ឧបករណ៍ហិរញ្ញប្បទាន និងចំនួនទឹកប្រាក់

SGD 197.6 លាន (265.6 លានដុល្លារអាមេរិក)* តាមរយៈការផ្ទេរប្រាក់របស់រដ្ឋាភិបាលជាតិ

ជីវប្រវត្តិ

គំនិតផ្តួចផ្តើមអំពី Smart Nation បានចាប់ផ្តើមដោយលោកនាយករដ្ឋមន្ត្រី Lee Hsien Loong ក្នុងឆ្នាំ 2014។ គំនិត​ផ្តួចផ្ដើមនេះមានការដឹកនាំពីក្រុមហ៊ុន Smart Nation Group (SNG) ដែលជាស្ថាប័នស្ថិតក្រោម​ការិយាល័យ​នាយករដ្ឋមន្ត្រី (PMO) ទទួលខុសត្រូវក្នុងការកំណត់យុទ្ធសាស្ត្រ និងទិសដៅគោលនបាយសម្រាប់ការអភិវឌ្ឍ និង​គ្រប់គ្រងព័ត៌មាន និងទំនាក់ទំនង ឧស្សាហកម្មប្រព័ន្ធផ្សព្វផ្សាយ បច្ចេកវិទ្យាឌីជីថល និងការអភិវឌ្ឍប្រទេសជាតិឆ្លាតវៃ។

វិធីសាស្រ្ត

បច្ចុប្បន្ន ក្រុមហ៊ុន Smart Nation Group បានគ្រប់គ្រងក្រោម MCI ដែលត្រូវបានបែងចែកថវិកាប្រតិបត្តិការចំនួន 197.6 លានដុល្លារ (265.6 លានដុល្លារអាមេរិក)* ក្នុងឆ្នាំសារពើពន្ធ 2024 (ជាចំណែកមួយនៃថវិកា​ដែលបាន​បែង​ចែក​របស់ MCI)។ ការបែងចែកថវិកានេះត្រូវបានចងក្រងនៅក្នុងឯកសារស្ដីពីថវិការបស់ក្រសួងហិរញ្ញវត្ថុសិង្ហបុរី។ 

លទ្ធផល

គ្រុបបានដាក់បញ្ចូលនូវបច្ចេកវិទ្យាឆ្លាតវៃជាច្រើននៅក្នុងវិស័យសាធារណៈ និងឯកជន។ សមិទ្ធផលដ៏ធំបំផុតមួយ​គឺជា​ការធ្វើទំនើបកម្មឌីជីថលដោយជោគជ័យរហូតដល់ 95% នៃសេវាកម្មរដ្ឋាភិបាលទាំងអស់។ ការធ្វើបែបនេះ​ធ្វើឱ្យមាន​ការថយចុះលើឯកសារសរសេរ ធ្វើឱ្យពេលវេលាដំណើរការប្រសើរឡើង និងបង្កលក្ខណៈងាយស្រួលកាន់តែច្រើន​ដល់​ប្រជាពលរដ្ឋ។

ភាពជោគជ័យផ្សេងទៀតរួមមាន ការគាំទ្រដល់ការអភិវឌ្ឍជាបន្តបន្ទាប់របស់ប្រព័ន្ធដឹកជញ្ជូនឆ្លាតវៃសិង្ហបុរី (ITS) និង​ការធ្វើសមាហរណកម្មរបស់ខ្លួនជាមួយយុទ្ធសាស្ត្ររបស់ Smart Nation ដែលបានចេញផ្សាយក្នុងឆ្នាំ 2018។ ITS គឺជា​ប្រព័ន្ធដែលប្រើបណ្តុំឧបករណ៍ចាប់សញ្ញា និងកាមេរ៉ា ដើម្បីប្រមូលទិន្នន័យអំពីលំហូរចរាចរណ៍ និងពេលវេលាធ្វើ​ដំណើរដើម្បីជួយអ្នកធ្វើដំណើរក្នុងការធ្វើដំណើរប្រចាំថ្ងៃរបស់ពួកគេ។ ប្រព័ន្ធនេះក៏ផ្តល់ជូនមន្រ្តីរដ្ឋាភិបាល​នូវ​មធ្យោ-បាយត្រួតពិនិត្យ និងគ្រប់គ្រងលំហូរចរាចរណ៍ ប្រមូលព័ត៌មានស៊ីជម្រៅអំពីទំហំស័ក្ដិសិទ្ធភាពរបស់បណ្តាញផ្លូវ និងធ្វើការសម្រេចចិត្តដើម្បីបង្កើនសុវត្ថិភាពផ្លូវ។ 

ភាពជោគជ័យខាងលើនេះបានរួមចំណែកយ៉ាងធំធេងក្នុងការធ្វើឱ្យប្រទេសសិង្ហបុរីក្លាយជា “ទីក្រុងឆ្លាតវៃបំផុត” មួយក្នុង​ចំណោមទីក្រុងឆ្លាតវៃបំផុតទាំងប្រាំនៅលើពិភពលោក នេះបើយោងតាមសន្ទស្សន៍ទីក្រុងឆ្លាតវៃឆ្នាំ 2024 ដោយសាលា​ធុរកិច្ច IMD។