ເຄື່ອງມືທາງດ້ານການສະໜອງເງິນທຶນ ແລະ ຈຳນວນເງິນ

250 ລ້ານ ຣິງກິດມາເລເຊຍ (MYR) (59 ລ້ານ ໂດລາສະຫະລັດ) ຜ່ານ Sukuk (ພັນທະບັດບໍ່ມີດອກເບ້ຍ)

ຄວາມເປັນມາ

ມາເລເຊຍ ເປັນປະເທດໜຶ່ງໃນສູນກາງສຳຄັນຂອງໂລກທາງດ້ານທະນາຄານອິສະລາມ ໂດຍມີຕະຫຼາດ Sukuk ທີ່ໝັ້ນຄົງເຊິ່ງມີປະມານ 40% ຂອງ Sukuk ທີ່ຍັງຄົງຄ້າງຢູ່ທົ່ວໂລກໃນໄຕມາດທີ່ 3 ປີ 2023. ໃນປີ 2014, ປະເທດໄດ້ເປີດຕົວກອບການລົງທຶນທີຍືນຍົງ ແລະ ມີຄວາມຮັບຜິດຊອບ (SRI) ສຳລັບ Sukuk ເພື່ອວາງຕົນເອງເປັນສູນກາງການເງິນຂອງອິດສະລາມທີ່ເປັນມິດຕໍ່ສິ່ງແວວລ້ອມ ແລະ ຍືນຍົງ.

ໃນປີ 2017, ທະນາຄານໂລກ, ທະນາຄານ Negara Malaysia (BNM) ແລະ ຄະນະກຳມະການຫຼັກຊັບມາເລເຊຍໄດ້ກໍ່ຕັ້ງ ຄະນະເຮັດວຽກທາງເຕັກນິກ ເພື່ອສຳຫຼວດແນວທາງທີ່ຈະສົ່ງເສີມການລົງທຶນໃນໂຄງການທີ່ເປັນມິດຕໍ່ສິ່ງແວດລ້ອມ ຫຼື ຍືນຍົງ, ໂດຍມີຈຸດ ປະສົງເພື່ອປູທາງສູ່ການພັດທະນາຕະຫຼາດການເງິນອິດສະລາມ ທີ່ເປັນມິດຕໍ່ສິ່ງແວດລ້ອມໃນມາເລເຊຍ. ຈາກຄວາມພະຍາຍາມຂອງຄະນະ ເຮັດວຽກນີ້, ພະລັງງານ Tadau Energy Sdn Bhd ໄດ້ອອກໂຄງການ Sukuk ສີຂຽວຄັ້ງທຳອິດຂອງໂລກ ເມື່ອວັນທີ 27 ກໍລະກົດ 2017 ໂດຍລະດົມທຶນໄດ້ 250 ລ້ານ ຣິງກິດມາເລເຊຍ (MYR) (59 ລ້ານ ໂດລາສະຫະລັດ). ເງິນທຶນດັ່ງກ່າວຖືກນຳໄປໃຊ້ ເພື່ອເປັນເງິນທຶນສຳລັບການຈັດຕັ້ງໂຮງໄຟຟ້າພະລັງງານແສງຕາເວັນຂະໜາດ 50 ເມກາວັດ ໃນລັດ ຊາບາ (Sabah) ປະເທດມາເລເຊຍ. 

ວິທີການ

ມາເລເຊຍໄດ້ເລີ່ມຕົ້ນຄັ້ງທຳອິດເພື່ອກະກຽມຕົນເອງເປັນສູນກາງທາງດ້ານການເງິນອິດສະລາມ ທີ່ເປັນມິດຕໍ່ສິ່ງແວດລ້ອມ ແລະ ຍືນຍົງ ຜ່ານກອບ SRI Sukuk ເຊິ່ງມຸ່ງເນັ້ນໃນການສົ່ງເສີມການເງິນ ແລະ ການລົງທຶນທີ່ມີຄວາມຮັບຜິດຊອບຕໍ່ສັງຄົມເປັນການຂະ ຫຍາຍຈາກກອບ Sukuk ທີ່ມີຢູ່ເດີມ. ຄະນະເຮັດວຽກດ້ານເຕັກນິກໄດ້ເລັ່ງໂອກາດໃນການໃຊ້ປະໂຫຍດຈາກຄວາມເປັນຜູ້ນຳຂອງ ມາເລເຊຍດ້ານການເງິນອິດສະລາມເພື່ອເປັນຜູ້ນຳໃນການອອກ Sukuk ສີຂຽວແຫ່ງທຳອິດຂອງໂລກ. ເຄື່ອງມືທາງການເງິນທີ່ເປັນ ນະວັດ ຕະກຳນີ້ຈະລວມຫຼັກການຂອງພັນທະບັດສີຂຽວ ແລະ Sukuk, ເພື່ອສະເໜີວິທີການແກ້ໄຂທີ່ສາມາດຊ່ວຍຕອບສະໜອງຄວາມຕ້ອງການ ດ້ານໂຄງສ້າງພື້ນຖານຂອງປະເທດ ແລະ ເງິນທີ່ເປັນມິດຕໍ່ສິ່ງແວດລ້ອມ.

ເພື່ອໃຫ້ບັນລຸເປົ້າໝາຍນີ້ ຄະນະເຮັດວຽກດ້ານເຕັກນິກໄດ້ປະສານວຽກກັບຜູ້ມີສ່ວນຮ່ວມທັງໃນທັງພາກລັດ ແລະ ພາກເອກະຊົນ, ລວມເຖິງ ກະຊວງການເງິນ, ກະຊວງພະລັງງານ, ກະຊວງເຕັກໂນໂລຢີສີຂຽວ ແລະ ນ້ຳ, ບໍລິສັດເຕັກໂນໂລຢີສີຂຽວ ແລະ ບໍລິສັດການປ່ຽນ ແປງສະພາບອາກາດມາເລເຊຍ Malaysian Green Technology and Climate Change Corp (Green Tech Malaysia Sdn Bhd) ແລະ ສະຖາບັນການເງິນອື່ນໆ ແລະ ຜູ້ອອກ Sukuk ທີ່ມີຄວາມສາມາດ. ຄວາມພະຍາຍາມຂອງພວກເຂົາລວມເຖິງ ການສົ່ງເສີມແນວຄິດຂອງ Sukuk ສີຂຽວ ແລະ ໃຫ້ຄຳແນະນຳໃນການເລີ່ມຕົ້ນຕະຫຼາດໃນທ້ອງຖິ່ນຜ່ານສິດທິປະໂຫຍດ ເຊັ່ນ: ການຫຼຸດ ພາສີ ແລະ ເພີ່ມເງິນອຸດໜູນ ລວມເຖິງການສະໜັບສະໜູນຜູ້ອອກ Sukuk ຄັ້ງທຳອິດໃນການປັບຕົວຕາມນະໂຍບາຍຂອງລັດຖະບານ ແລະ ແນວທາງປະຕິບັດທີ່ດີທີ່ສຸດລະດັບສາກົນ.

ຄະນະກຳມະການຫຼັກຊັບມາເລເຊຍໄດ້ອອກໂຄງການສະໜັບສະໜູນ SRI Sukuk ແລະ Bond Grant Scheme ທີ່ມີແຮງຈູງໃຈ ຕ່າງໆສຳລັບຜູ້ອອກ Sukuk. ພາຍໃຕ້ໂຄງການນີ້ ຜູ້ອອກ Sukuk ທີ່ມີສິດສາມາດຮຽກຮ້ອງຄ່າທຳນຽມຜູ້ກວດສອບພາຍນອກໄດ້ເຖິງ 90% ຈາກເງິນຊ່ວຍເຫຼືອຂອງລັດຖະບານ ແລະ ໄດ້ຮັບການຍົກເວັ້ນພາສີເປັນເວລາຫ້າປີ. ຄຳແນະນຳເພີ່ມເຕີມລວມເຖິງການຊ່ວຍລະບຸ ໂຄງການເປັນມິດຕໍ່ສິ່ງແວດລ້ອມທີ່ມີເງື່ອນໄຂການສ້າງທິສິດທິພາບໃນການຊ່ວຍໃຫ້ຜູ້ອອກ Sukuk ນຳແນວທາງປະຕິບັດທີ່ດີທີ່ສຸດ ລະດັບສາກົນມາໃຊ້, ລະບຸການກວດສອບພາຍນອກ ແລະ ການໄດ້ຮັບໃບຮັບຮອງສີຂຽວເພື່ອເພີ່ມຄວາມໝັ້ນໃຈໃນ Sukuk ສີຂຽວ ແລະ ຄວາມເຊື່ອໝັ້ນຂອງນັກລົງທຶນ.

ຜົນໄດ້ຮັບ

ວັນ 27 ກໍລະກົດ 2017, ພະລັງງານTadau Energy Sdn Bhd ໄດ້ເປີດຕົວ green Sukuk ສີຂຽວຄັ້ງທຳອິດຂອງໂລກ ໂດຍລະດົມເງິນທຶນໄດ້ 250 ລ້ານ ຣິງກິດມາເລເຊຍ (MYR) (59 ລ້ານ ໂດລາສະຫະລັດ). ເງິນທຶນດັ່ງກ່າວຖືກນຳໄປໃຊ້ເພື່ອເປັນ ເງິນທຶນສຳລັບການຈັດຕັ້ງໂຮງໄຟຟ້າພະລັງງານແສງຕາເວັນຂະໜາດ 50 ເມກາວັດ ໃນລັດ ຊາບາ (Sabah) ປະເທດມາເລເຊຍ. ນອກຈາກຄວາມສອດຄ່ອງກັບກອບ SRI ແລ້ວ, Sukuk ຍັງໄດ້ຮັບຮອງຈາກສະພາທີ່ປຶກສາ ຊາເຣຍ (Sharia’ah) ຂອງ BNM ແລະ ໄດ້ຮັບການຈັດອັນດັບສູງສຸດຈາກຜູ້ປະເມີນພາຍນອກ ຫຼື ສູນການວິໄຈການປ່ຽນແປງດິນຟ້າອາກາດ ແລະ ສິ່ງແວດລ້ອມລະຫວ່າງປະເທດ (CICERO) ເພື່ອເພີ່ມຄວາມໝັ້ນໃຈ ແລະ ດຶງດູດຄວາມສົນໃຈຂອງນັກລົງທຶນ. ຫຼັງຈາກຄວາມສຳແລັດໃນການອອກ Tadau Energy ໃນການອອກຫຼັກຊັບ Sukuk ສີຂຽວ, ຍັງມີການອອກ Sukuk ສີຂຽວຂະໜາດໃຫຍ່ຂຶ້ນເປັນຈຳນວນ 1 ຕື້ ຣິງກິດມາເລເຊຍ (MYR) (286 ລ້ານ ໂດລາສະຫະລັດ) ດ້ວຍ Quantum Solar ໃນຊ່ວງທ້າຍປີ 2017 ເພື່ອສະໜັບສະໜູນໂຄງການ ພະລັງງານແສງຕາເວັນເພີ່ມເຕີມ.