ເຄື່ອງມືທາງດ້ານການສະໜອງເງິນທຶນ ແລະ ຈຳນວນເງິນ
197.6 ລ້ານ ໂດລາສິງກະໂປ (265.6 ລ້ານ ໂດລາສະຫະລັດ)* ຜ່ານການໂອນເງິນຈາກລັດຖະບານແຫ່ງຊາດ
ຄວາມເປັນມາ
ໂຄງການລິເລີ່ມປະເທດອັດສະລິຍະ (Smart Nation Initiative) ໄດ້ເປີດໂຕໂດຍນາຍົກລັດຖະມົນຕີ ລີສຽນລູງ (Lee Hsien Loong) ໃນປີ 2014. ນັບຕັ້ງແຕ່ນັ້ນມາ ກໍ່ມີກຸ່ມບໍລິສັດ Smart Nation (SNG), ເຊິ່ງແມ່ນອົງການຈັດຕັ້ງພາຍໃຕ້ສໍານັກງານນາຍົກລັດຖະມົນຕີ (PMO) ເຊິ່ງຮັບຜິດຊອບໜ້າທີ່ກໍານົດທິດທາງນະໂຍບາຍ ແລະ ຍຸດທະສາດໃນການພັດທະນາ ແລະ ການຄຸ້ມຄອງຂໍ້ມູນຂ່າວສານ ແລະ ການສື່ສານ, ອຸດສາຫະກໍາສື່ມວນຊົນ, ເຕັກໂນໂລຢີດິຈິຕອນ ແລະ ການພັດທະນາປະເທດອັດສະລິຍະ.
ວິທີການ
ປັດຈຸບັນ, ກຸ່ມບໍລິສັດ Smart Nation ທີ່ຄຸ້ມຄອງພາຍໃຕ້ MCI ໄດ້ຮັບການຈັດສັນງົບປະມານປະຕິບັດການ 197.6 ລ້ານໂດລາສິງກະໂປ (265.6 ລ້ານໂດລາສະຫະລັດ)* ໃນງົບປະມານປີ 2024 (ສ່ວນໜຶ່ງຂອງງົບປະມານຈັດສັນຂອງ MCI). ການຈັດສັນງົບປະມານນີ້ໄດ້ຮັບການບັນທຶກໄວ້ໃນເອກະສານງົບປະມານຂອງກະຊວງການເງິນສິງກະໂປ.
ຜົນໄດ້ຮັບ
ກຸ່ມບໍລິສັດໄດ້ນຳສະເໜີເຕັກໂນໂລຊີອັດສະລິຍະຢ່າງກວ້າງຂວາງໃນທັງພາກລັດ ແລະ ພາກເອກະຊົນ. ໜຶ່ງໃນຜົນຮັບທີ່ໃຫຍ່ທີ່ສຸດແມ່ນຄວາມສຳເລັດໃນການແປງ 95% ຂອງການບໍລິການທັງໝົດຂອງລັດຖະບານໄປເປັນລະບົບດີຈີຕອລ. ສິ່ງນີ້ເຮັດໃຫ້ມີການລຸດຜ່ອນການນຳໃຊ້ເຈ້ຍ, ໄລຍະເວລາດຳເນີນງານດີຂຶ້ນ ແລະ ຄວາມສະດວກໃຫ້ກັບປະຊາຊົນຫຼາຍຂຶ້ນ.
ຜົນສຳເລັດອື່ນໆລວມມີການສະໜັບສະໜູນການພັດທະນາຢ່າງຕໍ່ເນື່ອງຂອງລະບົບການຂົນສົ່ງອັດສະລິຍະ (ITS) ຂອງສິງກະໂປ ແລະ ການເຊື່ອມໂຍງກັບຍຸດທະສາດທີ່ເປັນປະເທດອັດສະລິຍະ (Smart Nation Strategy) ທີ່ເຜີຍແຜ່ໃນປີ 2018. ITS ເປັນລະບົບທີ່ໃຊ້ຊຸດເຊັນເຊີ ແລະ ກ້ອງຖ່າຍຮູບເພື່ອເກັບກຳຂໍ້ມູນຂອງການສັນຈອນ ແລະ ເວລາຂອງການເດີນທາງ ເພື່ອຮອງຮັບຜູ້ໂດຍສານໃນການເດີນທາງປະຈໍາວັນຂອງເຂົາເຈົ້າ. ລະບົບດັ່ງກ່າວຍັງສະໜອງວິທີການໃຫ້ເຈົ້າໜ້າທີ່ຂອງລັດໃນການຕິດຕາມ ແລະ ຄຸ້ມຄອງການໄຫຼວຽນຂອງການຈະລາຈອນ, ສັງລວມຂໍ້ມູນເຊີງເລິກໄດ້ຢ່າງລະອຽດກ່ຽວກັບສັກກາຍະພາບທີ່ມີປະສິດທິພາບຂອງເຄືອຂ່າຍຖະໜົນ ແລະ ຕັດສິນໃຈເພື່ອເພີ່ມຄວາມປອດໄພທາງຖະໜົນ.
ຄວາມສຳເລັດຂ້າງເທິງນີ້ໄດ້ປະກອບສ່ວນຢ່າງໃຫຍ່ຫຼວງໃນການເຮັດໃຫ້ສິງກະໂປກາຍເປັນໜຶ່ງໃນຫ້າອັນດັບສູງສຸດຂອງ “ເມືອງທີ່ອັດສະລິຍະທີ່ສຸດ” ຂອງໂລກ, ອີງຕາມດັດຊະນີເມືອງອັດສະລິຍະປີ 2024 ໂດຍໂຮງຮຽນທຸລະກິດ IMD
ບົດຮຽນທີ່ສຳຄັນ
ການສ້າງອົງການທີ່ທຸ້ມເທໂດຍມີການມອບໝາຍທີ່ຊັດເຈນສໍາລັບການພັດທະນາເມືອງອັດສະລິຍະ, ພ້ອມດ້ວຍກັບງົບປະມານທີ່ກຳນົດໄວ້ຈະຊ່ວຍຮັບປະກັນເງິນທຶນສໍາລັບໂຄງການເຫຼົ່ານີ້.
ວິທີການນີ້ໄດ້ເພີ່ມຄວາມວ່ອງໄວໃນການທີ່ໂຄງການເມືອງອັດສະລິຍະໄດ້ຮັບເງິນທຶນ ແລະ ສະໜັບສະໜູນການນຳຂໍ້ແກ້ໄຂບັນຫາອັດສະລິຍະໄປໃຊ້ໄດ້ຢ່າງວ່ອງໄວ ເຊັ່ນ: ລະບົບການຂົນສົ່ງອັດສະລິຍະ (ITS) ແລະ ການຄຸ້ມຄອງຂີ້ເຫຍື້ອໃນເມືອງອັດສະລິຍະ.
ການເປັນສູນກາງ }ການກວດກາ ແລະ ການຈັດສັນຊັບພະຍາກອນທີ່ພຽງພໍໃຫ້ແກ່ກຸ່ມບໍລິສັດ ປະເທດອັດສະລິຍະ (SNG) ໄດ້ພິສູດໃຫ້ເຫັນວ່າມີຄວາມສຳຄັນຕໍ່ຜົນສຳເລັດຂອງໂຄງການປະເທດອັດສະລິຍະ.
ການໃຫ້ຄໍາສັ່ງທີ່ຊັດເຈນແກ່ ກຸ່ມບໍລິສັດ ປະເທດອັດສະລິຍະ (Smart Nation Group) ໃນການອອກແບບ ແລະ ການດໍາເນີນການໂຄງການເມືອງອັດສະລິຍະກໍມີຄວາມສໍາຄັນຫຼາຍເຊັນກັນ.
ແຫຼ່ງຂໍ້ມູນ/ຂໍ້ມູນຂ່າວສານເພີ່ມເຕີມ
- ປະຕູຜູ້ພັດທະນາຂອງລັດຖະບານສິງກະໂປ (2023). ການເດີນທາງແບບດີຈິຕອລ ຂອງລັດຖະບານສິງກະໂປ. ສາມາດເຂົ້າເບິ່ງຂໍ້ມູນໄດ້ທີ່: https://www.developer.tech.gov.sg/our-digital-journey/singapore-digital-government-journey/overview.html
- ກະຊວງການເງິນ (2024). ການຄາດຄະເນລາຍຈ່າຍງົບປະມານປະຈຳປີ 2024 ຂອງ ກະຊວງສື່ສານ ແລະ ຂໍ້ມູນຂ່າວສານ. ສາມາດເຂົ້າເບິ່ງຂໍ້ມູນໄດ້ທີ່: https://www.mof.gov.sg/docs/librariesprovider3/budget2024/download/pdf/39-mci-2024.pdf
- ປະເທດອັດສະລິຍະ ສິງກາໂປ (Smart Nation Singapore). ກ່ຽວກັບ ກຸ່ມບໍລິສັດ ປະເທດອັດສະລິຍະ (Smart Nation Group). ສາມາດເຂົ້າເບິ່ງຂໍ້ມູນໄດ້ທີ່: https://www.smartnation.gov.sg/archive/sng/
- ປະເທດອັດສະລິຍະ (Smart Nation) (2018). ຍຸດທະສາດຂອງປະເທດ ອັດສະລິຍະ (Smart Nation Strategy). ສາມາດເຂົ້າເບິ່ງຂໍ້ມູນໄດ້ທີ່: https://www.smartnation.gov.sg/files/publications/smart-nation-strategy-nov2018.pdf
- IMD (2024). ດັດສະນີເມືອງອັດສະລິຍະຂອງ IMD ປີ 2024. ສາມາດເຂົ້າເບິ່ງຂໍ້ມູນໄດ້ທີ່: https://www.imd.org/smart-city-observatory/home/rankings/
- *ໝາຍເຫດ: ມູນຄ່າຂອງສະກຸນເງິນໂດລາສະຫະລັດ ແມ່ນຄິດໄລ່ໂດຍອິງຕາມອັດຕາແລກປ່ຽນສະເລ່ຍ 12 ເດືອນໃນປີ 2023. ດຶງຂໍ້ມູນແບບຟອມມາຈາກເວັບໄຊ້: https://www.x-rates.com/average/?from=USD&to=SGD&amount=1&year=2023
