທດອິນໂດເນເຊຍ, ລວມທັງເສັ້ນທາງທີ່ເກັບຄ່າຜ່ານທາງ. ມາຮອດປີ 2023, ອິນໂດເນເຊຍມີ 81 ເສັ້ນທາງທີ່ເກັບຄ່າຜ່ານທາງທີ່ດຳເນີນຢູ່ແລ້ວ, ພວມດຳເນີນງານບາງສ່ວນ, ຢູ່ລະຫວ່າງການກໍ່ສ້າງ ຫຼື ຢູ່ໃນໄລຍະການໄດ້ມາການເອົາທີ່ດິນຕາມສັນຍາພັດທະນາທາງເກັບຄ່າຜ່ານທາງ (PPJT).
ການພັດທະນາເສັ້ນທາງໂດຍການເກັບຄ່າຜ່ານທາງໃນອິນໂດເນເຊຍ ແມ່ນມີຄວາມຈໍາເປັນສໍາລັບການແກ້ໄຂບັນຫາຄວາມບໍ່ສະເໝີພາບ ທາງດ້ານເສດຖະກິດສັງຄົມໃນພາກພື້ນ. ເສັ້ນທາງທີ່ເກັບຄ່າຜ່ານທາງໄດ້ປະກອບສ່ວນຢ່າງຫຼວງຫຼາຍເຂົ້າໃນການພັດທະນາຂອງພາກພື້ນ ແລະ ການເຕີບໂຕທາງເສດຖະກິດໂດຍການປັບປຸງການເຄື່ອນຍ້າຍ ແລະ ການເຂົ້າເຖິງຂອງສິນຄ້າ ແລະ ຜູ້ຄົນ. ນອກຈາກນັ້ນ, ພວກເຂົາຍັງສະເໜີທາງເລືອກໃນການຂົນສົ່ງທີ່ຄຸ້ມຄ່າກວ່າອີກດ້ວຍ. ເຖິງຢ່າງໃດກໍ່ຕາມ, ຄວາມຖ້າທາຍໃນການພັດທະນາພື້ນຖານໂຄງລ່າງ ດ້ານການເງິນຍັງຄົງມີຢູ່. ອີງຕາມແຜນຍຸດທະສາດລັດຖະມົນຕີ 2020-2024 ຂອງກະຊວງໂຍທາ ແລະ ທີ່ຢູ່ອາໄສຂອງສາທາລະນະລັດອິນໂດເນເຊຍ, ລັດຖະບານມີເປົ້າໝາຍທີ່ຈະກໍ່ສ້າງເສັ້ນທາງດ່ວນທີ່ມີໄລຍະທາງຍາວ 2,000 ກິໂລແມັດ ເນື່ອງຈາກຂໍ້ຈໍາກັດດ້ານງົບປະມານຂອງລັດ, ການນໍາໃຊ້ ເງິນທຶນຈາກພາກເອກະຊົນໂດຍຜ່ານໂຄງການການເງິນທາງເລືອກຈື່ງເປັນສິ່ງສຳຄັນ.
ວິທີການ
ແນວຄິດຂອງການນໍາໃຊ້ຊັບສິນຄືນໃໝ່ໃນການຈັດຫາເງິນທຶນພື້ນຖານໂຄງລ່າງກ່ຽວຂ້ອງກັບກົນໄກການຈັບມູນຄ່າທີ່ໃຊ້ໂດຍໜ່ວຍງານພາກລັດໂດຍສະເພາະໜ່ວຍງານຂອງລັດເພື່ອສ້າງລາຍໄດ້ສໍາລັບການລົງທຶນຂອງໂຄງການກໍ່ສ້າງພື້ນຖານໂຄງລ່າງດ້ານການຄົມມະນາຄົມໃໝ່. ຂະບວນການນີ້ລວມເຖິງການເຊົ່າສິ່ງອໍານວຍຄວາມສະດວກເທິງເສັ້ນທາງຫຼວງທີ່ມີຢູ່ໃຫ້ກັບນັກລົງທຶນພາກເອກະເຊິ່ງຈະຊ່ວຍດຶງດູດເອົາມູນຄ່າຈາກຊັບສິນເຫຼົ່ານີ້. ການນໍາໃຊ້ຊັບສິນຄືນໃໝ່ ສາມາດແບ່ງອອກເປັນຂະບວນການສອງຂັ້ນຕອນຂໍ້ທີ່ໜຶ່ງ, ການສ້າງລາຍໄດ້ຈາກຊັບສິນສາທາລະນະທີ່ມີຢູ່ແລ້ວເພື່ອສ້າງລາຍຮັບ ແລະ ຂໍ້ທີ່ສອງ, ນຳໃຊ້ເງິນທຶນທີ່ໄດ້ຈາກການລົງທຶນເພີ່ມເຕີມໃນພື້ນຖານໂຄງລ່າງທາງດ້ານຄົມມະນາຄົມ.
ໃນອິນໂດເນເຊຍ, ຖະໜົນທີ່ເກັບຄ່າຜ່ານທາງທຸກສາຍໄດ້ດໍາເນີນການພາຍໃຕ້ຍານ ພາຫະນະທີ່ມີຈຸດປະສົງພິເສດຂອງຖະໜົນ ທີ່ເກັບຄ່າຜ່ານທາງ ຫຼື ໃນອິນໂດເນເຊຍແປເປັນພາສາ ບາດານ ຢູ່ຊາຮາ ຕໍ (Badan Usaha Jalan Tol) (BUJT) ການພັດທະນາທາງພິເສດ ດໍາເນີນການໂດຍລັດວິສາຫະກິດຕ່າງໆ (SOE) ຫຼື ບໍລິສັດເອກະຊົນພາຍໃຕ້ຂໍ້ຕົກລົງການພັດທະນາພິເສດ ຫຼື ເປີຈານຈຽນ ເປັນກູຊາຮານ ຈາລານຕໍ (Perjanjian Pengusahaan Jalan Tol) (PPJT) ຈຸດປະສົງຂອງການສໍາປະທານທີ່ສ້າງລາຍໄດ້ໃຫ້ກັບ BUJT ຄືການດໍາເນີນກິດຈະການທາງພິເສດທີ່ບໍ່ແມ່ນຊັບສິນ. ພາຍໃຕ້ໂຄງສ້າງທາງກົດໝາຍໃນປັດຈຸບັນຂອງ PPJT, ໂຄງການ ຖະໜົນທີ່ເກັບຄ່າຜ່ານທາງທີ່ດໍາເນີນການຢູ່ສາມາດມີຄຸນສົມບັດຕາມໂຄງການການນໍາໃຊ້ຊັບສິນຄືນໃໝ່ພາຍໃຕ້ຂອບ ເຂດການເຮັດວຽກ LCS ທີ່ປັບປຸງໃໝ່.
ເສັ້ນທາງເກັບຄ່າຜ່ານທາງ (MBZ Toll Road) ຊື່ເດີມແມ່ນ ເສັ້ນທາງເກັບຄ່າຜ່ານທາງ ຈາກາຕາ-ຈິຄຳເປັກ II ອີລີເວເຕັດ (Jakarta-Cikampek II Elevated Toll Road) ແລະ BUJT ທີ່ດໍາເນີນການຢູ່ໄດ້ຂາຍຫຸ້ນ 40% ຂອງບໍລິສັດ PT ຈາສາມາກາ ຈາລັນຈັງ ຈິຄຳເປັກ (Jasamarga Jalanlayang Cikampek) (JJC) ໃຫ້ກັບ PT ມາເກົາຕາມາ ນູຊັນຕາຣາ (Margautama Nusantara) (MUN) ເຊິ່ງເປັນບໍລິສັດໃນເຄືອຂອງ ກຸ່ມບໍລິສັດ ສະລິມ (Salim Group Company) ສໍາລັບ 4.38 ລ້ານລ້ານ ອິນໂດເນເຊຍ ໂດລາ ໂລປີ IDR (291.6 ລ້ານ ໂດລາສະຫະຫຼັດ)* JJC ເຊິ່ງເປັນບໍລິສັດໃນເຄືອຂອງລັດວິສາຫະກິດ ຈາຊາ ມາກາ (Jasa Marga) (JSMR) ໄດ້ເປີດໃຊ້ງານເສັ້ນທາງເກັບຄ່າຜ່ານທາງ MBZ ມາຕັ້ງແຕ່ປີ 2017 ໂດຍມີໄລຍະເວລາສໍາປະທານດົນເຖິງ 45 ປີຈົນຮອດປີ 2062. ເຖິງແມ່ນວ່າຈະມີການຂາຍອອກໄປແລ້ວແຕ່ວ່າ JJC ຈະຍັງຄົງໃຫ້ບໍລິການທາງພິເສດຕໍ່ໄປຕາມສັນຍາສໍາປະທານເດີມ.
ລາຍໄດ້ຈາກການຂາຍກິດຈະການເປັນສ່ວນໜຶ່ງຂອງຄວາມພະຍາຍາມໃນການນໍາຊັບສິນກັບມາໃຊ້ຄືນຂອງ JSMR ກອງທຶນເຫຼົ່ານີ້ມີເປົ້າໝາຍເພື່ອເພີ່ມຄວາມເຂັ້ມແຂງໃຫ້ກັບກະແສເງິນສົດຂອງ JSMR ແລະ ຈະຖືກຈັດສັນໃຫ້ກັບການລົງທຶນທາງດ່ວນອື່ນໆລວມເຖິງພາກສ່ວນລະຫວ່າງ ຍອກຍາກາຕາ-ໂຊໂລ (Yogyakarta-Solo), ພາກສ່ວນຍອກຍາກາຕາ-ບາເວັນ (Yogyakarta-Bawen) ແລະ ພາກສ່ວນ ເກເດເບດຈ-ຕາຊິມາລາວາ (Gedebage-Tasikmalaya).
ຜົນໄດ້ຮັບ
ໂຄງການພັດທະນາຖະໜົນທີ່ເກັບຄ່າຜ່ານທາງທີ່ກຳລັງດຳເນີນຢູ່ອິນໂດເນເຊຍສະແດງໃຫ້ເຫັນສັນຍານທີ່ແນວໂນ້ມໃນການແກ້ໄຂຄວາມແຕກຕ່າງກັນທາງດ້ານເສດຖະກິດສັງຄົມໃນພາກພື້ນ ແລະ ສົ່ງເສີມການເຕີບໂຕທາງເສດຖະກິດ. ໂດຍການເພີ່ມທະວີຄວາມຄ່ອງຕົວ ແລະ ການເຂົ້າເຖິງ, ໂຄງການດັ່ງກ່າວໄດ້ປະກອບສ່ວນເຂົ້າໃນການພັດທະນາພາກພື້ນ ແລະ ອຳນວຍຄວາມສະດວກໃຫ້ແກ່ການຂົນສົ່ງສິນຄ້າ ແລະ ຜູ້ຄົນໃຫ້ມີປະສິດທິພາບຫຼາຍຂື້ນ. ການເຊື່ອມໂຍງທີ່ໄດ້ຮັບການປັບປຸງຄາດວ່າຈະກະຕຸ້ນເສດຖະກິດໃນທ້ອງຖິ່ນ ແລະ ຊ່ວຍກະຈາຍຜົນປະໂຫຍດທາງເສດຖະກິດຢ່າງເທົ່າທຽມກັນທົ່ວທັງພຸມມີພາກຕ່າງໆ. ນອກຈາກນີ້ ໂຄງການນີ້ຍັງໃຫ້ທາງເລືອກໃນການຂົນສົ່ງທີ່ຄຸ້ມທຶນຫຼາຍຂື້ນ ເຊິ່ງອາດຈະຊ່ວຍຫຼຸດເວລາ ແລະ ຄ່າໃຊ້ຈ່າຍໃນການເດີນທາງສຳລັບທາງທຸລະກິດ ແລະ ສ່ວນບຸກຄົນ.
ຍິ່ງໄປກວ່ານັ້ນ, ວິທີການຂອງການຈັດຫາເງິນທຶນຂອງໂຄງການ – ໂດຍການນໍາໃຊ້ຊັບສິນຄືນໃໝ່ ແລະ ໂຄງການທາງເລືອກ – ເບິ່ງຄືວ່າເປັນຍຸດທະສາດເຊິ່ງປະຕິບັດເພື່ອເອົາຊະນະສິ່ງທ້າທາຍດ້ານການຈັດຫາເງິນທຶນພື້ນຖານໂຄງລ່າງ. ການນໍາໃຊ້ປະໂຫຍດທຶນຂອງພາກເອກະຊົນຊ່ວຍໃຫ້ລັດຖະບານສາມາດບັນລຸເປົ້າໝາຍການກໍ່ສ້າງເສັ້ນທາງທີ່ເກັບຄ່າຜ່ານທາງທີ່ມີໄລຍະທາງ 2,000 ກິໂລແມັດ ເຖິງວ່າຈະມີຂໍ້ຈຳກັດດ້ານງົບປະມານກໍ່ຕາມ. ໃນຂະນະທີ່ໂຄງການຍັງຢູ່ໃນລະຫວ່າງການດຳເນີນງານ, ວິທີການຈັດຫາເງິນທຶນທີ່ມີນະວັດຕະກໍາ ນໍາໃຊ້ແລ້ວ ແນະນໍາຮູບແບບທີ່ມີຄວາມເປັນໄປໄດ້ສໍາລັບການລິເລີ່ມດ້ານພື້ນຖານໂຄງລ່າງໃນອະນາຄົດ, ສະແດງໃຫ້ເຫັນວ່າການຮ່ວມມືລະຫວ່າງພາກລັດ ແລະ ພາກເອກະຊົນສາມາດສະໜັບສະໜູນຄວາມກ້າວໜ້າທີ່ສໍາຄັນໄດ້ໃນການພັດທະນາການຂົນສົ່ງ.
ການຮຽນຮູ້
ຂະຫຍາຍລາຍຈ່າຍທາງດ້ານທຶນ.
JSMR ກໍາລັງໃຊ້ການຂະຫຍາຍເງິນລົງທຶນຢ່າງມີກົນລະຍຸດເພື່ອເພີ່ມຄວາມເຂັ້ມແຂງໃຫ້ກັບກະແສເງິນສົດ ແລະ ສະໜັບສະໜູນການກໍ່ສ້າງພາກສ່ວນທາງພິເສດເພີ່ມຕື່ມ. ວິທີການນີ້ ເຊິ່ງເປັນສ່ວນໜຶ່ງຂອງໂຄງການນໍາຊັບສິນກັບມາໃຊ້ຄືນໃໝ່ມີເປົ້າໝາຍເພື່ອຕອບສະໜອງຄວາມຕ້ອງການລາຍຈ່າຍຝ່າຍເງິນທຶນຂອງບໍລິສັດສໍາລັບໂຄງການໃນອະນາຄົດ. ໃນ ການໝູນວຽນ ສະໜັບສະໜູນຈຸດປະສົ່ງລະດັບຊາດທີ່ກວ້າງຂວາງຂຶ້ນເພື່ອຈັດກຽມໂຄງການພື້ນຖານໂຄງລ່າງທີ່ເຊື່ອມໂຍງກັນ.
ການນໍາໃຊ້ຊັບສິນຄືນໃໝ່ອາດຈະມີຫຼາຍຮູບແບບ.
ບໍ່ມີການນໍາໃຊ້ຊັບສິນຄືນໃໝ່ພຽງຮູບແບບດຽວ. ການຂາຍກິດຈະການຄືດັ່ງທີ່ເຫັນໄດ້ຈາກ ເສັ້ນທາງເກັບຄ່າຜ່ານທາງ (MBZ Toll Road) ຫຼື ການສົ່ງມອບຊັບສິນອາດເປັນທາງເລືອກທີ່ເປັນໄປໄດ້ສໍາລັບການຈັດການໂຄງການທາງດ່ວນທີ່ດໍາເນີນການໃນອິນໂດເນເຊຍ ແລະ ສະຖານທີ່ອື່ນໆ. ເປັນສິ່ງສໍາຄັນສໍາລັບເຈົ້າໜ້າທີ່ຂອງລັດທີ່ຈະຕ້ອງເຂົ້າໃຈຄວາມຕ້ອງການສະເພາະຂອງຕົນ ແລະ ສໍາຫຼວດກົນໄກ ຫຼື ແບບຈໍາລອງທີ່ຕົງກັບຄວາມຕ້ອງການເຫຼົ່ານີ້.
ຂອບເຂດກົດໝາຍແມ່ນມີຄວາມສຳຄັນ.
ຂອບເຂດກົດໝາຍໃໝ່ສຳລັບໂຄງການສຳປະທານຈຳກັດ (LCS) ພາຍໃນຂະແໜງພື້ນຖານໂຄງລ່າງແມ່ນມີຄວາມສຳຄັນຢ່າງຍິ່ງເພື່ອສະໜັບສະໜູນການນຳເອົາຊັບສິນມາໃຊ້ຄືນໃນອິນໂດເນເຊຍ. ໂດຍສະເພາະພື້ນຖານໂຄງລ່າງຂອງບົດບາດການເກັບຄ່າຜ່ານທາງ, ການມີກົດລະບຽບ ແລະ ຂໍ້ບັງຄັບທີ່ເຂັ້ມງວດ ໃນການຄຸ້ມຄອງຮູບແບບການດຳເນີນງານ ແລະ ໂຄງການສຳປະທານ ສະໜັບສະໜູນຄວາມສາມາດຂອງໂຄງການເສຍຄ່າຜ່ານທາງເພື່ອໃຫ້ມີຄຸນສົມບັດໃນການນຳເອົາຊັບສິນມາໃຊ້ຄືນພາຍໃຕ້ LCS.
ແຫຼ່ງຂໍ້ມູນ/ຂໍ້ມູນຂ່າວສານເພີ່ມເຕີມ
- ທະນາຄານໂລກ (2020). ສູນຊັບພະຍາກອນກົດໝາຍຂອງບໍລິສັດຫຸ້ນສ່ວນເອກະຊົນພາກລັດ. ອິນໂດນເຊຍ. ຮູບແບບການສໍາປະທານໃໝ່ຖືກນຳສະເໜີເພື່ອສ້າງລາຍໄດ້ຈາກຊັບສິນພື້ນຖານໂຄງລ່າງຂອງລັດຖະບານ/ລັດວິສາຫະກິດທີ່ມີຢູ່SOE. ສາມາດເຂົ້າເບິ່ງຂໍ້ມູນໄດ້ທີ່: https://ppp.worldbank.org/public-private-partnership/library/new-concession-model-introduced-monetise-existing-government-soe-infrastructure-assets
- Deloitte (2020). ແຈ້ງເຕືອນລູກຄ້າກ່ຽວກັບກົດລະບຽບໃຫມ່ສໍາລັບການມີສ່ວນຮ່ວມຂອງເອກະຊົນໂດຍຜ່ານການສໍາປະທານທີ່ຈຳກັດຂອງຊັບສິນ ຂອງລັດ ແລະ ລັດວິສາຫະກິດ SOE ຈໍາກັດ. ສາມາດເຂົ້າເບິ່ງຂໍ້ມູນໄດ້ທີ່: https://www2.deloitte.com/content/dam/Deloitte/id/Documents/tax/id-tax-client-alert-apr2020.pdf
- White & Case (2024). ການປັບປຸງກົດລະບຽບ: ການຈັດຫາທີ່ດິນສໍາລັບໂຄງການທາງດ່ວນ. ສາມາດເຂົ້າເບິ່ງຂໍ້ມູນໄດ້ທີ່: https://www.whitecase.com/insight-alert/regulatory-update-land-procurement-toll-road-projects
- IDNFinancials (2022). ການນໍາຊັບສິນກັບມາໃຊ້ຄືນ: JSMR ຂາຍ MBZ Toll ເປັນຈຳນວນເງິນ 4.38 ສິບຕື້ ອິໂດເນເຊຍ ໂດລາ ລູປີ (IDR). ສາມາດເຂົ້າເບິ່ງຂໍ້ມູນໄດ້ທີ່: https://www.idnfinancials.com/id/news/45502/asset-recycling-jsmr-divest-mbz-toll-idr
- *ສັງເກດວ່າມູນຄ່າ ເງິນໂດລາ ສະຫະລັດ (USD) ແມ່ນຄິດໄລ່ຕາມອັດຕາແລກປ່ຽນສະເລ່ຍຂອງ 12 ເດືອນໃນປີທີ່ໂຄງການໄດ້ຖືກສະຫຼຸບ. ດຶງຂໍ້ມູນຈາກເວັບໄຊ້: https://www.x-rates.com/average/?from=USD&to=IDR&amount=1&year=2020#google_vignette
