ສິນເຊື່ອລວມກຸ່ມ

ເງິນກູ້ລວມ ແມ່ນຂໍ້ຕົກລົງທາງດ້ານການເງິນທີ່ກຸ່ມຜູ້ໃຫ້ກູ້ຢືມທີ່ເອີ້ນວ່າ ກຸ່ມຜູ້ໃຫ້ກູ້ເປັນຜູ້ຈັດຫາເງິນກູ້ (syndicate) ຈໍານວນຫຼາຍໃຫ້ກັບຜູ້ກູ້ຢືມຜູ້ດຽວ, ໂດຍທົ່ວໄປແລ້ວຈະແມ່ນບໍລິສັດ ຫຼື ໜ່ວຍງານຂອງລັດຖະບານ.
Download

Instrument Category

  • ການຈັດຫາເງິນທຶນທີ່ໃຊ້ເງິນກູ້

Other ınstruments ın the same Category

ເງິນກູ້ແບບຜ່ອນຜັນ
ເງິນກູ້ໄລຍະຍາວ

Relevant case study

Comparison between bilateral loans and syndicated loans. Available at: https://www.finleycms.com/blog/whatare-syndicated-loans

ຄຳອະທິບາຍ

ເງິນກູ້ລວມແມ່ນຂໍ້ຕົກລົງທາງດ້ານການເງິນທີ່ກຸ່ມຜູ້ໃຫ້ກູ້ຢືມທີ່ເອີ້ນວ່າກຸ່ມຜູ້ໃຫ້ກູ້ເປັນຜູ້ຈັດຫາເງິນກູ້ (syndicate) ຈໍານວນຫຼາຍໃຫ້ ກັບຜູ້ກູ້ຢືມຜູ້ດຽວ, ໂດຍທົ່ວໄປແລ້ວຈະແມ່ນບໍລິສັດ ຫຼື ໜ່ວຍງານຂອງລັດຖະບານ. ການຈັດຫາເງິນທືນຮູບແບບນີ້ຊ່ວຍໃຫ້ສາມາດລວມ ຊັບພະຍາກອນຈາກຫຼາຍສະຖາບັນການເງິນເພື່ອສະໜັບສະໜູນຄວາມຕ້ອງການທືນຂອງຜູ້ກູ້ ແລະ ເປັນທີ່ນິຍົມສຳລັບໂຄງການສ້າງພື້ນ ຖານໂຄງລ່າງຂະໜາດໃຫຍ່.

ສິນເຊື່ອລວມມີຂໍ້ດີຫຼາຍປະການສຳລັບຜູ້ກູ້ ແລະ ຜູ້ໃຫ້ກູ້. ສຳລັບຜູ້ກູ້, ການຮ່ວມລົງທຶນຊ່ວຍໃຫ້ສາມາດເຂົ້າເຖິງແຫຼ່ງທຶນທີ່ຫຼາຍກວ່າທີ່ ຈະໄດ້ຮັບຈາກຜູ້ໃຫ້ກູ້ພຽງລາຍດຽວ. ສຳລັບຜູ້ໃຫ້ກູ້, ຄວາມສ່ຽງຈະຖືກກະຈາຍໄປຍັງຜູ້ໃຫ້ກູ້ຫຼາຍລາຍເຊິ່ງເຮັດໃຫ້ຫຼຸດຄວາມສ່ຽງສຳ ລັບແຕ່ລະສະຖາບັນ. ການເຂົ້າຮ່ວມໃນເງິນກູ້ແບບລວມຍັງຊ່ວຍໃຫ້ສະຖາບັນຕ່າງໆສາມາດກະຈາຍພອດການລົງທຶນຂອງຕົນໄດ້ໂດຍບໍ່ຈຳເປັນຕ້ອງຮັບຄວາມສ່ຽງຫຼາຍເກີນຈາກເງິນກູ້ຂະໜາດໃຫຍ່.

ໂຄງສ້າງຂອງເງິນກູ້ແບບລວມຈະມີທະນາຄານຫຼັກ ຫຼື ຜູ້ຈັດຫາເງິນກູ້ຫຼັກ. ທະນາຄານຫຼັກຈະໃຫ້ເງິນກູ້ເງິນທຶນໃນສັດສ່ວນທີ່ຫຼາຍຂຶ້ນ ຫຼື ເຮັດໜ້າທີ່ດ້ານການບໍລິຫານ. ຄ່າທຳນຽມຂອງເງິນກູ້ແບບລວມປະກອບດ້ວຍອັດຕາດອກເບ້ຍ, ການກຳນົດການຊຳລະເງິນຄືນ ແລະ ຂໍ້ກຳນົດທີ່ພິຈາລະນາຕາມຜົນປະໂຫຍດຂອງຜູ້ໃຫ້ກູ້ ແລະ ຂະໜາດຂອງການເຂົ້າຮ່ວມ. ເງິນກູ້ແບບລວມສາມາດຈັດສັນໂຄງສ້າງເປັນເງິນ ກູ້ມີໄລຍະທີ່ມີກຳນົດການຊຳລະເງິນທີ່ແນ່ນອນ ຫຼື ເປັນສິ່ງອຳນວຍຄວາມສະດວກໃນການກູ້ຢືມແບບໝູນວຽນທີ່ມີຂີດຈຳກັດການ ກູ້ຢືມທີ່ຍືດຍຸ່ນ.

ເງື່ອນໄຂການເປີດໃຊ້ງານ ແລະ ການພິຈາລະນາທີ່ສຳຄັນ

  • ຄວາມໜ້າເຊື່ອຖືທາງການເງິນຂອງເມືອງ ຫຼື ໂຄງການ. ການຈັດອັດດັບທາງການເງິນຂອງໂຄງການ ຫຼື ເມືອງມີອິດທິພົນຫຼາຍ ຕໍ່ເງື່ອນໄຂ ແລະ ຂໍ້ກຳນົດເງື່ອນໄຂປອດໄພທີ່ສາມາດໄດ້ຮັບໃນເງິນກູ້. ເມືອງ ຫຼື ໂຄງການທີ່ມີຄວາມໜ້າເຊື່ອຖືທາງການ ເງິນສູງມັກຈະໄດ້ຮັບອັດຕາດອກເບ້ຍ ແລະ ເງື່ອນໄຂການຊຳລະເງິນທີ່ດີກວ່າ.  ການປະເມີນຄວາມໜ້າເຊື່ອຖືທາງການເງິນ ຂອງໂຄງການ ຫຼື ເມືອງຈະຂຶ້ນຢູ່ກັບງົບການເງິນ, ລວມມີໃບລາຍງານລາຍຮັບ, ໃບດູ່ນດ່ຽງ ແລະ ໃບລາຍງານກະແສເງິນສົດ. ການປະເມີນສະຖານະພາບທາງດ້ານການເງິນ, ທະນາຄານຈະເບິ່ງຕົວຊີ້ບອກເຊັ່ນ: ການໄຫຼ່ເຂົ້າຂອງລາຍໄດ້ທີ່ໝັ້ນຄົງ, ລະດັບໜີ້ທີ່ສາມາດຈັດການໄດ້ ແລະ ກະແສເງິນສົດທີ່ເປັນບວກ.
  • ກອບກົດໝາຍເພື່ອບັງຄັບໃຊ້ເງື່ອນໄຂຂອງເງິນກູ້. ທະນາຄານຕ້ອງການການຮັບປະກັນວ່າຜູ້ກູ້ຈະປະຕິບັດຕາມຂໍ້ກຳນົດທາງກົດໝາຍ ແລະ ລະບຽບຂໍ້ບັງຄັບທັງໝົດໃນການຈັດຫາ ເງິນກູ້ມີໄລຍະ. ການຮັບປະກັນນີ້ຄອບຄຸມຕັ້ງແຕ່ການທຳຄວາມເຂົ້າໃຈອຳນາດຂອງເມືອງ ຫຼື ທິມງານໂຄງການໃນການກູ້ຢືມ ແລະ ລະດົມທຶນ, ການກວດສອບຄວາມຖືກຕ້ອງຕາມກົດໝາຍຂອງການໃຊ້ເງິນທຶນທີ່ຕັ້ງໄວ້ ແລະ ການຮັບປະກັນຄວາມ ສາມາດຂອງທະນາຄານໃນການບັງຄັບໃຊ້ເງື່ອນໄຂການຊຳລະເງິນຄືນ. ສະພາບແວດລ້ອມທາງກົດໝາຍທີ່ໝັ້ນຄົງເປັນພື້ນຖານ ສຳລັບການດຳເນີນການ ແລະ ການບັງຄັບໃຊ້ເງິນກູ້ມີໄລຍະທີ່ປະສົບຜົນສຳເລັດ.

ສິ່ງທ້າທາຍທີ່ອາດຈະເກີດຂຶ້ນ

  • ການຈັດໂຄງສ້າງເງິນກູ້ມີຄວາມສັບຊ້ອນ ແລະ ໃຊ້ເວລາດົນ. ເນື່ອງຈາກເງິນກູ້ກ່ຽວຂ້ອງກັບຜູ້ກູ້ຫຼາຍລາຍ, ການເຈລະຈາ ຂໍ້ຕົກລົງ ແລະ ເງື່ອນໄຂອາດເປັນຂະບວນການທີ່ສັບຊ້ອນ ແລະ ໃຊ້ເວລາດົນ, ເຊິ່ງອາດຈະເຮັດໃຫ້ຄວາມຄືບໜ້າໃນໂຄງ ການຫຼ້າຊ້າໄດ້. ນອກຈາກນີ້, ເນື່ອງຈາກເງິນກູ້ທີ່ຈັດຕັ້ງໂດຍລວມມີຫຼາຍຝ່າຍທີ່ກ່ຽວຂ້ອງຈຶ່ງເປັນສິ່ງທີ່ສຳຄັນທີ່ເອກະສານເງິນ ກູ້ຫຼັກ ແລະ ເອກະສານເງິນກູ້ທີ່ຈັດຕັ້ງໂດຍລວມຈະຕ້ອງກຳນົດບົດບາດຂອງແຕ່ລະຝ່າຍຢ່າງຊັດເຈນ ແລະ ກຳນົດສິດເສລີພາບ, ຂໍ້ຜູກພັນ ແລະ ລຳດັບຄວາມສຳຄັນລະຫວ່າງຝ່າຍຕ່າງໆ. ສິ່ງນີ້ຈະເພີ່ມໄລຍະເວລາຂອງຂະບວນການເຈລະຈາເງິນກູ້ ແລະ ປະລິມານວຽກທີ່ຕ້ອງການ ທາງການບໍລິຫານ.
  • ອາດບໍ່ເໝາະສົມສຳລັບການຈັດຫາເງິນທຶນໃຫ້ກັບໂຄງການຕົວເມືອງອັດສະລິຍະທີ່ຍັງບໍ່ມີການອະນຸມັນດ ຫຼື ໂຄງການທີ່ຢູ່ໃນ ໄລຍະເລີ່ມຕົ້ນ ເຊິ່ງມີປະຫວັດທາງການເງິນທີ່ຈຳກັດ. ໂຄງການຕົວເມືອງອັດສະລິຍະທີ່ຢູ່ໃນໄລຍະເລີ່ມຕົ້ນເຊິ່ງມີການໄຫຼ່ເຂົ້າ ຂອງເງິນສົດຈຳກັດອາດຈະພົບວ່າເປັນຄວາມທ້າທາຍໃນການພິສູດຄວາມໜ້າເຊື່ອຖືທາງການເງິນຕໍ່ທະນາຄານ ແລະ ຜູ້ໃຫ້ກູ້ ລາຍອື່ນໃນກຸ່ມ. ເຮັດໃຫ້ມີຄວາມທ້າທາຍຫຼາຍຂື້ນສຳລັບໂຄງການໄລຍະເລີ່ມຕົ້ນທີ່ບໍ່ມີການໄຫຼ່ເຂົ້າຂອງເງິນສົດໃນການກູ້ຢືມ.
  • ເມືອງ ຫຼື ໂຄງການອາດປະເຊີນກັບຄວາມທ້າທາຍໃນການຈັດຫາອັດຕາດອກເບ້ຍ ທີ່ເໝາະສົມ. ເມືອງທີ່ມີອັນດັບທາງການ ເງິນຕ່ຳ ຫຼື ມີປະຫວັດຄວາມບໍ່ໝັ້ນຄົງທາງການເງິນອາດຈະພົບຄວາມທ້າທ້າຍໃນການຈັດຫາເງື່ອນໄຂການກູ້ຢືມທີ່ດີ. ຄວາມ ໜ້າເຊື່ອຖືທາງການເງິນທີ່ຈຳກັດອາດສົ່ງຜົນໃຫ້ອັດຕາດອກເບ້ຍສູງຂຶ້ນ, ເງື່ອນໄຂການຊຳລະຄືນທີ່ເຂັ້ມງວດຂຶ້ນ ຫຼື ລວມທັງ ຄວາມຫຍຸ້ງຍາກໃນການໄດ້ຮັບເງິນກູ້. ການປັບປຸງຄວາມໜ້າເຊື່ອຖືທາງການເງິນຂອງເມືອງ ຫຼື ໂຄງການຜ່ານການປະຕິບັດ ທາງການເງິນທີ່ດີຈຶ່ງເປັນສິ່ງສຳຄັນໃນການເອົາຊະນະຄວາມທ້າທາຍນີ້.

ຜົນປະໂຫຍດທີ່ອາດເກີດຂຶ້ນ

  • ການເຂົ້າເຖິງຈຳນວນເງິນທຶນທີ່ສຳຄັນ.  ເງິນກູ້ແບບແບບລວມຊ່ວຍຜູ້ກູ້ຢືມເຊັ່ນ: ເທດສະບານ ຫຼື ບໍລິສັດທີ່ກ່ຽວຂ້ອງໂດຍໂຄງ ການຕົວເມືອງອັດສະລິຍະສາມາດເຂົ້າເຖິງຈຳນວນເງິນທຶນຫຼາຍຂື້ນທີ່ອາດຈະເປັນເລື່ອງທ້າທາຍສຳລັບຜູ້ໃຫ້ກູ້ພຽງລາຍດຽວໃນການຈັດຫາ. ນີ້ເປັນສິ່ງນີ້ມີຄວາມສຳຄັນສຳລັບການຈັດຫາເງິນທຶນສຳລັບໂຄງການພື້ນຖານໂຄງລ່າງຂະໜາດໃຫຍ່ ຫຼື ໂຄງການລິເລີ່ມດ້ານເຕັກໂນໂລຢີທີ່ເປັນລັກສະນະຂອງການພັດທະນາຕົວເມືອງອັດສະລິຍະ.
  • ການແບ່ງປັນຄວາມສ່ຽງລະຫວ່າງຜູ້ໃຫ້ກູ້. ໂດຍການກະຈາຍຈຳນວນວົງເງິນກູ້ໄປຍັງສະຖາບັນການເງິນຫຼາຍແຫ່ງ, ເງິນກູ້ແບບ ລວມຊ່ວຍໃນການກະຈາຍຄວາມສ່ຽງທີ່ກ່ຽວຂ້ອງກັບເງິນກູ້ຂະໜາດໃຫຍ່. ການແບ່ງປັນຄວາມສ່ຽງນີ້ມີຄວາມໜ້າສົນໃຈເປັນ ພິເສດໃນໂຄງການຕົວເມືອງອັດສະລິຍະ ເຊິ່ງອາດມີຄວາມສັບຊ້ອນ ແລະ ມີລະດັບຄວາມບໍ່ແນ່ນອນ ແລະ ຄວາມສ່ຽງທີ່ສູງຂຶ້ນ.
  • ການຈັດການເງິນກູ້ທີ່ງ່າຍຂຶ້ນສຳລັບຜູ້ກູ້. ສຳລັບຜູ້ກູ້, ການຈັດການເງິນກູ້ແບບລວມອາດຈະງ່າຍກວ່າການຈັດການເງິນກູ້ແຍກ ຕ່າງຫາກຈາກຜູ້ໃຫ້ກູ້ຫຼາຍລາຍ. ດ້ວຍເງິນກູ້ແບບລວມຈະມີສະຖານບັນຫຼັກທີ່ເຮັດໜ້າທີ່ເປັນຈຸດຕິດຕໍ່ສຳລັບຜູ້ກູ້ເຊິ່ງຊ່ວຍ ໃຫ້ຂະບວນການສື່ສານ ແລະ ຂະບວນການທາງການບໍລິຫານງ່າຍຂຶ້ນ.

ແຫຼ່ງຂໍ້ມູນ

Case Study

Scroll to Top