ຄວາມເປັນມາ
ໃນປີ 2007, ຄະນະກຳມະການສາທາລະນຸປະໂພກຂອງລັດຄາລີຟໍເນຍ (CPUC), ຊຶ່ງເປັນໜ່ວຍງານຂອງລັດທີ່ຮັບຜິດຊອບໃນການ ຄວບຄຸມດູແລ ພື້ນຖານໂຄງລ່າງຂອງພາກເອກະຊົນ (POUs) ໃນລັດຄາລີຟໍເນຍ, ສະຫະລັດອາເມລິກາ, ໄດ້ລິເລີ່ມໂຄງການການຈັດຫາ ແຫຼ່ງທຶນຕາມໃບບິນ (OBF) ເພື່ອຊ່ວຍລັດໃນການບັນລຸເປົ້າໝາຍພະລັງງານທີ່ມີປະສິດທິພາບ.
ວິທີການ
ຄະນະກຳມະທິການສາທາລະນຸປະໂພກລັດຄາລີຟໍເນຍສັ່ງປະຕິບັດ POUs ສາມປະການ ເພື່ອພັດທະນາ ແລະ ບໍລິຫານຈັດການແຜນງານ OBF ທີ່ບໍ່ມີດອກເບ້ຍສຳລັບລູກຄ້າທີ່ບໍ່ແມ່ນຜູ້ຢູ່ອາໄສ (ເຊັ່ນ ທຸລະກິດ, ໜ່ວຍງານລັດຖະບານ ແລະ ອື່ນໆ). ຈຸດປະສົງຫຼັກຂອງໂຄງການ ແມ່ນການນຳໃຊ້ໂດຍການກຳຈັດອຸປະສັກດ້ານຕົ້ນທຶນລ່ວງໜ້າສຳລັບການລົງທຶນດ້ານພະລັງງານທີ່ມີປະສິດທິພາບ ແລະ ເຮັດໃຫ້ການ ຊຳລະມີຄວາມສະດວກສຳລັບລູກຄ້າ.
ສິນເຊື່ອ OBF ໄດ້ຮັບການອອກແບບໂດຍປາສະຈາກດອກເບ້ຍ ໂດຍສາມາດຊຳລະເງິນຄືນໂດຍຜ່ານໃບບິນຄ່າຊົມໃຊ້ສາທາລະນຸປະໂພກ. ຈຳນວນເງິນກູ້ຢືມຢູ່ໃນລະຫວ່າງ 5,000 ໂດລາສະຫະລັດ ຫາ 250,000 ໂດລາສະຫະລັດ ຂຶ້ນກັບປະເພດຂອງລູກຄ້າ ແລະ POU. ຂໍ້ຄວນເອົາໃຈໃສ່, ສິນເຊື່ອ OBF ໄດ້ຮັບການອອກແບບມາຢ່າງເປັນກາງ, ໂດຍທີ່ຄ່າຊຳລະຄືນລາຍເດືອນຈະບໍ່ສູງກວ່າຄ່າປະຫຍັດ ພະລັງງານລາຍເດືອນທີ່ຄາດຄະເນໄວ້. ເງື່ອນໄຂການກູ້ຢືມຄິດໄລ່ໂດຍອີງໃສ່ຕົ້ນທຶນໂຄງການທັງໝົດ ແລະ ການຄາດຄະເນການປະຫຍັດ ພະລັງງານລາຍເດືອນ, ໂດຍມີໄລຍະຫ້າປີສຳລັບລຸກຄ້າໃນເຊີງການຄ້າ, ອຸດສະຫະກຳ ແລະ ກະສິກຳ, ຫາ ສິບປີ ສຳລັບສະຖາບັນທີ່ໄດ້ຮັບ ເງິນອຸດໜູນຈາກຜູ້ເສຍພາສີ.
ຜົນໄດ້ຮັບ
CPUC ອະນຸມັດແຜນງານ OBF ທໍາອິດດ້ວຍໄລຍະເວລາໝູນວຽນ ສາມປີ, ເລີ່ມຈາກປີ 2010-2012 ແລະ POUs ໄດ້ຈັດຕັ້ງປະຕິ ບັດໂຄງການ OBF ຫຼັງຈາກນັ້ນ. ເມື່ອຮອດເດືອນທັນວາ 2015, ມີສິນເຊື່ອມູນຄ່າ 157 ໂດລາສະຫະລັດ ທີ່ໄດ້ອະນຸມັດໃຫ້ສິນເຊື່ອໂດຍ ສະເລ່ນ 38,400 ໂດລາສະຫະລັດ. ອັດຕາດອກເບ້ຍເລີ່ມຕົ້ນທີ່ 0.06%.
ການສຶກສາປະສິດທິພາບຂອງໂຄງການ OBF ໃນປີ 2011 ສະແດງໃຫ້ເຫັນວ່າ ລູກຄ້າທີ່ເຂົ້າຮ່ວມການສຳຫຼວດເກືອບ ສາມ ໃນ ສີ່ ບອກວ່າພວກເຂົາບໍ່ສາມາດຈັດຕັ້ງປະຕິບັດໂຄງການພະລັງປະສິດທິພາບຕໍ່ໄປໄດ້ ຖ້າຫາກບໍ່ມີໂຄງການ OBF.
ບົດຮຽນທີ່ສຳຄັນ
ຄວາມມຸ່ງໝັ້ນໄລຍະຍາວຂອງພາກລັດ
ນອກຈາກການອອກແບບຂອງສິນເຊື່ອ OBF, ປັດໃຈສຳຄັນຢ່າງໜຶ່ງຂອງຄວາມສຳເລັດ ແມ່ນຄວາມມຸ່ງໝັ້ນໄລຍະຍາວຂອງໂຄງການ CPUC. CPUC ໃຫ້ຄຳໝັ້ນສັນຍາຕໍ່ບໍລິການທາງການເງິນອີງໃສ່ໃບບິນເປັນເວລາ ເກືອບ 10 ປີ, ຊຶ່ງເປີດໂອກາດໃຫ້ວຽກງານສາທາລະນຸປະໂພກສາມາດພັດທະນາຄວາມຊ່ຽວຊານໃນການບໍລິຫານຈັດການໂຄງການ ຢ່າງມີປະສິດທິພາບ.
ແຮງຈູງໃຈໃນການມີສ່ວນຮ່ວມ
ການສຶກສາກ່ຽວກັບໂຄງການ OBF ໃນປີ 2011 ໂດຍ CPUC ສະແດງໃຫ້ເຫັນວ່າເງິນກູ້ທີ່ບໍ່ມີ ດອກເບ້ຍ, ຂະບວນການສະເໜີ ແລະ ຊຳລະທີ່ງ່າຍດາຍ ແລະ ການນຳໃຊ້ໃບບິນເປັນສື່ກາງເປັນປັດໃຈທີ່ສຳຄັນໃນການຂັບເຄື່ອນ ການມີສ່ວນຮ່ວມໃນໂຄງການ OBF.
ການນຳໃຊ້ກອງທຶນໝູນວຽນເພື່ອຂະຫຍານແຫຼ່ງທຶນທີ່ເປັນໄປໄດ້.
ທຶນຈັດສັນເພື່ອສະໜັບສະໜູນໂຄງການ OBF ແມ່ນມີໂຄງສ້າງ ເປັນກອງທຶນເງິນກູ້ໝູນວຽນດ້ວຍໄລຍະຮອບໝູນວຽນ ສາມ ປີ ຊຶ່ງຈະເຮັດໃຫ້ໜ່ວຍງານສາທາລະນຸປະໂພກສາມາດເພີ່ມການປ່ອຍ ສິນເຊື່ອ ແລະ ການຊຳລະຄືນ, ເຮັດໃຫ້ສາມາດນຳທຶນໄປໃຊ້ກັບໂອກາດໃໝ່ໆ ແລະ ເພີ່ມຜົນກະທົບໂດຍລວມ.
ຂະໜາດເງິນກູ້ທີ່ເໝາະສົມ ແລະ ໂຄງການສາທາລະນຸປະໂພກອື່ນໆ.
ການກຳນົດວົງເງິນສິນເຊື່ອ ແລະ ການເນັ້ນໃສ່ຂະໜາດຂອງ ສິນເຊື່ອເຊັ່ນ: ຈຳນວນເງິນກູ້ແມ່ນເໝາະສົມກັບການປະຫຍັດພະລັງງານທີ່ຄາດໄວ້, ຊຶ່ງເຮັດໃຫ້ສາມາດຈັດການການຊຳລະຄືນເງິນກູ້ ແລະ ນຳໄປສູ່ອັດຕາການຜິດນັດຊຳລະທີ່ຕໍ່າ.
ແຫຼ່ງຂໍ້ມູນ/ຂໍ້ມູນຂ່າວສານເພີ່ມເຕີມ
- CADMUS (n.a.). ພື້ນຖານໂຄງລ່າງທີ່ເປັນເຈົ້າຂອງໂດຍນັກລົງທຶນທີ່ລັດຄາລີຟໍເນຍ: ການປະເມີນການເງິນຕາມໃບບິນ. ສາມດເຂົ້າເບິ່ງຂໍ້ມູນໄດ້ທີ່: https://cadmusgroup.com/case-studies/california-investor-owned-utilities-bill-financing-evaluation/
- ໂຄງການພະລັງງານໃນຕົວເມືອງ (2019). ໂຄງການຈັດຫາແຫຼ່ງທຶນດ້ານ ພື້ນຖານໂຄງລ່າງຕາມໃບບິນທີ່ເປັນເຈົ້າຂອງໂດຍນັກລົງທຶນໃນລັດຄາລີຟໍເນຍ. ສາມາດເຂົ້າເບິ່ງຂໍ້ມູນໄດ້ທີ່: https://www.cityenergyproject.org/wp-content/uploads/2019/01/City_Energy_Project_Resource_Library_Case_Study_California_Investor_Owned_Utility_On-Bill_Program.pdf
- ຄະນະກຳມາທິການໂຄງຮ່າງພື້ນຖານລັດຄາລີຟໍເນຍ. ສາມາດເຂົ້າເບິ່ງຂໍ້ມູນໄດ້ທີ່: https://www.cpuc.ca.gov/
