ເຄື່ອງມືທາງດ້ານການສະໜອງເງິນທຶນ ແລະ ຈຳນວນເງິນ
26.6 ລ້ານໂດລາສະຫະລັດ ຜ່ານພັນທະບັດເທດສະບານ
ຄວາມເປັນມາ
ບໍລິສັດເທດສະບານ Ahmedabad (AMC) ຄຸ້ມຄອງໂຄງສ້າງພື້ນຖານໂຄງລ່າງພົນລະເມືອງ ແລະ ການບໍລິຫານສໍາລັບການເມືອງ Ahmedabad ຢູ່ໃນເມືອງ ກູຈະຣັດ (Gujarat) ປະເທດອິນເດຍ. ໃນຫຼາຍປີທີ່ຜ່ານມາ, ບໍລິສັດເທດສະບານ Ahmedabad (AMC) ໄດ້ຮັບຊື່ສຽງໃນການໃຫ້ການບໍລິການສາທາລະນະທີ່ມີປະສິດທິພາບແກ່ຜູ້ຢູ່ອາໄສ, ເຊິ່ງສູງກວ່າຄ່າສະເລ່ຍແຫ່ງຊາດ.
ໃນປີ 2019, ບໍລິສັດເທດສະບານ Ahmedabad (AMC) ໄດ້ພະຍາຍາມ ໃຫ້ທຶນ ເພື່ອດໍາເນີນໂຄງການໂຄງສ້າງພື້ນຖານ ໂຄງລ່າງໃນຕົວເມືອງຂະໜາດໃຫຍ່ຫຼາຍໂຄງການລວມທັງລະບົບການຈັດການຂີ້ເຫຍື້ອ ແລະ ນໍ້າ ແລະ ການຟື້ນຟູແມ່ນໍ້າ ຊາບາມາຕີ (Sabarmati). ເພື່ອສະໜອງເງິນທຶນໃຫ້ແກ່ໂຄງການລິເລີ່ມເຫຼົ່ານີ້, ບໍລິສັດເທດສະບານ Ahmedabad (AMC) ຮູ້ວ່າມັນຈໍາເປັນຕ້ອງ ເຂົ້າໄປເຈາະໃນຕະຫຼາດທຶນຍ້ອນວ່າບໍ່ສາມາດເພີ່ງພາພຽງແຕ່ການໂອນເງິນຂອງລັດຖະບານເທົ່ານັ້ນ.
ວິທີການ
ບໍລິສັດເທດສະບານ Ahmedabad (AMC) ຕັດສິນໃຈອອກພັນທະບັດເທດສະບານ (ຕົວຢ່າງ; ຫຼັກຊັບໜີ້ສິນທີ່ມີກໍານົດເວລາ ແລະ ອັດຕາດອກເບ້ຍຄົງທີ່) ເພື່ອລະດົມທຶນສໍາລັບໂຄງການທີ່ວາງແຜນໄວ້. ພັນທະບັດດັ່ງກ່າວໄດ້ຈົດທະບຽນຢູ່ໃນຕະຫຼາດຫຼັກຊັບແຫ່ງຊາດ ອິນເດຍທີ່ມີອາຍຸ ຫ້າປີ ແລະ ອັດຕາດອກເບ້ຍ 8.7%.
ປັດໃຈພື້ນຖານສອງປະການທີ່ອຳນວຍຄວາມສະດວກໃນການອອກພັນທະບັດຂອງບໍລິສັດເທດສະບານ Ahmedabad (AMC). ອັນດັບທີ່ໜຶ່ງ ແມ່ນໂຄງການບູລະນະ ແລະ ການຫັນເປັນຕົວເມືອງ (AMRUT) ຂອງລັດ ຖະບານສູນກາງ ເຊິ່ງໄດ້ເປີດໃນປີ 2015 ເພື່ອຊຸກຍູ້ໃຫ້ລັດຖະບານທ້ອງຖິ່ນລະດົມທຶນໂດຍຜ່ານເຄື່ອງມືທາງການເງິນຕາມຕະຫຼາດສໍາລັບໂຄງການປ່ຽນແປງຕົວເມືອງ. ອັນດັບທີ່ສອງ ແມ່ນການເຄື່ອນໄຫວຂອງຄະນະກໍາມະການຫຼັກຊັບ ແລະ ຕະຫຼາດຫຼັກຊັບແຫ່ງຊາດອິນເດຍ (SEBI) ເພື່ອຫຼຸດຜ່ອນລະບຽບ ການຄຸ້ມຄອງການອອກພັນທະບັດເທດສະບານໃນປີ 2017 ເພື່ອກະຕຸ້ນຕະຫຼາດພັນທະບັດເທດສະບານ. ສິ່ງເຫຼົ່ານີ້ລວມມີການຂະຫຍາຍ ສິດໃນການອອກພັນທະບັດໃຫ້ກັບເທດສະບານ ແລະ ຜ່ອນ ຜັນລະບຽບການອະນຸຍາດໃຫ້ຕ່າງປະເທດລົງທຶນໃນພັນທະບັດທ້ອງຖິ່ນ.
ຜົນໄດ້ຮັບ
ບໍລິສັດເທດສະບານ Ahmedabad (AMC) ລະດົມທຶນໄດ້ 26.2 ລ້ານໂດລາສະຫະລັດ ເພື່ອການອອກພັນທະບັດຂອງຕົນ ເຊິ່ງມີຜູ້ຈອງຊື້ເກີນ 5.42 ເທົ່າ. ຄວາມຕ້ອງການທີ່ເພີ່ມຂຶ້ນນີ້ເກີດຂຶ້ນຈາກການທີ່ ບໍລິສັດເທດສະບານ Ahmedabad (AMC) ໄດ້ຮັບອັນດັບຄວາມໜ້າເຊື່ອຖືທີ່ເອື້ອອໍານວຍຂອງ AA+ ຈາກທັງອົງການການຈັດອັນດັບຄວາມໜ້າເຊື່ອຖືທົ່ວໂລກເຊັ່ນ: CRISIL ແລະ ອົງການການຈັດອັນດັບຄວາມເຊື່ອຖືທ້ອງຖິ່ນ, ຢ່າງເຊັ່ນການໃຫ້ຄະແນນຂອງອິນເດຍ (India Ratings).
ການຈັດອັນດັບສິນທີ່ໜ້າເຊື່ອຖືທີ່ດີຂອງ ບໍລິສັດເທດສະບານ Ahmedabad (AMC) ສໍາລັບການອອກພັນທະບັດດັ່ງກ່າວແມ່ນ ສະທ້ອນເຖິງສະຖານະທາງດ້ານການເງິນທີ່ເຂັ້ມແຂງຂອງບໍລິສັດໂດຍສະເພາະຢ່າງຍິ່ງຄວາມສາມາດໃນການປະຕິບັດຕາມພັນທະຜູກພັນ ແລະ ການຊໍາລະຄືນຕົ້ນທຶນ ແລະ ດອກເບ້ຍ. ບໍລິສັດຍັງມີປະຫວັດການອອກພັນທະບັດໃນອະດີດໂດຍການອອກພັນທະບັດນີ້ເປັນ ຄັ້ງທີຫ້ານັບແຕ່ປີ 1998 ເປັນຕົ້ນມາເຊິ່ງໄດ້ກາຍເປັນເທດສະບານແຫ່ງທຳອິດໃນອາຊີທີ່ໄດ້ລະດົມເງິນຜ່ານການອອກພັນທະບັດຕໍ່ສາ ທາລະນະ.
ບົດຮຽນທີ່ສຳຄັນ
ພັນທະບັດເທດສະບານແມ່ນເຄື່ອງມືທີ່ມີປະໂຫຍດສໍາລັບໂຄງການພື້ນຖານໂຄງລ່າງຂະຫນາດໃຫຍ່.
ພັນທະບັດເທດສະບານ ສາມາດອອກໃຫ້ໄດ້ໂດຍມີອາຍຸການໄລຍະຍາວ ເຊິ່ງເຮັດໃຫ້ເໝາະສົມກັບໂຄງການພື້ນຖານໂຄງລ່າງຂະໜາດໃຫຍ່.
ລັດຖະບານກາງມີບົດບາດສໍາຄັນໃນການສ້າງແຮງຈູງໃຈໃນການລະດົມທຶນໂດຍຜ່ານເຄື່ອງມືທີ່ອີງໃສ່ຕະຫຼາດ.
ໂຄງການ AMRUT, ເຊິ່ງໄດ້ເປີດຕົວໃນປີ 2015 ໂດຍລັດຖະບານກາງເຮັດໃຫ້ເກີດສະພາບແວດລ້ອມທາງດ້ານນະໂຍບາຍທີ່ອໍານວຍ ຄວາມສະດວກໃຫ້ແກ່ ບໍລິສັດເທດສະບານ Ahmedabad (AMC) ໃນການລະດົມທຶນສໍາລັບໂຄງການພັດທະນາຕົວເມືອງ ຜ່ານທາງຕະຫຼາດທຶນ.
ກອບລະບຽບກົດໝາຍ ແລະ ຂໍ້ບັງຄັບເພື່ອເປີດໃຊ້ງານ ແລະ ສະໜັບສະໜູນການອອກພັນທະບັດເທດສະບານ.
ສອງປີກ່ອນການທີ່ ບໍລິສັດເທດສະບານ Ahmedabad (AMC) ຈະຕັດສິນໃຈລະດົມທຶນໂດຍຜ່ານການອອກພັນທະບັດ, SEBI ມີບົດບາດຢ່າງຕັ້ງໜ້າເພື່ອຊຸກຍູ້ສົ່ງເສີມຕະຫຼາດພັນທະບັດຂອງເທດສະບານໂດຍການຊຸກຍູ້ສົ່ງເສີມຕະຫຼາດພັນທະບັດ ເທດສະບານໂດຍການປັບປຸງກົດລະບຽບການອອກພັນທະບັດໃຫ້ຄ່ອງຕົວຍິ່ງຂື້ນ ແລະ ອະນຸຍາດໃຫ້ນັກລົງທຶນໃນພອດຫຼັກຊັບ ເຂົ້າຮ່ວມໃນພັນທະບັດທ້ອງຖິ່ນ.
ອຳນາດການປົກຄອງທ້ອງຖິ່ນຈໍາເປັນຕ້ອງສະແດງໃຫ້ເຫັນເຖິງສຸຂະພາບທາງດ້ານການເງິນທີ່ເຂັ້ມແຂງເພື່ອດຶງດູດນັກລົງທຶນ.
ການຈັດອັນດັບສິນເຊື່ອທີ່ເອື້ອອໍານວຍທີ່ໄດ້ຮັບໂດຍ ບໍລິສັດເທດສະບານ Ahmedabad (AMC) ຈາກອົງການທົ່ວໂລກ ແລະ ທ້ອງຖິ່ນມີບົດບາດສໍາຄັນໃນການສ້າງຄວາມໝັ້ນໃຈຂອງນັກລົງທຶນ ແລະ ຮັບປະກັນຄວາມສໍາເລັດຂອງການອອກພັນທະບັດ ຂອງເທດສະບານ.
Sources
ແຫຼ່ງຂໍ້ມູນ/ຂໍ້ມູນຂ່າວສານເພີ່ມເຕີມ
- ເຄືອຂ່າຍຄວາມຮູ້ທາງດ້ານສະພາບອາກາດ ແລະ ການພັດທະນາ (CDKN) (2020). ອາເມດາບັດ (Ahmedabad) ອອກພັນທະບັດເທດສະບານເພື່ອປະຕິບັດໂຄງການສີຂຽວ. ສາມາດເຂົ້າເບິ່ງຂໍ້ມູນໄດ້ທີ່: https://southasia.iclei.org/wp-content/uploads/2021/09/Ahmedabad-Green-Municipal-Bond-Case-Study-pdf
- ບໍລິສັດ ເທດສະບານ ອາເມດາລັດ (Amdabad) (n.d.). ເມືອງ ອາເມດາບັດ (Ahmedabad) ເປັນເມືອງທີ່ດີທີ່ສຸດຂອງອິນເດຍ ໃນການດໍາລົງຊີວິດ, ໃນແງ່ຂອງ ໂຄງສ້າງພື້ນຖານ. ສາມາດເຂົ້າເບິ່ງຂໍ້ມູນໄດ້ທີ່: https://ahmedabadcity.gov.in/Home/AboutTheCorporation
- ມາດຕະຖານທາງທຸລະກິດ (2017). ເທດສະບານທີ່ມີສ່ວນເກີນສາມາດອອກພັນທະບັດເທດສະບານໄດ້: ສາມາດເຂົ້າເບິ່ງຂໍ້ມູນໄດ້ທີ່: https://www.business-standard.com/article/markets/municipalities-having-surplus-can-issue-municipal-bonds-sebi-117021600356_1.html
- ກະຊວງເຄຫາທີ່ຢູ່ອາໄສ ແລະ ກິດຈະການຕົວເມືອງ (2022). ສະຖານະຂອງ ອຳຣັດ (Amrut). ສາມາດເຂົ້າເບິ່ງຂໍ້ມູນໄດ້ທີ່: https://pib.gov.in/PressReleaseIframePage.aspx?PRID=1881751
