ພາຫະນະທາງການເງິນແບບປະສົມປະສານ

ການເງິນແບບປະສົມປະສານ ແມ່ນການນຳໃຊ້ທຶນເລັ່ງລັດ (ເງິນກູ້ສຳປະທານ, ການຄໍ້າປະກັນພັນທະບັດ ແລະ ອື່ນໆ) ຈາກແຫຼ່ງທຶນຂອງພາກລັດ ຫຼື ການກຸສົນເພື່ອເພີ່ມການລົງທຶນຂອງພາກເອກະຊົນເຂົ້າໃນການພັດທະນາແບບຍືນຍົງ.
Download

Instrument Category

  • ກົນໄກການຈັດຫາເງິນທຶນອື່ນໆ

Other ınstruments ın the same Category

ກອງທຶນໝູນວຽນ
ການຈັດຫາທຶນຕາມໃບບິນ/ການສຳລະຄືນຕາມໃບບິນ
ຫຼັກສິນຊັບຄ້ຳປະກັນ (ABS)
ການລະດົມທຶນຈາກມວນຊົນ
ການຄ້ຳປະກັນ

Relevant case study

ຄຳອະທິບາຍ

ການເງິນແບບປະສົມປະສານແມ່ນວິທີການຈັດການທາງໂຄງສ້າງທີ່ເປັນປະໂຫຍດຈາກກອງທຶນ ຫຼື ການເພີ່ມສິນເຊື່ອຈາກແຫຼ່ງສາທາລະນະ ແລະ/ຫຼື ແຫຼ່ງການຊ່ວຍເຫຼືອລ້າເພື່ອໃຫ້ການລົງທຶນມີຄວາມໜ້າສົນໃຈສຳລັບນັກລົງທຶນພາກເອກະຊົນ. ໃນໂຄງສ້າງການເງິນແບບປະສົມ ປະສານ, ເງິນຊ່ວຍເຫຼືອຈາກພາກລັດຖະບານ ຫຼື ກອງທຶນຊ່ວຍເຫຼືອລ້າພາກເອກະຊົນສາມາດຈັດຕັ້ັ້ງປະຕິບັດໄດ້ໃນຮູບແບບເງິນກູ້ສຳ ປະທານ, ເພື່ອນຳໄປສູ່ການຄ້ຳປະກັນພັນທະບັດ ຫຼື ການຊ່ວຍເຫຼືອດ້ານວິຊາການ ລວມເຖິງເຄື່ອງມືອື່ນໆ, ເພື່ອຫຼຸດຜ່ອນບັນຫາການຂາດ ແຄນທຶນ ແລະ ເຮັດໃຫ້ໂຄງການມີຄວາມເປັນໄປໄດ້ຫຼາຍຂຶ້ນ ຫຼື ມີຄວາມໜ້າສົນໃຈສຳລັບການມີສ່ວນຮ່ວມຂອງພາກເອກະຊົນ. ໂຄງສ້າງການເງິນແບບປະສົມປະສານສາມາດເປັນໄປໄດ້ຫຼາຍຮູບແບບ ແຕ່ສິ່ງທີ່ສຳຄັນແມ່ນການເລັ່ງການນຳໃຊ້ທຶນຈາກພາກລັດ ແລະ/ຫຼື ການຊ່ວຍເຫຼືອລ້າເພື່ອປັບປຸງຄວາມສ່ຽງ/ພາບລັກຜົນຕອບແທນຂອງທຸລະກຳການເງິນ ຫຼື ໂຄງການເພື່ອດຶງດູດການມີສ່ວນຮ່ວມຂອງ ພາກເອກະຊົນ. ນັກລົງທຶນແຕ່ລະຄົນໃນໂຄງສ້າງການເງິນແບບປະສົມປະສານຈະມີຄວາມຄາດຫວັງຜົນຕອບແທນທີ່ແຕກຕ່າງກັນ, ເລີ່ມ ຈາກການສຳປະທານສູ່ສັດສ່ວນການຕະຫຼາດ. ຜົນໄດ້ຮັບທີ່ຄາດໄວ້ໃນໂຄງສ້າງການເງິນແບບປະສົມປະສານແມ່ນການພັດທະນາສະພາບ ການຕະຫຼາດທີ່ຍືນຍົງສຳລັບການລົງທຶນ, ສົ່ງເສີມການຂະຫຍາບຕົວທາງດ້ານເສດຖະກິດໄລຍະຍາວ ແລະ ຜົນກະທົບທາງດ້ານສັງຄົມ ແລະ ສິ່ງແວດລ້ອມໃນທາງບວກ.

ເງື່ອນໄຂການເປີດໃຊ້ງານ ແລະ ການພິຈາລະນາທີ່ສຳຄັນ

  • ເງື່ອໄຂຕະຫຼາດສຳລັບການເງິນເຊີງການຄ້າ. ເງື່ອໄຂຕະຫຼາດທີ່ມີຢູ່ແລ້ວມີບົດບາດສຳຄັນໃນການສ້າງທ່າແຮງເພື່ອດຶງດູດການເງິນເຊີງການຄ້າຢູ່ພາຍໃນໂຄງສ້າງການເງິນແບບປະສົມປະສານ. ຕະຫຼາດທີ່ມີກອບລະບຽບການທີ່ດີ, ມີສະຖຽນລະພາບ ແລະ ການເງິນທີ່ໝັ້ນຄົງ, ແມ່ນມີທ່າອ່ຽງໃນການສ້າງ ແລະ ດຶງດູດ ການເງິນໃນເຊີງການຄ້າຫຼາຍຂຶ້ນ.
  • ການສຳປະທານໜ້ອຍທີ່ສຸດ, ຕາມເປົ້າໝາຍ ແລະ ໄລຍະສັ້ນ. ອົງປະກອບສຳຄັນຂອງໂຄງການໂຄງສ້າງການເງິນແບບປະສົມປະສານ ກ່ຽວຂ້ອງກັບການນຳໃຊ້ການເງິນສຳປະທານ (ຕົວຢ່າງ, ການກູ້ຢືມສຳປະທານ, ການຄ້ຳປະກັນ ແລະ ອື່ນໆ) ເພື່ອແກ້ໄຂຄວາມຫຼົ້ມ ເຫຼວຂອງຕະຫຼາດ ແລະ ການລະດົມແຫຼ່ງທຶນເຊີງການຄ້າ. ການສຳປະທານນີ້ຕ້ອງມີຂໍ້ຈຳກັດ, ມີເປົ້າໝາຍຊັດເຈນ ແລະ ເປັນການຊົ່ວ ຄາວເພື່ອຫຼຶກລ້ຽງຄວາມສ່ຽງຈາກການໃຊ້ເງິນຂອງລັດຖະບານໃນການອຸດໜູນຄວາມສ່ຽງຂອງພາກເອກະຊົນທີ່ເກີນຄວາມຈຳເປັນ ຊຶ່ງຈະສືບຕໍ່ເກີດຂຶ້ນຖ້າບໍ່ມີການພັດທະນາຕະຫຼາດທີ່ພຽງພໍ.
  • ຄວາມຍືນຍົງດ້ານການຄ້າຂອງໂຄງການ. ການເງິນແບບປະສົມປະສານສາມາດຊ່ວຍເອົາຊະນະຄວາມຫຼົ້ມເຫຼວຂອງຕະຫຼາດ ແລະ ລະດົມແຫຼ່ງທຶນເຊີງການຄ້າ ທີ່ບໍ່ເຄິຍເກີດຂຶ້ນມາກ່ອນ. ເຖິງຢ່າງໃດກໍຕາມ, ມັນຈຳເປັນຢ່າງຍິ່ງຕ້ອງບໍ່ໃຊ້ການເງິນແບບປະສົມປະ ສານກັບໂຄງການທີ່ເປັນໄປໄດ້ໜ້ອຍທີ່ຈະບັນລຸຄວາມຍືນຍົງໃນທາງການເງີນເຊິ່ງການຄ້າໄດ້. ການເຮັດແບບນັ້ນອາດສົ່ງຜົນໃຫ້ ຕ້ອງຍຸດເງິນອຸດໜູນສຳລັບທຸລະກຳທີ່ບໍ່ສາມາດຍືນຍົງທາງການເງິນໄດ້.
  • ການແຊກແຊງຄວບຄູ່ເພື່ອການພັດທະນາຕະຫຼາດ. ການຮັບປະກັນຄວາມຍືນຍົງດ້ານການຄ້າຂອງໂຄງການອາດຈຳເປັນຕ້ອງມີການ ແຊກແຊງທີ່ເນັ້ນໃສ່ການສົ່ງເສີມການພັດທະນາຕະຫຼາດທີ່ພັດທະນາອອກໄປເກີນຂອບເຂດທາງການເງິນແບບປະສົມປະສານລາຍບຸກຄົນ. ການແຊກແຊງທີ່ມາພ້ອມກັນນີ້ອາດຈະລວມເຖິງການປະຕິຮູບນະໂຍບາຍ, ແຜນງງານການຊ່ວຍເຫຼືອດ້ານວິຊາການ, ການສ້າງ ຄວາມອາດສາມາດ ແລະ ການປະເມີນຄວາມຄືບໜ້າ. ຕົວຢ່າງເຊັ່ນ: ແຜນງານດັ່ງກ່າວອາດເນັ້ນໃສ່ວັດທະນາທຳ ແລະ ແນວຄວາມຄິດ ການຮ່ວມມືທາງການເງິນລະຫວ່າງເທດສະບານ ແລະ ພາກເອກະຊົນເພື່ອຍົກສູງການນຳໃຊ້ທາງເລືອກດ້ານການເງິນສຳລັບໂຄງການ ເມືອງອັດສະລິຍະ. ການຈັດແນວທາງຮ່ວມກັນລະຫວ່າງເຈົ້າໜ້າທີ່ລັດໃນລະດັບເມືອງ, ອົງການຊ່ວຍເຫຼືອລ້າ ແລະ ພາກສ່ວນທີ່ກ່ຽວ ຂ້ອງອື່ນໆ ແມ່ນເປັນສິ່ງສຳຄັນໃນການກຳນົດ ແລະ ຈັດຕັ້ງປະຕິບັດການແຊກແຊງເຫຼົ່ານີ້. 

ສິ່ງທ້າທາຍທີ່ອາດຈະເກີດຂຶ້ນ

  • ຄວາມຊັບຊ້ອນໂຄງສ້າງການຂັບເຄື່ອນການເງິນແບບປະສົມປະສານ. ການຈັດໂຄງສ້າງການຂັບເຄື່ອນການເງິນແບບປະສົມປະສານແມ່ນຄວາມຊັບຊ້ອນຢ່າງເລິກເຊິ່ງ. ມັນກ່ຽວຂ້ອງກັບການປະສານງານ ກັບຜູ້ມີສ່ວນຮ່ວມທີ່ຫຼາກຫຼາຍທີ່ມີຜົນປະໂຫຍດແຕກຕ່າງກັນຕາມຕ່ອງໂຊ້ທີ່ຂະຫຍາຍອອກໄປ. ຂະບວນການນີ້ຈຳເປັນຕ້ອງໄດ້ພິ ຈາລະນາຢ່າງລະມັດລະວັງກ່ຽວກັບຈຳນວນສຳປະທານທີ່ສະໜອງໃຫ້, ຕ້ອງຫາຈຸດສົມດູນລະຫວ່າງການໃຫ້ສຳປະທານທີ່ພຽງພໍເພື່ອ ດິງດູດການລົງທຶນໃນເຊີງການຄ້າແຕ່ບໍ່ໃຫ້ສູງເກີນໄປຈົນມີຄວາມສ່ຽງຕໍ່ການອຸດໝູນການມີສ່ວນຮ່ວມຫຼາຍເກີນໄປ. ໂດຍທຳມະ ຊາດແລ້ວ ແຕ່ລະໂຄງການຈະເພີ່ມຄວາມຊັບຊ້ອນຂຶ້ນອີກໜຶ່ງຂັ້ນ, ຊຶ່ງຕ້ອງມີມາດຕະການແກ້ໄຂສະເພາະເພື່ອຮອງຮັບຈຸດປະສົງ ແລະ ສະພາບການທີ່ເປັນເອກະລັກສະເພາະຂອງໂຄງການ. ນີ້ມັນເປັນເລື່ອງທີ່ທ້າທາຍຢ່າງແທ້ຈິງເມື່ອເຈົ້າໜ້າທີ່ລັດຖະບານຂາດປະສົບ ການໃນການຈັດໂຄງສ້າງການຂັບເຄື່ອນທາງການເງິນແບບປະສົມປະສານ.
  • ຄວາມທ້າທາຍໃນການຈັດຄວາມຄາດຫວັງຂອງຜູ້ມີສ່ວນຮ່ວມ. ການຈັດຄວາມຄາດຫວັງຂອງຜູ້ມີຜົນປະໂຫຍດທີ່ມີຄວາມຫຼາຍຫຼາຍພາຍໃນໂຄງສ້າງການເງິນແບບປະສົມປະສານແມ່ນເປັນຄວາມທ້າທ້າຍທີ່ສຳຄັນ. ຜູ້ມີສ່ວນຮ່ວມແຕ່ລະຄົນ, ລວມທັງອົງການພາກລັດ, ນັກລົງທຶນພາກເອກະຊົນ, ອົງການຊ່ວຍເຫຼືອລ້າ, ອາດມີ ຈຸປະສົງ, ລະດັບຄວາມສ່ຽງ ແລະ ໄລຍະເວລາທີ່ແຕກຕ່າງກັນ, ຊຶ່ງເຮັດໃຫ້ການປະສານຄວາມຄາດຫວັງເຂົ້າດ້ວຍກັນເປັນເລື່ອງ ທີ່ທ້າທາຍ. ຄວາມທ້າທາຍນີ້ບົ່ງບອກເຖິງຄວາມສຳຄັນເຖິງການສື່ສານທີ່ມີປະສິທິພາບ ແລະ ໂປ່ງໃສເພື່ອສົ່ງເສີມແນວທາງການເງິນ ແບປະສົມປະສານທີ່ມີຄວາມກົມກຽວກັນ.
  • ການປະເມີນຜົນກະທົບທີ່ອາດຈະເກີດຂໍ້ຫຍຸ້ງຍາກ. ການປະເມີນຜົນກະທົບ ຫຼື ‘ການເພີ່ມເຕີມ’ ຂອງການເງິນແບບປະສົມປະສານ ສາມາດເກີດບັນຫາທ້າທາຍ ທີ່ເກີດຈາກຫຼາຍປັດໄຈ. ຍົກຄົວຢ່າງ, ຖ້າຫາກບໍ່ມີການຄວມຄຸມສະຖານະການເພື່ອ ລະບຸປະລິມານ  ຫຍັງທີ່ຈະເກີດຂຶ້ນຖ້າຫາກວ່າບໍ່ມີການລະດົມທຶນເພີ່ມເຕີມ, ຜູ້ໃຫ້ບໍລິການດ້ານການເງິນເພື່ອການພັດທະນາປົກກະຕິແລ້ວຈະອາໄສ ການປະເມີນດ້ານຄຸນນະພາບ, ຊຶ່ງອາດບໍ່ເປັນໄປຕາມຄວາມຄາດຫວັງຂອງນັກລົງທຶນ. ຍິ່ງໄປກວ່ານັ້ນ, ການສະແດງຜົນວັດແທກ ທາງດ້ານເສດຖະກິດ ຫຼື ສັງຄົມຂອງໂຄງການມັນເປັນເລື່ອງຍາກ. ຍົກຕົວຢ່າງເຊັ່ນ: ການນຳໃຊ້ເຄື່ອງມືເຊັ່ນ: ການສຳຫຼວດພື້ນຖານ ຫຼື ການກຳນົດຄວາມຕ້ອງການ-ຜົນໄດ້ຮັບ,  ອາດບໍ່ໄດ້ໃຫ້ຜົນ ການປະເມີນທີ່ຖືກຕ້ອງທີ່ສຸດຂອງການນໍາໃຊ້ການເງິນແບບປະສົມ ປະສານ ແລະ ຜົນກະທົບຂອງມັນເອງ.

ຜົນປະໂຫຍດທີ່ອາດເກີດຂຶ້ນ

  • ການເຊື່ອມຊ່ອງຫວ່າງທາງການເງິນ. ການເງິນແບບປະສົມປະສານເຮັດໜ້າທີ່ເປັນເຄື່ອງມືສຳຄັນໃນການເຊື່ອມຊ່ອງຫວ່າງທາງການເງິນສຳລັບເມືອງຕ່າງໆ. ຊື່ງຈະຊ່ວຍໃຫ້ພວກເຂົາກ້າວໄປສູ່ການລິເລີ່ມໂຄງການສີຂຽວກວ່າ ແລະ ທັນສະໄໝກວ່າ, ຊຶ່ງເປັນແຮງຊຸກຍູ້ໄປສູ່ການປ່ຽນແປງ ເມືອງໃຫ້ມີຄວາມຍືນຍົງຫຼາຍຂຶ້ນ. ນອກຈາກນີ້, ການເງິນແບບປະສົມປະສານຍັງມີທ່າອ່ຽງທີ່ຈະໃຫ້ການສະໜັບສະໜູນທາງການ ເງິນແກ່ໂຄງການທີ່ມີຜົນກະທົບສູງ ຖ້າບໍ່ດັ່ງນັ້ນ ຈະບໍ່ສາມາດດຶງດູດທຶນໃນເງື່ອນໄຂທາງການຄ້າເຕັມຮູບແບບໄດ້.
  • ຫຼຸດການເພິ່ງພາງົບປະມານສາທາລະນະ. ການເງິນແບບປະສົມປະສານສາມາດຫຼຸດການເພິ່ງງົບປະມານສາທາລະນະຂອງເມືອງສຳລັບ ການພັດທະນາຕົວເມືອງ. ໂດຍຜ່ານເຄື່ອງມືການສຳປະທານທີ່ຫຼາກຫຼາຍ, ການເງິນແບບປະສົມປະສານຊ່ວຍໃຫ້ປັບສົມດູນພາບຫຼັກ, ຄວາມສ່ຽງຜົນຕອບແທນຂອງໂຄງການ, ຫັນປ່ຽນທຶນພາກລັດໄປສູ່ທຶນພາກເອກະຊົນ. ກອງທຶນເງິນຊ່ວຍເຫຼືອລ້າ ແລະ ເງິນອຸດໜູນ ສາມາດເບີກຈ່າຍໄດ້ຢ່າງມີກົນລະຍຸດເພື່ອເອົາຊະນະອຸປະສັກການລົງທຶນຕ່າງໆ, ເພີ່ມຄວາມຮັບຜິດຊອບ, ປັບປຸງການສົ່ງມອບໂຄງ ການ ແລະ ເພີ່ມປະສິດທິພາບການໃຊ້ທຶນໃນທາງການຄ້າ ເພື່ອຫຼຸດຕົ້ນທຶນສຳລັບສາທາລະນະ.
  • ຊຸກຍູ້ການພັດທະນາຕະຫຼາດ ໂຄງການການເງິນແບບປະສົມປະສານໄດ້ຮັບການອອກແບບຢ່າງມີກົນລະຍຸດເພື່ອແກ້ໄຂຄວາມລົ້ມເຫຼວຂອງຕະຫຼາດ. ໂຄງການລິເລີ່ມທາງການເງິນແບບປະສົມປະສານ ທີ່ມີໂຄງສ້າງທີ່ດີຄວນມາພ້ອມກັບການປະຕິຮູບນະໂຍບາຍ ຫຼື ການແຊກແຊງການ ເສີມສ້າງສັກກະຍາພາບທີ່ສົ່ງເສີມການພັດທະນາຕະຫຼາດຢ່າງແຂ່ງຂັນ ໂດຍມີເປົ້າໝາຍເພື່ອເພີ່ມການລົງທຶນຈາກພາກເອກະຊົນ ແລະ ເສີມສ້າງຄວາມຍືນຍົງທາງການຄ້າຂອງໂຄງການໂດຍລວມ.

ແຫຼ່ງຂໍ້ມູນ/ຂໍ້ມູນຂ່າວສານເພີ່ມເຕີມ

Case Study

Scroll to Top