ການຄ້ຳປະກັນ

ການຄໍ້າປະກັນ ແມ່ນກົນໄກການເພີ່ມສິນເຊື່ອສໍາລັບຕາສານໜີ້ (ເງິນກູ້ ຫຼື ພັນທະບັດ) ທີ່ຜູ້ຄໍ້າປະກັນສັນຍາວ່າຈະຈ່າຍຕົ້ນທຶນ ແລະ/ຫຼື ດອກເບ້ຍໃຫ້ແກ່ຜູ້ໃຫ້ກູ້ຕາມຈໍານວນທີ່ໄດ້ຄໍ້າປະກັນໃນກໍລະນີທີ່ມີການຜິດນັດຊໍາລະໜີ້.
Download

Instrument Category

  • ກົນໄກການຈັດຫາເງິນທຶນອື່ນໆ

Other ınstruments ın the same Category

ກອງທຶນໝູນວຽນ
ພາຫະນະທາງການເງິນແບບປະສົມປະສານ
ການຈັດຫາທຶນຕາມໃບບິນ/ການສຳລະຄືນຕາມໃບບິນ
ຫຼັກສິນຊັບຄ້ຳປະກັນ (ABS)
ການລະດົມທຶນຈາກມວນຊົນ

Relevant case study

ຄຳອະທິບາຍ

ການຮັບປະກັນເປັນກົນໄກປັບປຸງຄວາມເຊື່ອຖືດ້ານການເງິນສຳລັບໜີ້ສິນ (ເງິນກູ້ຢືມ ຫລື ພັນທະບັດ) ເຊິ່ງເປັນສັນຍາທາງກົດໝາຍ ທີ່ຜູ້ຮັບປະກັນສັນຍາວ່າຈະຈ່າຍເງິນຕົ້ນ ຫຼື ດອກເບ້ຍໃຫ້ແກ່ຜູ້ໃຫ້ກູ້ຕາມຈຳນວນທີ່ໄດ້ຮັບການຮັບປະກັນໃນກໍລະນີທີ່ເກີດການບໍ່ປະ ຕິບັດຕາມສັນຍາ. ຂໍ້ກຳນົດນີ້ມີຄວາມສຳຄັນເນື່ອງຈາກຊ່ວຍຫຼຸດຜ່ອນຄວາມສ່ຽງໃນການລົງທຶນຢ່າງມີໄລຍະສຳຄັນ, ຊ່ວຍເຮັດໃຫ້ຜູ້ໃຫ້ ທຶນພາກເອກະຊົນສາມາດຈັດຫາເງິນທຶນສຳລັບໂຄງການສຳຄັນໄດ້. ຜົນການສຶກສາພົບວ່າອັດຕາການຜິດນັດຊຳລະໜີ້ຂອງທຸລະກຳທີ່ ໄດ້ຮັບປະກັນຍັງຕ່ຳເຊິ່ງສະແດງວ່າໃນກໍລະນີຄວາມສ່ຽງທີ່ຮັບຮູ້ໄດ້ນັ້ນເກີນກວ່າຄວາມສ່ຽງທີ່ແທ້ຈິງ ແລະ ການໃຫ້ການຮັບປະກັນສາມາດ ຫຼຸດຕົ້ນທຶນ ສຳລັບພາກສາທາລະນະໃນການບັນລຸວັດຖຸປະສົງດ້ານການພັດທະນາໄດ້.

ການຮັບປະກັນສາມາດນຳໄປໃຊ້ໃນສະຖານະການຕ່າງໆເພື່ອປັບປຸງການເຂົ້າເຖິງເງິນທຶນຂອງຜູ້ກູ້. ຕົວຢ່າງເຊັ່ນ: ອົງການພັດທະນາລະ ຫວ່າງປະເທດຫຼາຍແຫ່ງສະເໜີການຮັບປະກັນທາງການເງິນບາງສ່ວນ (PCG) ຫຼື ການຮັບປະກັນຄວາມສ່ຽງບາງສ່ວນ (PRG). ການຮັບປະກັນທາງການເງິນບາງສ່ວນຊ່ວຍໃຫ້ຜູ້ໃຫ້ກູ້ ແລະ ນັກລົງທຶນໄດ້ຮັບຄວາມຄຸ້ມດ້ານການເງິນທີ່ຄອບຄຸມໃນສ່ວນເງິນກູ້ ຫຼື ພັນທະບັດທີ່ໄດ້ຮັບປະກັນໂດຍອົງກອນການພັດທະນາລະຫວ່າງປະເທດໃນກໍລະນີທີ່ເກີດການຜິດນັດຊະລະໜີ້. ການຮັບປະກັນຄວາມສ່ຽງບາງສ່ວນຄຸ້ມຄອງຜູ້ໃຫ້ກູ້ຈາກການບໍ່ຊຳລະໜີ້ໂດຍຜູ້ກູ້ທີ່ເກີດຈາກເຫດຄວາມສ່ຽງທາງການເມືອງ. ໂຄງການ ຮັບປະກັນສິນເຊື່ອສາທາລະນະ (PCGS) ສາມາດໃຊ້ໂດຍລັດຖະບານເພື່ອປົດລ໋ອກທາງການເງິນ, ສຳລັບຫຼາຍວັດຖຸປະສົງລວມເຖິງເງິນ ກູ້ໃຫ້ແກ່ທຸລະກິດຂະໜາດກາງ ແລະ ຂະໜາດນ້ອຍ (SMEs). ໃນທາງດຽວກັນ, ໂຄງການນີ້ຈະຈັດໃຫ້ມີການຫຼຸດຄວາມສ່ຽງທາງການ ເງິນຂອງບຸກຄົນທີ່ສາມແກ່ຜູ້ໃຫ້ກູ້ໂດຍການຮັບຜິດຊອບສ່ວນໜຶ່ງຂອງການສູນເສຍໃນກໍລະນີເກີດການຜິດນັດຊຳລະໜີ້ຊິ່ງໂດຍປົກກະຕິ ແມ່ນຈະເກັບຄ່າທຳນຽມ.

ເງື່ອນໄຂການເປີດໃຊ້ງານ ແລະ ການພິຈາລະນາທີ່ສຳຄັນ

  • ບົດສະເໜີຂອງໂຄງການທີ່ຊັດເຈນ ຜູ້ໃຫ້ກູ້ ແລະ ຜູ້ຮັບປະກັນຈຳເປັນຕ້ອງປະເມີນຄວາມເປັນໄປໄດ້ທາງເຕັກນິກ ແລະ ທາງການເງິນ ຂອງໂຄງການກ່ອນທີ່ຈະອະນຸມັດການຮັບປະກັນ. ບົດສະເໜີໂຄງການທີ່ກະກຽມມາຢ່າງດີໂດຍມີວັດຖຸປະສົງ, ຂອບເຂດ ແລະ ຜົນ ໄດ້ຮັບທີ່ຊັດເຈນ ເຊິ່ງສະແດງໃຫ້ເຫັນ ເຖູິງຄວາມເປັນໄປໄດ້ທາງການເງິນຂອງໂຄງການ ສາມາດເພີ່ມຄວາມໜ້າສົນໃຈຂອງໂຄງການ ແລະ ດ້ວຍເຫດນີ້ຈຶ່ງເພີ່ມໂອກາດທີ່ຈະໄດ້ຮັບການຄໍ້າປະກັນ.
  • ຄວາມສຳພັນທາງການເຮັດວຽກທີ່ມີຢູ່. ການມີປະຫວັດຄວາມສຳພັນການເຮັດວຽກຮ່ວມກັນມາກ່ອນນັ້ນມີສ່ວນສຳຄັນຢ່າງຍິ່ງຕໍ່ຄວາມເຊື່ອໝັ້ນ ແລະ ຄວາມຮ່ວມມືໂດຍ ລວມທີ່ຈຳເປັນໃນການຮັບປະກັນ. ປະຫວັດການຮ່ວມມືທີ່ປະສົບຄວາມສຳເລັດ ຫຼື ທຸລະກຳທາງການເງິນກ່ອນໜ້ານີ້ສ້າງຄວາມ ເຊື່ອໝັ້ນໃຫ້ກັບຜູ້ໃຫ້ກູ້ ແລະ/ຫຼື ຜູ້ຮັບປະກັນຕໍ່ຄວາມໜ້າເຊື່ອຖື ແລະ ຄວາມສາມາດຂອງຜູ້ກູ້ຢືມ ແລະ ອາຈະເປັນປະໂຫຍດຫຼາຍ ໃນລະຫວ່າງຂະບວນການເຈລະຈາ.
  • ຄວາມສະໝໍ່າສະເໝີໃນກອບກົດລະບຽບ ການມີສະພາບແວດລ້ອມທາງກົດໝາຍທີ່ສອດຄ່ອງກັນເປັນຮາກຖານທີ່ສຳຄັນສຳລັບຜູ້ຮັບປະກັນ, ຜູ້ກູ້ຢືມ ແລະ ຜູ້ໃຫ້ກູ້, ກ່ຽວກັບ ຂໍ້ຜູກພັນທາງສັນຍາ ແລະ ກົນໄກການແກ້ໄຂຂໍ້ບັນຫາ. ຄວາມສາມາດໃນການຄາດຄະເນນີ້ຊ່ວຍເພີ່ມການປະເມີນຄວາມສ່ຽງໂດຍ ລວມສຳລັບຜູ້ຮັບປະກັນ ແລະ ນັກລົງທຶນ, ເພີ່ມຄວາມເຊື່ອໝັ້ນໃນຄວາມເປັນໄປໄດ້ຂອງຂໍຕົກລົງການຮັບປະກັນ.

ສິ່ງທ້າທາຍທີ່ອາດຈະເກີດຂຶ້ນ

  • ຄວາມສັບຊ້ອນທີ່ອາດເກີດຂຶ້ນໃນການປັບປຸງທັດສະນະຂອງຜູ້ມີສ່ວນກ່ຽວຂ້ອງ ການຮັບປະກັນເພີ່ມຄວາມສັບຊ້ອນໃຫ້ກັບທຸລະກຳສິນເຊື່ອ ໂດຍມີການລວມຝ່າຍເພີ່ມເຕີມຢ່າງໜ້ອຍໜຶ່ງຝ່າຍເຂົ້າໃນຂໍ້ຕົກລົງ. ດັ່ງ ນັ້ນ, ຈຶ່ງມີຄວາມສຳຄັນຢ່າງຍິ່ງໃນການປັບທັດສະນະຄະຕິ ແລະ ຄວາມຄາດຫວັງຫຼາຍຝ່າຍທີ່ກ່ຽວຂ້ອງໃຫ້ສອດຄ່ອງກັນ. ລວມເຖິງ ການປັບທັດສະນະຄະຕິຕ່າງໆ ເຊັ່ນ: ຜົນກະທົບທີ່ຄາດຫວັງຈາກຂໍ້ຕົກລົງ ແລະ ວິທີການວັດຜົນກະທົບ, ຂໍ້ຕົກລົງກ່ຽວກັບຂັ້ນການ ແບ່ງປັນຄວາມສ່ຽງ, ໄລຍະເວລາສຳລັບການປິດຂໍ້ຕົກລົງ ແລະ ເປົ້າໝາຍໄລຍະຍາວໂດຍລວມຂອງແຕ່ລະຝ່າຍ.
  • ຄວາມສ່ຽງທີ່ອັນຕະລາຍທາງສິນລະທຳ ແຜນການຮັບປະກັນທີ່ອອກແບບມາບໍ່ດີສາມາດເພີ່ມຄວາມສ່ຽງຂອງການມີພຶດຕິກຳສ່ຽງ ເນື່ອງຈາກຄວາມສ່ຽງຂອງການຜິດນັບຊຳລະໜີ້ໄດ້ຖືກຖ່າຍໂອນໄປຍັງຜູ້ຮັບປະກັນບາງສ່ວນແລ້ວ. ຕົວຢ່າງ: ຜູ້ກູ້ຢືມອາດຈະມີ ຄວາມລະມັດລະວັງນ້ອຍລົງໃນການບໍລິຫານໂຄງການ ຫຼື ການຕັດສິນໃຈທາງການເງິນ ໂດຍຖືວ່າຜູ້ຮັບປະກັນຈະຮັບຜິດຊອບຄ່າຜິດ ນັດຊຳລະໜີ້. ຖ້າຫາກບໍ່ໄດ້ຄາດການ ຫຼື ຈັດການຄວາມສ່ຽງເຫຼົ່ານີ້ຢ່າງເໝາະສົມ, ການຜິດນັດຊຳລະໜີ້ຊ້ຳໆອາດສົ່ງຜົນກະທົບ ຕໍ່ການເງິນຂອງອຳນາດການປົກຄອງທ້ອງຖິ່ນໃນອານາຄົດ. ຂໍ້ຜູກພັນທາງສັນຍາທີ່ຊັດເຈນ, ແຮງຈູງໃຈທີ່ສອດຄ່ອງກັນ ແລະ ການຄຸ້ມຄອງທີ່ມີປະສິດທິພາບສາມາດຊ່ວຍປ້ອງກັນບໍ່ໃຫ້ຝ່າຍຕ່າງໆມີສ່ວນຮ່ວມໃນການດຳເນີນການທີ່ສ່ຽງຫຼາຍເກີນໄປ.

ຜົນປະໂຫຍດທີ່ອາດເກີດຂຶ້ນ

  • ເພີ່ມຄວາມໜ້າເຊື່ອຖືທາງການເງິນ. ການຮັບປະກັນສາມາດຊ່ວຍເພີ່ມຄວາມໜ້າເຊື່ອຖືທາງສະຖານະພາບຂອງໜີ້ ເຊັ່ນ: ການຮັບ ປະກັນພັນທະບັດ ຫຼື ການຮັບປະກັນເງິນກູ້. ໂດຍການໃຫ້ຄວາມໝັ້ນໃຈວ່າໄດ້ປະຕິບັດຕາມຂໍ້ຜູກພັນການຊຳລະໜີ້ເຖິງແມ່ນວ່າໃນ ສະພາບການທີ່ບໍ່ເອື້ອອຳນວຍ, ການຮັບປະກັນເຮັດໃຫ້ໂຄງການດຶງດູດຄວາມສົນໃຈຜູ້ໃຫ້ກູ້ໄດ້ຫຼາຍຂຶ້ນ. ສິ່ງນີ້ສາມາດສົ່ງຜົນໃຫ້ ເກີດເງື່ອນໄຂການເງິນທີ່ເອື້ອອຳນວຍຫຼາຍຂຶ້ນ ເຊັ່ນ: ອັດຕາດອກເບ້ຍທີ່ຕ່ຳລົງ ຫຼື ໄລຍະເວລາການຊຳລະຄືນທີ່ຍາວຂຶ້ນ.
  • ອຳນວຍຄວາມສະດວກໃນການເຂົ້າເຖິງການໃຫ້ກູ້ຢືມຈາກພາກເອກະຊົນ. ການມີການຮັບປະກັນໃນໂຄງການສາມາດດຶງດູດນັກລົງທຶນກຸ່ມໃຫຍ່ຂຶ້ນລວມເຖິງຜູ້ທີ່ຢູ່ໃນພາກເອກະຊົນ ເຊິ່ງອາດຈະລັງເລທີ່ຈະ ເຂົ້າຮ່ວມໂດຍບໍ່ມີການເພີ່ມຄວາມໝັ້ນໃຈ ແລະ ຂັ້ນການແບ່ງປັນຄວາມສ່ຽງເພີ່ມເຕີມ. ສິ່ງນີ້ຈະຊ່ວຍສົ່ງເສີມການລົງທຶນໃນພາກ ການລົງທຶນທີ່ນັກລົງທຶນອາດບໍ່ເຄີຍພິຈາລະນາກ່ອນໜ້ານີ້ ເຊັ່ນ: ໂຄງການສີຂຽວ ຫຼື ໂຄງການຍືນຍົງສຳລັບເມືອງອັດສະລິຍະ.

ແຫຼ່ງຂໍ້ມູນ/ຂໍ້ມູນຂ່າວສານເພີ່ມເຕີມ

Case Study

Scroll to Top