ເງິນກູ້ແບບຜ່ອນຜັນ

ເງິນກູ້ສໍາປະທານແມ່ນເງິນກູ້ຢືມທີ່ມີເງື່ອນໄຂທີ່ເອື້ອອໍານວຍຫຼາຍກ່ວາເງື່ອນໄຂຕະຫຼາດສໍາລັບຜູ້ກູ້ຢືມ.
Download

Instrument Category

  • ການຈັດຫາເງິນທຶນທີ່ໃຊ້ເງິນກູ້

Other ınstruments ın the same Category

ເງິນກູ້ໄລຍະຍາວ
ສິນເຊື່ອລວມກຸ່ມ

Relevant case study

ຄຳອະທິບາຍ

ເງິນກູ້ແບບຜ່ອນຜັນແມ່ນເງິນກູ້ທີ່ສະເໜີເງື່ອນໄຂທີ່ດີກວ່າທີ່ຜູ້ກູ້ສາມາດຫາໄດ້ໃນຕະຫຼາດ. ໂດຍເງື່ອນໄຂເຫຼົ່ານີ້ລວມເຖິງອັດຕາດອກ ເບ້ຍທີ່ຕ່ຳກວ່າຕະຫຼາດຊ່ວງເວລາຜ່ອນຜັນທີ່ຜູ້ຮັບເງິນກູ້ບໍ່ຈຳເປັນຕ້ອງຊຳລະເງິນຄືນ ຫຼື ການປະສົມປະສານທັງສອງຢ່າງ. ເງິນກູ້ເຫຼົ່ານີ້ ມັກໄດ້ຮັບຈາກໜ່ວຍງານພັດທະນາລະຫວ່າງປະເທດ ເຊັ່ນ: ສະຖາບັນການເງິນເພື່ອການພັດທະນາ (DFIs), ໜ່ວຍງານຜູ້ບໍລິຈາກ​ ຫຼື ລັດຖະບານ (ຜ່ານຄວາມຊ່ວຍເຫຼືອເພື່ອການພັດທະນາເປັນທາງການ (ODA) ໂດຍມີເປົ້າໝາຍຫຼັກໃນການສະໜັບສະໜູນການພັດ ທະນາສັງຄົມ ແລະ ເສດຖະກິດໃນປະເທດຜູ້ຮັບ. ລັກສະນະການໃຫ້ກູ້ຢືມແບບຜ່ອນຜັນຂອງເງິນກູ້ເຫຼົ່ານີ້ຊ່ວຍຫຼຸດຕົ້ນທຶນຂອງເງິນທຶນ ສຳລັບຜູ້ກູ້ເຮັດໃຫ້ສາມາດເຂົ້າເຖິງເງິນທຶນທີ່ຈຳເປັນຫຼາຍເພື່ອໃຊ້ເປັນເງິນທືນສຳລັບໂຄງການ.  ດ້ວຍການຈັດໂຄງສ້າງທີ່ເໝາະສົມ, ເງິນກູ້ແບບຜ່ອນຜັນສາມາດເຮັດໜ້າທີ່ເປັນເຄື່ອງມືເຊື່ອມໂຍງສຳຄັນໃນການດຶງດູດເງິນທຶນຈາກເອກະຊົນທີ່ມີມູນຄ່າສູງຂຶ້ນເມື່ອໂຄງ ການໄດ້ເລີ່ມຕົ້ນຂຶ້ນແລ້ວ.

ເງື່ອນໄຂການເປີດໃຊ້ງານ ແລະ ການພິຈາລະນາທີ່ສຳຄັນ

  • ຄວາມນ່າເຊື່ອຖືທາງການເງິນຂອງເມືອງ. ການຮັກສາລະດັບຄວາມນ່າເຊື່ອຖືທາງການເງິນລະດັບສູງເປັນສິ່ງສຳຄັນສຳລັບເມືອງຕ່າງໆ ທີ່ຕ້ອງການເງິນກູ້ແບບຜ່ອນຜັນ. ປັດໃຈທີ່ສົ່ງເສີມຄວາມນ່າເຊື່ອຖືທາງການເງິນສະແດງເຖິງຄວາມສາມາດຂອງເມືອງໃນການປະຕິ ບັດຕາມພາລະໜີ້ສິນໄດ້ຕາມ ກຳນົດເວລາ. ປັດໃຈທີ່ເອື້ອຕໍ່ຄວາມໜ້າເຊື່ອຖືທາງການເງິນລວມເຖິງການບໍລິຫານການເງິນທີ່ ມີປະສິດທິພາບ, ການມີບໍລິຫານທີ່ໂປ່ງໃສ ແລະ ປະຫວັດການຊຳລະໜີ້ທີ່ໜ້າເຊື່ອຖື. ເມືອງທີ່      ຍຶດໝັ້ນ ຫຼັກການເຫຼົ່ານີ້ຢ່າງ ສະໝ່ຳສະເໝີສາມາດຍົກລະດັບຄວາມເຊື່ອໝັ້ນໃນກຸ່ມສະຖາບັນການເງິນເພື່ອການພັດທະນາ ຫຼື ໜ່ວຍງານຜູ້ບໍລິຈາກໄດ້ເຮັດໃຫ້ ມີສິດໄດ້ຮັບເງິນກູ້ແບບຜ່ອນຜັນຫຼາຍຂຶ້ນ.
  • ການເຂົ້າເຖິງ DFI ຫຼື ODA ໂດຍກົງ.ການສ້າງຄວາມສຳພັນໂດຍຕົງລະຫວ່າງເມືອງກັບ DFI ຫຼື ໜ່ວຍງານຜູ້ບໍລິຈາກສາມາດສົ່ງ ເສີມໃຫ້ເມືອງມີສ່ວນຮ່ວມໃນການອະທິບາຍທີ່ມີຄວາມໝາຍຫຼາຍຂຶ້ນ ແລະ ພັດທະນາແຜນງານທີ່ສອດຄ່ອງກັບເປົ້າໝາຍການພັດ ທະນາຂອງພວກເຂົາ. ສິ່ງນີ້ຈະຊ່ວຍໃຫ້ເມືອງສາມາດເຂົ້າເຖິງຊ່ຽວຊານ ແລະ ຊັບພະຍາກອນຂອງອົງກອນ ເຫຼົ່ານີ້ ໄດ້ໂດຍກົງ, ອາດຈະຊ່ວຍເຮັດໃຫ້ຂະບວນການຂໍ້ຮັບກູ້ແບບຜ່ອນຜັນສຳລັບໂຄງການສ້າງພື້ນຖານໂຄງລ່າງເປັນໄປຢ່າງລຽບງ່າຍຍິ່ງຂຶ້ນ. ໃນບາງ  ຕົວຢ່າງ, ສິ່ງນີ້ອາດຈະໝາຍເຖິງການຈັດຕັ້ງ, ການຊີ້ແຈງ ຫຼື ສົ່ງເສີມກອບກົດໝາຍ ຫຼື ກົດລະບຽບທີ່ອະນຸຍາດໃຫ້ອຳນາດການປົກ ຄອງທ້ອງຖິ່ນລະດົມທຶນຜ່ານວິທີການທີ່ອະນຸຍາດໃນການສ້າງໜີ້. 

ສິ່ງທ້າທາຍທີ່ອາດຈະເກີດຂຶ້ນ

  • ການຂາດກອບທາງກົດໝາຍ ຫຼື ກົດລະບຽບທີ່ຊັດເຈນກ່ຽວກັບການກູ້ຢືມ. ກອບກົດໝາຍ ຫຼື ກົດລະບຽບທີ່ບໍ່ຊັດເຈນເປັນອຸປະສັກ ໃນຄວາມສາມາດການກູ້ຢືມຂອງເມືອງໄດ້. ຕົວຢ່າງ: ໃນຂະນະທີ່ອຳນາດການປົກຄອງທ້ອງຖິ່ນໄດ້ຮັບອະນຸຍາດທາງກົດໝາຍໃຫ້ ລະດົມທຶນຜ່ານພັນທະບັດ ຫຼື ຮູບແບບການກູ້ຢືມທີ່ຖືກຕ້ອງຕາມກົດໝາຍອື່ນໆ, ແຕ່ໃນທາງປະຕິບັດຕົວຈິງ, ແນວທາງການກະ ຈາຍອຳນາດທີ່ບໍ່ຊັດຈາກລັດຖະບານແຫ່ງຊາດ ຫຼື ຂໍ້ບັງຄັບທີ່ຂາດລາຍລະອຽດກ່ຽວກັບວິທີທີ່ຕົວເມືອງຄວນຈັດການກັບການ ຂາດດູນໃນທ້ອງຖິ່ນ ຫຼື ສິ່ງທີ່ສາມາດໃຊ້ເປັນຫຼັກປະກັນເງິນກູ້ໄດ້ອາດເປັນອຸປະສັກໃຫ້ກັບເມືອງທີ່ຈະບໍ່ສາມາດ ເຂົ້າເຖິງເງິນທຶນຜ່ານ ການຈັດຫາເງິນທຶນແບບຜ່ອນຜັນ.
  • ຂີດຄວາມສາມາດໃນການບໍລິຫານຈັດການຂອງພະນັກງານລັດ. ຂະບວນການສະໝັກຂໍຮັບເງິນກູ້ແບບຜ່ອນຜັນອາດມີຄວາມສັບຊ້ອນ, ໂດຍສະເພາະສຳລັບພະນັກງານອຳນາດການປົກຄອງທ້ອງຖິ່ນ ທີ່ອາດຈະບໍ່ຄຸ້ນເຄີຍກັບຂໍ້ກຳນົດເຊັ່ນ: ການລອບລວມຂໍ້ສະເໜີໂຄງການໂດຍລະອຽດ, ການວາງແຜນທາງການເງິນ ແລະ ຂໍ້ກຳນົດ ດ້ານຂະບວນການອື່ນໆ. ບັນດາເມືອງທີ່ມີຂີດຄວາມສາມາດໃນການບໍລິຫານຈັດການທີ່ຈຳກັດອາດຈະພົບຄວາມທ້າທາຍໃນການ ກະກຽມ ແລະ ສົ່ງເອກະສານທີ່ຈຳເປັນ.
  • ຄວາມທ້າທາຍໃນການບໍລິຫານຈັດການການເງິນໃນ iພາກລັດ.ເມືອງທີ່ມີລະດັບໜີ້ທີ່ສູງຢູ່ແລ້ວ ຫຼື ມີຄວາມໂປ່ງໃສໃນການຈັດ ການທາງການເງິນຕ່ຳ, ອາດຈະພົບຄວາມຫຍຸ້ງຍາກໃນການປະຕິບັດຕາມເກນທີ່ກຳນົດໂດຍສະຖາບັນການເງິນເພື່ອການພັດທະນາ ລະຫວ່າງປະເທດ DFI ຫຼື ໜ່ວຍງານຜູ້ບໍລິຈາກທີ່ພວກເຂົາກຳລັງຄົ້ນຫາການຈັດຫາເງິນທຶນແບບຜ່ອນຜັນ. ປັດໃຈພື້ນຖານ ເຊັ່ນ: ສະພາບທາງການເມືອງ, ອັດຕາເງິນເຟີ້ ແລະ ຄວາມຜັນຜ່ວນຂອງອັດຕາແລກປ່ຽນເງິນຕາຕ່າງປະເທດ ອາດເປັນອຸປະສັກການບໍລິຫານ ຈັດການໜີ້ຢ່າງມີປະສິດທິພາບຂອງເມືອງ ເຊິ່ງຖືເປັນອຸປະສັກຕໍ່ການເຂົ້າເຖິງເງິນກູ້ຢືມແບບຜ່ອນຜັນ.

ຜົນປະໂຫຍດທີ່ອາດເກີດຂຶ້ນ

  • ເງິນກູ້ແບບຜ່ອນຜັນໃຫ້ການຈັດຫາເງິນທຶນທີ່ສາມາດເຂົ້າເຖິງໄດ້. ເງິນກູ້ແບບຜ່ອນຜັນສະເໜີວິທີການຈັດຫາເງິນທຶນທີ່ຄຸ້ມຄ່າ ສຳລັບເມືອງໃນການດຳເນີນໂຄງການຕົວເມືອງອັດສະລິຍະ. ເງິນກູ້ແບບຜ່ອນຜັນມີໂຄງສ້າງທີ່ຂ້ອນຂ້າງລຽບງ່າຍ ແລະ ສາມາດນຳໄປ ໃຊ້ໄດ້ຢ່າງວ່ອງໄວໃນທຸກຂັ້ນຕອນຂອງໂຄງການ. ດ້ວຍອັດຕາດອກເບ້ຍທີ່ຕ່ຳກວ່າ ໄລຍະເວລາການຊຳລະຄືນທີ່ຍາວຂຶ້ນ ຫຼື ທັງສອງ ຢ່າງ, ເງິນກູ້ເຫຼົ່ານີ້ຊ່ວຍຫຼຸດຕົ້ນທຶນການກູ້ຢືມ ສຳລັບເມືອງຕ່າງໆ ແລະ ຊ່ວຍໃຫ້ເມືອງສາມາດດຳເນີນໂຄງການທີ່ມີປະສິດທິພາບສູງ ແຕ່ບໍ່ສາມາດເຮັດໄດ້ແບບທາງການຄ້າ.
  • ເງິນກູ້ອາດຈະຕຸ້ນ ຫຼື ສະໜັບສະໜູນ ການລົງທຶນພາກເອກະຊົນໃນອານາຄົດໄດ້. ນັກລົງທຶນພາກເອກະຊົນອາດຈະລັງເລທີ່ຈະລົງ ທຶນໃນໂຄງການລິເລີ່ມບາງຢ່າງເນື່ອງຈາກການຮັບຮູ້ເຖິງລະດັບຄວາມສ່ຽງ, ເຖິງແມ່ນວ່າໂຄງການລິເລີ່ມຈະມີປະສິດທິພາບຫຼາຍກໍ່ ຕາມ. ສິນເຊື່ອແບບຜ່ອນຜັນມີບົດບາດສຳຄັນໃນການຊ່ວຍໃຫ້ໂຄງການເລີ່ມຕົ້ນນີ້ເກີດຂື້ນແທ້ ແລະ ສະແດງໃຫ້ເຫັນຄວາມເປັນ ໄປໄດ້ຂອງມັນ. ເນື່ອງຈາກວ່າໂຄງການລິເລີ່ມນີ້ມີປະຫວັດທີ່ໄດ້ຮັບທີພິສູດໄດ້ເຖິງຄວາມຊັດເຈນ, ແຕ່ອາດກາຍເປັນສິ່ງທີ່ນ່າສົນໃຈ ຫຼາຍຂຶ້ນ ສຳລັບນັກລົງທຶນພາກເອກະຊົນທີ່ຈະເຂົ້າມາມີສ່ວນຮ່ວມ.
  • ອຳນວຍຄວາມສະດວກໃນການພັດທະນາຕະຫຼາດ ແລະ ສະໜັບສະໜູນນະວັດຕະກຳ. ສິນເຊື່ອແບບຜ່ອນຜັນສາມາດສົ່ງເສີມນະ ວັດຕະກຳ ແລະ ການພັດທະນາຕະຫຼາດໂດຍການໃຫ້ສະໜັບສະໜູນທາງການເງິນສຳລັບໂຄງການທີ່ມີຜົນກະທົບສູງເຊິ່ງອາດຈະເບິ່ງ ເປັນການລິເລີ່ມທີ່ຍັງບໍ່ເຕີບໂຕ ຫຼື ມີຄວາມສ່ຽງເກີນໄປສຳລັບຜູ້ໃຫ້ເງິນທຶນແບບດັ້ງເດີມ. ຕົວຢ່າງເຊັ່ນ: ສິນເຊື່ອແບບຜ່ອນຜັນ ສາມາດຊ່ວຍໃນການຈັດຫາເງິນທຶນສຳລັບໂຄງການພະລັງງານໝູນວຽນ, ໂດຍສະແດງໃຫ້ເຫັນເຖິງຄວາມເປັນໄປໄດ້ ແລະ ຂີດ ຄວາມອາດສາມາດຂອງພະລັງງານໝູນວຽນພາຍໃນປະເທດ. ການສະໜັບສະໜູນທາງການເງິນນີ້ສົ່ງເສີມການສຳຫຼວດໂຄງການບຸກ ເບີກທີ່ມີຄວາມລິເລີ່ມຊື່ງເອື້ອຕໍ່ກັບການເຕີບໂຕ ແລະ ການພັດທະນາຂອງຕະຫຼາດເກີດໃໝ່. 

ແຫຼ່ງຂໍ້ມູນ/ຂໍ້ມູນຂ່າວສານເພີ່ມເຕີມ

Case Study

Scroll to Top