លិខិតុបករណ៍ហិរញ្ញប្បទាន និងចំនួនទឹកប្រាក់៖
ទឹកប្រាក់ 600 លានដុល្លារអាមេរិកពីមូលបត្របំណុលបៃតង
ជីវប្រវត្តិ
Kommuninvest គឺជាទីភ្នាក់ងារផ្តល់ប្រាក់កម្ចីរបស់រដ្ឋាភិបាលនៅប្រទេសស៊ុយអែត។ ទីភ្នាក់ងារនេះត្រូវបានបង្កើតឡើងនៅក្នុងឆ្នាំ 1986 ដើម្បីផ្តល់ឱ្យរដ្ឋាភិបាលក្នុងតំបន់ និងភូមិភាគនូវមធ្យោបាយហិរញ្ញប្បទានដែលសន្សំថ្លៃចំណាយ និងមានចីរភាពជាងធនាគារពាណិជ្ជ ដែលនៅពេលនោះគឺជាប្រភពតែមួយគត់នៃមូលនិធិផ្ដល់ពីខាងក្រៅ។ វិធីសាស្រ្តសំខាន់មួយក្នុងចំណោមវិធីសាស្រ្ដសំខាន់ផ្សេងទៀតរបស់ Kommuninvest គឺការបង្កើនដើមទុនតាមរយៈការចេញមូលបត្របំណុល ដែលការធ្វើបែបនេះនឹងទទួលបាននូវសេដ្ឋកិច្ចមាត្រដ្ឋាន (និងការសន្សំសំចៃលើការចំណាយ) តាមរយៈការប្រមូលផ្តុំតម្រូវការមូលនិធិរបស់រដ្ឋាភិបាលមូលដ្ឋានក្រោមមធ្យោបាយផ្តល់មូលនិធិរួមគ្នា។
វិធីសាស្រ្ត
នៅខែមិថុនា ឆ្នាំ 2015, Kommuninvest បានចាប់ផ្តើមផ្តល់កម្ចីបៃតងដល់គម្រោងវិនិយោគរបស់រដ្ឋាភិបាលក្នុងតំបន់ដែលលើកកម្ពស់ដំណើរផ្លាស់ប្តូររបស់ប្រទេសស៊ុយអែតទៅកាន់សង្គមប្រកបដោយចីរភាព។ ប្រភេទគម្រោងចំនួនប្រាំបីត្រូវបានបង្កើតឡើង រួមមានថាមពលកកើតឡើងវិញ ការសន្សំសំចៃថាមពល អគារបៃតង មធ្យោបាយដឹកជញ្ជូនស្អាត ការគ្រប់គ្រងកាកសំណល់ ការគ្រប់គ្រងទឹក និងទឹកសំណល់ ការបន្សាំទៅនឹងការប្រែប្រួលអាកាសធាតុ និងការគ្រប់គ្រងបរិស្ថានក្នុងតំបន់ក្រៅពីការប្រែប្រួលអាកាសធាតុ។
ដើម្បីមានសិទ្ធិទទួលបានប្រាក់កម្ចីបៃតង គម្រោងនានាត្រូវតែបំពេញតាមលក្ខណៈវិនិច្ឆ័យចីរភាពដែលបានកំណត់ជាមុនដែលមានចែងនៅក្នុងក្របខ័ណ្ឌមូលបត្របំណុលបៃតងរបស់ Kommuninvest។ ប្រាក់កម្ចីបៃតងត្រូវបានបញ្ចូលទៅក្នុងផលប័ត្រកម្ចីបៃតង ហើយមូលបត្របំណុលបៃតងរបស់ Kommuninvest ត្រូវបានចេញជូន ដែលមានការប្តេជ្ញាចិត្តក្នុងការបម្រុងទុកប្រាក់ចំណេញពីមូលបត្របំណុលទៅផលប័ត្រ។
លទ្ធផល
នៅថ្ងៃទី 15 ខែមីនា ឆ្នាំ 2016, Kommuninvest បានចេញមូលបត្របំណុលបៃតងដំបូងរបស់ខ្លួនដែលមានទំហំទឹកប្រាក់ 600 លានដុល្លារអាមេរិកពីវិនិយោគិនបៃតងដែលខិតខំប្រឹងប្រែង (67%) និងវិនិយោគិនទូទៅ (33%) និងមានផលប័ត្រកម្ចីបៃតងចំនួន 1.1 ប៊ីលានដុល្លារអាមេរិក ជាមួយនឹងការផ្តល់មូលនិធិសម្រាប់ 25 គម្រោងវិនិយោគក្នុងក្រុងនានាចំនួន 18 របស់ប្រទេសស៊ុយអែត។
តាមរយៈការរួមបញ្ចូលប្រាក់កម្ចីពណ៌បៃតងតែមួយទៅក្នុងផលប័ត្រសរុបនៃប្រាក់កម្ចីបៃតង Kommuninvest អាចជួយក្រុងនានាឱ្យចូលទៅកាន់ទីផ្សារមូលធន និងប្រមូលមូលនិធិសម្រាប់គម្រោងដែលមិនអាចធ្វើបានដោយសារមូលហេតុផ្សេងៗ (ឧទាហរណ៍ បរិមាណមិនគ្រប់គ្រាន់ កង្វះធនធាន និងជំនាញ)។ គម្រោងតូចបំផុតដែលផ្តល់មូលនិធិដោយ Kommuninvest តាមរយៈការចេញមូលបត្របំណុលគឺជាគម្រោងដែលមានប្រាក់កម្ចីបៃតងចំនួនទឹកប្រាក់ 5 លាន SEK (0.6 លានដុល្លាអាមេរិក) ខណៈដែលគម្រោងធំបំផុតមានប្រាក់កម្ចីចំនួន 2.5 ប៊ីលាន SEK (300 លានដុល្លារអាមេរិក)។
ចំណុចស្វែងយល់សំខាន់ៗ
មូលបត្របំណុលបៃតងអាចត្រូវបានប្រើ ដើម្បីជួយដល់គម្រោងមានទំហំផ្សេងៗគ្នាតាមរយៈផលប័ត្រសរុប។
តាមរយៈការប្រមូលផ្តុំប្រាក់កម្ចីពណ៌បៃតងតែមួយទៅក្នុងផលប័ត្រ Kommuninvest អាចជួយក្រុងនានាឱ្យទទួលបានទីផ្សារមូលធន និងផ្តល់ហិរញ្ញវត្ថុដល់គម្រោងបៃតងដែលមានទំហំខុសៗគ្នា។
ការធានាលើប្រភេទនៃគម្រោងដែលកំពុងផ្ដល់ហិរញ្ញវត្ថុ។
ដំណើរការនៃការអនុម័តប្រាក់កម្ចីបៃតងរបស់ Kommuninvest ដែលផ្ដល់មូលនិធិមូលបត្របំណុលបៃតងជាមុន ផ្ដល់ឱ្យវិនិយោគិននូវការធានាថា ប្រភេទគម្រោងដែលមូលបត្របំណុលបៃតងនឹងផ្តល់ហិរញ្ញវត្ថុ គឺផ្អែកទៅលើលក្ខណៈវិនិច្ឆ័យសិទ្ធិទទួលបានយ៉ាងរឹងមាំ និងច្បាស់លាស់។
យុទ្ធសាស្ត្រកាត់បន្ថយហានិភ័យ ដើម្បីបង្កើនផលប្រយោជន៍វិនិយោគិន។
មូលបត្របំណុលបៃតងរបស់ Kommuninvest ត្រូវបានភ្ជាប់ទៅនឹងការផ្តល់ប្រាក់កម្ចីរបស់រដ្ឋាភិបាលក្នុងតំបន់ ជាជាងគម្រោងជាក់លាក់ ដូច្នេះវិនិយោគិនមិនត្រូវបានតម្រូវឱ្យទទួលយកហានិភ័យឥណទានគម្រោងផ្ទាល់នោះទេ។ គុណភាពឥណ-ទានបីដងនៃមូលបត្របំណុលបៃតងក៏មានលក្ខណៈដូចគ្នាទៅនឹងមូលបត្របំណុល Kommuninvest ផ្សេងទៀតដែរ។
ប្រភព/ព័ត៌មានបន្ថែម៖
- Kommuninvest (n.a.)។ មូលបត្របំណុលបៃតង។ មានលើគេហទំព័រ៖ https://kommuninvest.se/eng/homepage/investors/funding/fundingprograms/outstandingbondsandfinalterms/greenbonds.4.35de2c7b1900fda7e62576f.html
- Kommuninvest (ឆ្នាំ 2021)។ ក្របខ័ណ្ឌមូលបត្របំណុលបៃតង។ មានលើគេហទំព័រ៖ https://kommuninvest.se/download/18.35de2c7b1900fda7e62e7b0/1719409479334/Kommuninvest_Green%20Bond%20Framework-FINAL240626.pdf
- វិទ្យាស្ថាន ADB។ បទពិសោធប្រើប្រាស់មូលបត្របំណុលបៃតងនៅក្នុងបណ្ដាប្រទេសន័រឌីក។ មានលើគេហទំព័រ៖ https://www.adb.org/sites/default/files/publication/408336/adbi-wp816.pdf
