ແຮງຈູງໃຈດ້ານພາສີສຳລັບການພັດທະນາເມືອງອັດສະລິຍະ

ແຮງຈູງໃຈດ້ານພາສີໝາຍເຖິງ ການຫຼຸດພາສີ, ການຍົກເວັ້ນ ຫຼື ການບັນເທົາພາສີໂດຍລັດຖະບານເພື່ອຊຸກຍູ້ສົ່ງເສີມໃຫ້ນັກລົງທຶນ ຫຼື ບໍລິສັດພາກເອກະຊົນໃຫ້ມີສ່ວນຮ່ວມໃນໂຄງການທີ່ກ່ຽວຂ້ອງກັບຈຸດປະສົງຂອງ ເມືອງອັດສະລິຍະ
Download

Instrument Category

  • ການຈັດຫາງົບປະມານຂອງລັດຖະບານ

Other ınstruments ın the same Category

ຄັງສຳຮອງການສູນເສຍເງິນກູ້
ການໂອນຂອງລັດຖະບານແຫ່ງຊາດ  
ການລວມທີ່ດິນ
ການນໍາໃຊ້ຊັບສິນຄືນໃໝ່

Relevant case study

ຄຳອະທິບາຍ

ລັດຖະບານສາມາດນໍາໃຊ້ການຫຼຸດຜ່ອນ, ການຍົກເວັ້ນ ຫຼືການຜ່ອນພັນພາສີ ເພື່ອຊຸກຍູ້ໃຫ້ນັກລົງທຶນ ຫຼື ບໍລິສັດພາກເອກະຊົນເຂົ້າຮ່ວມໃນໂຄງການທີ່ກ່ຽວຂ້ອງກັບຈຸດປະສົງຂອງເມືອງອັດສະລິຍະ. ຕົວຢ່າງເຊັ່ນ: ອາດຈະມີການໃຫ້ເງິນອຸດໜູນການລົງທຶນໃຫ້ແກ່ບໍລິສັດທີ່ເລີ່ມດຳເນີນການດ້ານລະບົບອັດຕະໂນມັດ ຫຼື ການປ່ຽນແປງໄປສູ່ລະບົບ ດິຈິຕອລ ເພື່ອຊຸກຍູ້ການນໍາໃຊ້ເຕັກໂນໂລຊີ ໂດບພາກເອກະຊົນ. ສິນເຊື່ອອາກອນດ້ານການລົງທຶນທີ່ສົ່ງເສີມການລົງທຶນດ້ານອຸປະກອນຂອງພາກເອກະຊົນ ເຊັ່ນ: ໂຮງງານໄຟຟ້າພະລັງງານທົດແທນ ຫຼື ສະຖານທີ່ເກັບກູ້ຄາບອນກໍ່ຍັງເປັນເຄື່ອງມືທົ່ວໄປໃນການກະຕຸ້ນການລົງທຶນໃນໂຄງການຄວາມຍືນຍົງທາງດ້ານສິ່ງແວດລ້ອມ.

ເງື່ອນໄຂການເປີດໃຊ້ງານ ແລະ ການພິຈາລະນາທີ່ສຳຄັນ

  • ໂຄງ​ຮ່າງ​ການ​ເກັບ​ພາ​ສີ​ທີ່​ຊັດ​ແຈ້ງ ​ແລະ ​ໂປ່ງ​ໃສ. ແຮງຈູງໃຈດ້ານພາສີຫຼຸດລົງຕໍ່າກວ່າຂອບເຂດຂອງລະບົບການເກັບພາສີທົ່ວໄປ ແລະ ການມີນະໂຍບາຍພາສີທີ່ຊັດເຈນ, ໂປ່ງໃສ ແລະ ຄາດຄະເນໄດ້ຖືເປັນສິ່ງທີ່ສໍາຄັນເພື່ອໃຫ້ນັກລົງທຶນ ຫຼື ບໍລິສັດສາມາດຕັດສິນໃຈລົງທຶນໃນໄລຍະຍາວໄດ້.
  • ກົດໝາຍພາສີຕ້ອງສອດຄ່ອງ ແລະ ສາມາດຄາດຄະເນໄດ້. ໂຄງການຕົວເມືອງອັດສະລິຍະ ອາດຈະມີການລົງທຶນລ່ວງໜ້າສູງ ແລະ ມີໄລຍະເວລາຄຸ້ມທຶນທີ່ຍາວນານ. ຄວາມສາມາດໃນການຄາດຄະເນ ແມ່ນມີຄວາມສຳຄັນເປັນພິເສດ ເພາະວ່ານັກລົງທຶນຕ້ອງການຄວາມໝັ້ນໃຈວ່າກົດໝາຍພາສີຍັງຄົງມີຜົນດີຕະຫຼອດອາຍຸຂອງໂຄງການກ່ອນທີ່ຈະເລີ່ມດໍາເນີນການລົງທືນດັ່ງກ່າວ.
  • ເຈົ້າຫນ້າທີ່ພາສີຈະຕ້ອງສາມາດບັງຄັບໃຊ້ການລົງໂທດຕໍ່ກັບການກະທໍາການໃນການຫຼີກລ້ຽງພາສີໄດ້. ແຮງຈູງໃຈຕ້ອງໄດ້ຮັບການອອກແບບເພື່ອໃຫ້ມີຄວາມສາມາດໃນການຫຼີກລ້ຽງພາສີໄດ້ ເພື່ອບໍ່ໃຫ້ລັດຖະບານສູນເສຍລາຍໄດ້ຢ່າງຫຼວງຫຼາຍຈາກການລົງທຶນທີ່ເກັບພາສີກ່ອນຫນ້ານີ້ ຍ້ອນວ່າໂຄງການຕ່າງໆໄດ້ປັບປຸງໂຄງສ້າງຂອງບໍລິສັດເພື່ອໃຊ້ປະໂຫຍດຈາກສິດທິປະໂຫຍດທາງພາສີໃໝ່. ເຈົ້າ​ໜ້າ​ທີ່​ຕ້ອງ​ສາມາດ​​ຊັດລະບຸ​ບັນດາ​ບໍລິສັດ​ທີ່​ຫຼີກລ້ຽງພາສີ ​ແລະ ດຳ​ເນີນ​ການ​ບັງຄັບ​ໃຊ້ໄດ້ຢ່າງຊັດເຈນ.
  • ຂໍ້ແນະນຳແຮງຈູງໃຈຈະຕ້ອງໄດ້ສື່ສານ ຕໍ່ນັກລົງທຶນຢ່າງຊັດເຈນ ແນວທາງການຈູງໃຈຕ້ອງໄດ້ຮັບການອອກແບບ ແລະ ສື່ສານຢ່າງຊັດເຈນເພື່ອໃຫ້ນັກລົງທຶນ ຫຼື ບໍລິສັດຕ່າງໆ ຕະຫຼອດຈົນຮອດໜ່ວຍງານເຈົ້າໜ້າທີ່ພາສີໃຫ້ສາມາດເຂົ້າໃຈກ່ຽວກັບປະເພດຂອງໂຄງການທີ່ມີຄຸນສົມບັດເໝາະສົມກັບສິ່ງຈູງໃຈ ເພື່ອໃຫ້ບັນລຸຜົນປະໂຫຍດຢ່າງເຕັມທີ່ໄດ້ຢ່າງຊັດເຈນ.
  • ການທົບທວນແຕ່ລະໄລຍະເພື່ອປະເມີນຜົນປະໂຫຍດຢ່າງຕໍ່ເນື່ອງຂອງແຮງຈູງໃຈດ້ານພາສີ. ແຮງຈູງໃຈຈະຕ້ອງໄດ້ຮັບການທົບທວນເປັນໄລຍະເພື່ອປະເມີນວ່າຄ່າໃຊ້ຈ່າຍ (ລາຍຮັບທີ່ຄາດຄະເນໄວ້) ຖ້າເກີນຜົນປະໂຫຍດທີ່ສ້າງຂຶ້ນຈາກແຮງຈູງໃຈດ້ານພາສີ ແລະ ຖ້າວ່າການອອກແບບຍັງຄົງມີປະສິດທິພາບໃນການຊຸກຍູ້ສົ່ງເສີມການລົງທຶນຂອງເມືອງອັດສະລິຍະ ຫຼືບໍ່. ແຮງຈູງໃຈດັ່ງກ່າວຍັງສາມາດເປັນຕົວຊີ້ບອກເພື່ອຊຸກຍູ້ການລົງທຶນໃສ່ຂົງເຂດສະເພາະໃໝ່ໆ.

ສິ່ງທ້າທາຍທີ່ອາດຈະເກີດຂຶ້ນ

  • ການຂາດປະສົບການຂອງພະນັກງານລັດ. ເຈົ້າໜ້າທີ່ຂອງລັດຖະບານອາດຈະມີປະສົບການຈຳກັດໃນການອອກແບບສິ່ງຈູງໃຈດັ່ງກ່າວ ແລະ ອາດຈະພົບຄວາມຫຍຸ້ງຍາກໃນການອອກແບບແຮງຈູງໃຈທີ່ເຂັ້ມແຂງທີ່ຈະບັນລຸຜົນຕາມນະໂຍບາຍໂດຍທີ່ລັດຖະບານ ບໍ່ຕ້ອງເສຍພາສີອາກອນສໍາລັບການລົງທຶນທີ່ເປັນໄປໄດ້ໃນທາງການຄ້າ ແລະ ທີ່ຈະເກີດຂຶ້ນຢູ່ແລ້ວ. ຕົວຢ່າງເຊັ່ນ: ອໍານາດການປົກຄອງທ້ອງຖິ່ນຈະຕ້ອງຕັດສິນໃຈລະຫວ່າງແຮງຈູງໃຈແບບມີການພິຈາລະນາ ແລະ ອັດຕະໂນມັດ. ເມື່ອປຽບທຽບກັບແຮງຈູງໃຈຕາມການພິຈາລະນາ, ແຮງຈູງໃຈອັດຕະໂນມັດໂດຍອີງໃສ່ເກນທີ່ກຳນົດໄວ້ຢ່າງຊັດເຈນທີ່ເປີດເຜີຍຕໍ່ສາທາລະນະ ອາດຫຼຸດຜ່ອນຄວາມສ່ຽງຕໍ່ການສໍ້ລາດບັງຫຼວງ ແລະ ຂໍ້ຂັດແຍ່ງໄດ້.
  • ຄວາມສ່ຽງຈາກການຈັດສັນຊັບພະຍາກອນທີ່ບໍ່ເໝາະສົມ.ມາດຕະຖານແຮງຈູງໃຈດ້ານພາສີທີ່ປະສົບຜົນສໍາເລັດຈະສ້າງການລົງທຶນໃນຂົງເຂດທີ່ການລົງທຶນຈະບໍ່ເກີດຂຶ້ນ. ຫາກບໍ່ມີການຕິດຕາມຢ່າງລະມັດລະວັງ ແລະ ທົບທວນເປັນໄລຍະ, ແຮງຈູງໃຈດ້ານພາສີ ອາດຈະເຮັດໃຫ້ການລົງທຶນຫຼາຍເກີນໄປໃນບາງກິດຈະກໍາ ຫຼື ການລົງທຶນໜ້ອຍເກີນໄປໃນພື້ນທີ່ອື່ນທີ່ບໍ່ເສຍພາສີ, ເຊິ່ງອາດຈະບໍ່ສອດຄອງກັບຄວາມຕ້ອງການຂອງຊຸມຊົນ.
  • ຄ່າໃຊ້ຈ່າຍໃນການບັງຄັບໃຊ້ ແລະ ການປະຕິບັດຕາມອາດຈະມີຄວາມສໍາຄັນ. ຄ່າໃຊ້ຈ່າຍຈະເກີດຂື້ນໂດຍລັດຖະບານໃນການບັງຄັບໃຊ້ກົດລະບຽບພາສີ ແລະ ຜູ້ເສຍພາສີໃນການປະຕິບັດຕາມ. ຄ່າໃຊ້ຈ່າຍຂອງການບັງຄັບໃຊ້ທີ່ກ່ຽວຂ້ອງກັບການໃຫ້ການຊ່ວຍເຫຼືອເບື້ອງຕົ້ນຂອງແຮງຈູງໃຈ ແລະ ຄ່າໃຊ້ຈ່າຍທີ່ເກີດຂື້ນໃນການຕິດຕາມ ແລະ ການບັງຄັບໃຊ້ການປະຕິບັດຕາມເງື່ອນໄຂ.

ຜົນປະໂຫຍດທີ່ອາດເກີດຂຶ້ນ

  • ຕົ້ນທຶນຕ່ໍາໃນການປະຕິບັດການຖ້າວ່າແຮງຈູງໃຈຖືກກໍານົດຢ່າງຊັດເຈນ. ຖ້າວ່າສິ່ງຈູງໃຈໄດ້ຖືກອອກແບບເພື່ອໃຫ້ສາມາດຖືກນໍາໄປໃຊ້ໂດຍອັດຕະໂນມັດ ແລະ ບໍ່ມີການພິຈາລະນາ, ຄ່າໃຊ້ຈ່າຍໃນການປະຕິບັດການຂອງລັດຖະບານອາດຈະຂ້ອນຂ້າງຕໍ່າຍ້ອນວ່າສິ່ງຈູງໃຈເຫຼົ່ານີ້ຈະຖືກນໍາໄປໃຊ້ໃນລັກສະນະດຽວກັນກັບສິນເຊື່ອພາສີຂອງບໍລິສັດອື່ນໆໃນລະບົບພາສີທີ່ມີຢູ່ໂດຍບໍ່ຈໍາເປັນຕ້ອງໃຊ້ເພື່ອວາງ ແພຼັດຟອມ ຫຼື ລະບົບເພີ່ມເຕີມ.
  • ອະນຸຍາດໃຫ້ໃຊ້ວິທີການທີ່ຂັບເຄື່ອນດ້ວຍຕະຫຼາດເພື່ອການປະເມີນ ແລະ ການດໍາເນີນໂຄງການ. ໂດຍທົ່ວໄປແລ້ວສິດທິປະໂຫຍດທາງພາສີຈະມີຜົນປະໂຫຍດກໍ່ຕໍ່ເມື່ອບໍລິສັດ ຫຼື ນັກລົງທຶນມີຜົນກໍາໄລເທົ່ານັ້ນ ແລະ ການດໍາເນີນງານຕາມສິ່ງຈູງໃຈດັ່ງກ່າວບໍ່ຈໍາເປັນຕ້ອງມີການແຊກແຊງທີ່ສໍາຄັນໃນທຸລະກິດ. ສິ່ງນີ້ຊ່ວຍໃຫ້ນັກລົງທຶນ ຫຼື ທຸລະກິດສາມາດປະເມີນຄວາມສ່ຽງຂອງຕົນເອງ ແລະຄວາມຢູ່ລອດຂອງແບບຈໍາລອງທຸລະກິດກ່ອນທີ່ຈະເລີ່ມຕົ້ນໂຄງການ ແລະ ຈູງໃຈໃຫ້ພວກເຂົາສຸມໃສ່ບ່ອນທີ່ຄຸ້ມຄ່າ ແລະ ຄວາມສາມາດໃນການສ້າງກໍາໄລຂອງໂຄງການເຊິ່ງຕ່າງຈາກການໃຫ້ທຶນໂດຍກົງ ແລະ ສ້າງແບບຈໍາລອງການສ້າງລາຍໄດ້ແບບຍືນຍົງ.

ແຫຼ່ງຂໍ້ມູນ/ຂໍ້ມູນຂ່າວສານເພີ່ມເຕີມ

Case Study

Scroll to Top